JONÁS 2:9 - Nahuatl Huasteca (Western)

⁹ Pero na nimitztlascamati por catli techchihuilijtoc. Amo quema nijhueyichihuas seyoc, san ta, TOTECO. Huan nijtlamichihuas catli nijtencajtoc nijchihuasquía. San ta, TOTECO, hueli titemanahuía.”

JONÁS 2:9 Iomraidhean Croise

SALMOS 3:8

San ta, TOTECO, hueli titemaquixtía. Hueyi paquilistli quipiyaj nochi momasehualhua.

SALMOS 50:14

Nijnequi techtlascamatilica ica nochi catli nimechchihuilía huan ya nopa niquitas quen se tlacajcahualistli. Xijtlamichihuaca nochi catli anquiijtojtoque para anquichihuase.

HEBREOS 13:15

Ma nochipa tijtlascamatica Toteco ica itlapalehuil Jesucristo. Ni tlascamatili eltoc nopa tlacajcahualistli catli ama quinamiqui tijmacase Toteco. Huajca ica tocamac ma tijhueyichihuaca Toteco tlatoctzitzi.

SALMOS 50:23

Pero quema antechtlascamatij ica nochi catli nimechchihuilía, eltoc quen se tlacajcahualistli catli nechnextilía antechtlepanitaj. Huan nopa masehuali catli monejnehuilía campa mocuapolojtoc, huan mocuepa ipan noojhui catli xitlahuac, na nijmaquixtis.”

OSEAS 14:2

Ximocuepaca ica amoTECO Dios huan xiquilhuitij: “Techquixtili nochi totlajtlacolhua. Xijpiya hueyi moyolo ica tojuanti huan techseli. Ica tocamac, timitzhueyichihuase.

SALMOS 68:20

Toteco Dios, yaya catli techchololtía ininmaco tocualancaitacahua. Huan yaya Toteco catli techmanahuía para amo timiquise.

ROMANOS 12:1

Huajca noicnihua, nimechtlajtlanía ica nochi noyolo, ximotemacaca ica Toteco Dios pampa tlahuel miyac Toteco anmechtlasojtlatoc. Ximoilhuica amotlacayohua eltoc quen se tlacajcahualistli para ya, pero ma eli se tlacajcahualistli catli yoltoc huan catli tlatzejtzeloltic, pampa quej nopa quipactía Toteco. Quena, ya nopa catli quinamiqui para anquichihuase para anquihueyimatise por nochi catli anmechchihuilijtoc.

ISAÍAS 45:17

Pero TOTECO quinmaquixtis israelitame, huan quinmaquixtis para nochipa. Ayacmo aqui quinpinahualtis, niyon ayacmo aqui quinechcapantlalis para nochipa.

APOCALIPSIS 7:10

huan tzajtziyayaj chicahuac huan quiijtohuayayaj: “¡Hueyi paquilistli! Ya techmaquixtijque ni Pilborregojtzi huan Toteco Dios catli mosehuía ipan ihueyi siya catli yejyectzi.”

JUAN 4:22

AnSamaria ehuani amo anquiiximatij ajqueya anquihueyimatise. Pero tiisraelitame tiquiximatij Toteco Dios huan tijhueyimatij. Huan Toteco temaquixtis ica se catli israelita.

JEREMÍAS 33:11

Pero nimechilhuía para teipa sempa caquistis paquilistli huan huicatl nica. Sempa caquistis inintoscac catli paquij ipan ininnenamictilis nopa telpocame huan ichpocame. Sempa nechpaquilismacase na niininTECO Catli Niquinyacana Notequihuajcahua Ma Tlatlanitij pampa na niitztoc cuali huan nochipa nitetlasojtla. Huan caquistis masehualme catli quihualicase tlacajcahualistli ipan nochaj para nechtlascamatise pampa niquinhualicatoc nopa masehualme catli quinhuicatoyaj ipan seyoc tlali huan nica itztose quen achtihuiya. Quej nopa niamoTECO niquijtohua.”

JOB 22:27

Timotlatlajtis ica ya huan yaya mitztlacaquilis. Huan tijtlamichihuas nochi catli tijtlajtolcahuilis para tijchihuas.

GÉNESIS 35:3

Teipa xihualaca, ma tiyaca Betel pampa nepa nijsencahuas se tlaixpamitl huan tijhueyichihuase Toteco Dios catli nechpalehui quema nimotequipachohuayaya. Yaya catli nohuaya yajtoc campa hueli campa ninentinentoc.

HECHOS 4:12

Amo aqui seyoc [4:12 Seyoc tocaitl.] catli huelis techmaquixtis tlen totlajtlacolhua, pampa Toteco Dios amo quitlalijtoc seyoc catli quipiya tequiticayotl ipan ni tlaltipactli para techmaquixtis, san Jesucristo.

SALMOS 107:22

Xijpaquilismacaca Toteco huan yaya quiitas quen elisquía se tlacajcahualistli. Huan xihuicaca huan xitepohuilica nochi catli yaya quichijtoc.

2 SAMUEL 15:7

Huan quema quiaxiti nahui xihuitl para ajsitoya ipan Jerusalén, Absalón quiilhui David: ―Nimitztlajtlanía techcahua niyas altepetl Hebrón nijmacati tlacajcahualistli Toteco, pampa quej nopa nimocajtoc ica TOTECO.

DEUTERONOMIO 23:18

Amo aqui huelis quimacas tomi TOTECO Dios catli quitlantoc pampa ahuilnemiyaya, masque se tlacatl catli quiselía tomi para itztos ica sihuame, o se sihuatl catli quiselía tomi para itztos ica tlacame. Masque nopa tomi elis se ofrenda catli anquimacaj TOTECO ica amopaquilis, amo xijmacaca pampa nopa tomi hualajqui ipan se tlajtlacoli catli TOTECO tlahuel amo quinequi quiitas.

SALMOS 27:1

TOTECO nechtlahuilía huan nechmaquixtía. ¿Ajqueya ma niquimacasis? TOTECO yaya nochicahualis, huan na niitztoc imaco. Amo aqui niquimacasis.

SALMOS 95:2

Ma tiyaca iixpa Toteco para tijtlascamatise ica nochi toyolo. Ma tijpaquilismacaca ica huicatl.

1 SAMUEL 12:21

Amo xijcahuaca TOTECO para anquinhueyitlalise nopa tlaixcopincayome catli amo tleno ininpati pampa inijuanti amo anmechpalehuise. Amo anmechmanahuise pampa amo tleno hueli quichihuaj.