JONÁS 2:2 - Nahuatl Huasteca (Western)

² huan quiijto: “Quema nitlaijiyohuiyaya, nimitztzajtzili, noTECO, huan ta technanquili huan techpalehui. Quema nechca eltoya para nimiquis, nimitznojnotzqui huan techtlacaquili.

JONÁS 2:2 Iomraidhean Croise

2 CRÓNICAS 33:12

Pero teipa quema tlahuel tlaijiyohuiyaya, Manasés moicnonejqui huan motlatlajti ica nochi iyolo iixpa TOTECO Dios catli elqui ininTeco ihuejcapan tatahua.

SALMOS 116:3

Nechyahualojtoya miquilistli. Nijmachiliyaya quen niitztosquía ipan ostotl, pampa nechajsic miyac cuesoli huan tequipacholi.

SALMOS 120:1

Quema niitztoya ipan tlaijiyohuilistli, nijtzajtzili TOTECO huan yaya nechnanquili. Niquilhui:

SALMOS 16:10

Pampa amo tijcahuas notlacayo ipan ostotl, niyon amo tijcahuas ma palani itlacayo Yaya Catli Tlatzejtzeloltic.

SALMOS 22:24

Pampa amo techelcajtoc quema titlaijiyohuíaj, niyon amo techhuejcamajcajtoc. Amo neli techcuanetlatilía. ¡Amo! Ta techtlacaquilía quema timitztlajtlaníaj techpalehuiqui.

SALMOS 34:6

Masque nipilteicneltzi, nijtzajtzili TOTECO, huan yaya nechmaquixti ica nochi tlamantli catli nechtequipachohuayaya.

SALMOS 4:1

Toteco Dios, ta techchijtoc nixitlahuac moixpa, Se favor technanquili quema nimitznojnotza. Ta catli nochipa techpalehuía quema nitlaijiyohuía, ama sempa techtlasojtla huan xijcaqui quema nimotlatlajtía.

SALMOS 61:2

Masque niitztosquía campa hueli o hasta campa ontlantoc tlaltipactli, na nimitztzajtzilisquía para nimitztlajtlanis motlapalehuil. Quema nimajmahui o nimotequipachohua, techyacana huan techtlatía ipan se huejcapantic tetl, campa amo tleno huelis nechajsis.

SALMOS 65:2

Ta technanquilía quema timotlatlajtíaj huan techmaca catli timitztlajtlaníaj, huajca nochi masehualme ipan tlaltipactli ma hualaca campa ta.

SALMOS 86:13

pampa tlahuel hueyi motlaicnelilis noca na, huan amo quema tlami. Ta techmanahuijtoc para amo niyas mictla campa tlanahuatía miquilistli.

ISAÍAS 14:9

“Nopa mijcatzitzi catli itztoque nepa mictla momajmatíaj para quiselise nopa tlanahuatijquetl quema calaquiti nepa. Isaj catli cochtoyaj pampa ajsis. Nopa mijcatzitzi catli elque tlayacanani hualahuij pampa quinequij quinamiquitij. Catli eliyayaj tlanahuatiani moquetzaj tlen ininsiyas para quiselise.

LAMENTACIONES 3:55

“Huan nimitznotzqui, TOTECO, tlen itzintla nopa ostotl catli más huejcatla.

EZEQUIEL 26:20

Tlamis nopa altepetl huan nochi catli nopona itztoyaj quen miqui se masehuali huan yas hasta más tlatzintla ipan nopa hueyi ostotl campa mopantíaj nopa masehualme catli huejcajya mijque huan nopona yajque. Ayacmo quema quinpiyas imasehualhua nopa altepetl. Ayacmo quema motlananas huan quipiyas tlatlepanitacayotl. Nopa altepetl ayacmo quema quipiyas iyejyejca ipan ni tlaltipactli campa itztoque masehualme catli yoltoque.

EZEQUIEL 31:14

Huajca tlen ama huan teipa niyon se cuahuitl masque quipiya miyac atl amo mochihuas hueyi quej ni hasta moscaltis más huejcapa tlen mixtli. Nochi tlali huan ininmasehualhua itztose quen ni cuahuitl huan miquise huan yase ipan nopa ostotl catli tlahuel huejcatla ininhuaya tlacame catli mohueyimatque tlen nochi tlaltipactli.

MATEO 12:40

Pampa quen Jonás itztoya eyi tonati huan eyi yohuali iijtico nopa hueyi tlapiyali ipan hueyi atl, na nojquiya catli niMocuepqui Masehuali, niitztos ipan teostotl para eyi tonati huan eyi yohuali.

LUCAS 11:10

Pampa nochi catli tlajtlanij, quiselíaj. Huan nochi catli quitemohuaj catli quinpolohua, quipantíaj. Huan nochi catli quinotzaj Toteco, yaya quincaltlapohua huan quinmaca catli quitlajtlaníaj.

LUCAS 22:44

Jesús nelía tlaijiyohuiyaya huan chicahuac motlatlajtiyaya. Mitoniyaya miyac huan iitonal elqui quen estli catli chipiniyaya.

HECHOS 2:27

Pampa amo nechtlahuelcahuas campa mijcatzitzi, niyon amo tijcahuas ma palani itlacayo yaya catli moaxca catli tlatzejtzeloltic.

HEBREOS 5:7

Quema Cristo itztoya ipan ni tlaltipactli, yaya motlatlajti ica Toteco Dios. Quitlajtlani Toteco catli quinequiyaya huan quicamanalhui ica nochi iyolo hasta chocac. Pampa san Toteco quipiyayaya chicahualistli para quimaquixtis tlen nepa campa miquilistli. Huan Toteco Dios quitlacaquili pampa Cristo quitlepanitayaya Toteco ica nochi iyolo.

1 SAMUEL 1:16

Amo ximoilhui para se nifiero sihuatl. Nihuejcajtoc nimotlatlajtía pampa tlahuel miyac nimotequipachohua huan yeca amo nicamanaltitoc.

1 SAMUEL 30:6

Huan nochi nopa tlacame catli itztoyaj ihuaya quiijtohuayayaj para quimictise David ica tetl pampa tlahuel motequipachohuayayaj por ininconehua. Huajca David tlahuel motequipachohuayaya, pero David quitemo TOTECO Dios huan moyolchicajqui ipan ya.