JOEL 1:3 - Nahuatl Huasteca (Western)

³ Teipa anquinpohuilise amoconehua catli anmechajsic, huan inijuanti quinpohuilise ininconehua huan iniixhuihua catli tlacajtiyase.

JOEL 1:3 Iomraidhean Croise

SALMOS 145:4

Nochi coneme catli moscaltijtiyase quielnamiquise catli tijchihua, huan tepohuilise nopa tlamantli catli tijchijtihualajtoc ica mohueyi chicahualis.

SALMOS 44:1

Toteco Dios, tijcactoque tlaque techpohuilijtoque tohuejcapan tatahua tlen ta, huan nochi nopa tlamantli catli tiquinchihuili huejcajya.

SALMOS 71:18

¡Toteco Dios, ama quema ya nihuehuentzi huan nitzonchipahuac, amo techtlahuelcahua! Noja techmaca nemilistli para niquinpohuilis tlen mohueyi chicahualis ni masehualme catli itztoque ama huan catli teipa tlacatise.

ÉXODO 13:14

Huan teipa quema amoconehua anmechtlatzintoquilise tlaque quiijtosnequi ni tlamantli catli tijchihuaj, anquinilhuise para TOTECO techquixti ica hueyi chicahualistli ipan tlali Egipto campa titetequipanojtoyaj quen techcojtosquíaj para tiiniaxcahua.

ISAÍAS 38:19

San quichiyaj inijuanti catli itztoque. Quena, san inijuanti hueli mitzhueyichihuaj quen na nijchihua ama ni tonali. Huan nochi tatame quinpohuilise ininconehua para ta nelía titemachtli.

DEUTERONOMIO 6:7

Xiquinnextilica amoconehua mojmostla. Xiquinpohuilica ni tlanahuatilme quema anitztoque ipan amochaj, huan quema annejnemij ipan ojtli. Xiquinmachtica quema anmotecase para ancochise huan quema anmehuase.