ÉXODO 2:5 - Nahuatl Huasteca (Western)

⁵ Huan más tiotlac, iichpoca nopa Faraón ininhuaya itequipanojcahua temoque para maltitij ateno. Huan quema nejnemiyayaj nechca hueyatl, quiitaque nopa chiquihuitl tlatlajco acame. Huajca nopa ichpocatl quititlanqui se isihua tequipanojca ma quihualiquili nopa chiquihuitl.

ÉXODO 2:5 Iomraidhean Croise

1 REYES 17:6

Huan nopa totome quihuiquiliyaya pantzi huan nacatl mojmostla ica ijnaloc huan ica tiotlac, huan quiijiyaya atl tlen nopa atlajtli Querit.

SALMOS 12:5

Pero quej ni quiijtojtoc TOTECO: “Inijuanti catli teicneltzitzi huan catli amo quipiyaj fuerza nechtzajtzilíaj por nopa fiero masehualme catli quintlaijiyohuiltíaj. Yeca ama nimotlananas para niquinpalehuis. Niquinmaquixtis ininmaco catli quincualancaitaj.”

SALMOS 46:1

Toteco Dios ya totlamanahuijca huan tochicahualis. Nimantzi techpalehuía quema onca tlaohuijcayotl.

SALMOS 76:10

Ta tijtequihuía inincualancayo masehualme para sequinoc ma mitzhueyimatica. Huan tijtequihuis para más monextis moyejyejca.

SALMOS 9:9

Nochi catli pilteicneltzitzi huelis motemachise ipan TOTECO huan yaya quinmocuitlahuis. Huelis motlatise ipan ya quema tlaijiyohuíaj.

ÉXODO 2:6

Huan quitlapo nopa acachiquihuitl huan quitlachili iijtic. Huan nopona itztoya se piloquichpiltzi catli chocayaya. Huan iichpoca Faraón quitlasojtlac huan quiijto: ―Ni se piloquichpiltzi hebreo.

ÉXODO 7:15

Pero mostla cualca xiya xiquitati quema temos campa atl. Xijchiya iteno nopa hueyatl Nilo huan xijhuica nopa cuatopili catli mocuepqui cohuatl.

ÉXODO 8:20

Huan TOTECO quiilhui Moisés: ―Mostla ximehua cualca huan xiya xijnamiquiti Faraón quema temos ateno para maltiti huan xijcamanalhui. Xiquilhui para nimoTECO niquijtohua ma quincahua ma yaca nomasehualhua para ma nechhueyichihuatij.

PROVERBIOS 21:1

Quen se milchijquetl catli quiatequía imil quihuica nopa pilaojtzi campa quinequi ma yohui, quen nopa TOTECO quiyolpatla se tlanahuatijquetl para quiyacana campa ipaquilis.

JONÁS 1:17

Pero TOTECO quicualtlalijtoya se hueyi michi para ma quitolo Jonás. Huan Jonás itztoya iijtico nopa michi eyi tonali huan eyi yohuali.

JONÁS 2:10

Huajca quema Jonás tlantoya motlatlajtía, TOTECO quinahuati nopa hueyi michi ma quiijsotla Jonás xalpani. Huan quej nopa quichijqui.

HECHOS 7:21

Huan quema inana Moisés monejqui quitlahuelcahuas ioquichpil para ma miqui, iichpoca nopa yancuic tlanahuatijquetl Faraón quipanti huan quihuicac ichaj huan quiiscalti quen icone.