ÉXODO 15:3 - Nahuatl Huasteca (Western)

³ TOTECO ya nopa tlahuilanquetl catli más quipiya chicahualistli. Quena, TOTECO, ya nopa itoca.

ÉXODO 15:3 Iomraidhean Croise

SALMOS 24:8

¿Ta tijmati ajqueya nopa hueyi tlanahuatijquetl catli quinahuatía nochi ilhuicactli huan tlaltipactli? Yaya TOTECO catli tlahuel quipiya chicahualistli huan amo tleno quiimacasi. Yaya TOTECO catli tlatlantinemi ipan nochi tlahuilancayotl.

SALMOS 45:3

Ximocualtlalili momachete para titlahuilanas, ta catli nelía amo timajmahui. Nelía tinesi tiyejyectzi pampa ta titlanahuatijquetl catli más hueyi.

SALMOS 83:18

Quena, xiquinchihuili ya nopa hasta quimachilise para san ta tiTOTECO, huan para ta tiDios Catli Más Hueyi huan para san ta tijnahuatía nochi tlaltipactli.

ÉXODO 14:14

Niyon amo monequi antlahuilanase, TOTECO tlahuilanas por tojuanti.

ÉXODO 14:25

Huan quinquixtili nopa tepos yahuali ipan inincarros para ma ayacmo huelica quihuicase inincarrojhua. Huajca nopa egiptome quiijtojque: ―Ma timochololtica tlen ni israelitame, pampa DIOS, ininTECO techhuilana huan quinmanahuía.

ÉXODO 3:13

Pero Moisés quinanquili: ―Pero sintla niyas huan niquinilhuis nopa israelitame para yaya catli ininTeco amohuejcapan tatahua nechtitlantoc campa amojuanti, nechtlatzintoquilise ¿quenicatza motoca? Huan huajca, ¿tlaque niquinilhuis?

ÉXODO 3:14

Huan Toteco Dios quinanquili: ―NAYA NIITZTOC CATLI NOCHIPA NIITZTOC. Huan tiquinilhuis nopa israelitame: Yaya catli itoca YAYA CATLI NOCHIPA ITZTOC nechtitlantoc campa amojuanti.

ÉXODO 3:15

Huan nojquiya Toteco Dios quiilhui Moisés: ―Nojquiya xiquinilhui nopa israelitame para naya catli niininTECO amohuejcapan tatahua, Abraham, Isaac huan Jacob, mitztitlantoc campa inijuanti. Xiquinilhui ya ni elis notoca para nochipa. Ya ni nochipa eliyaya notoca huan nochipa elis notoca. Ica ni notoca nechnotzase para nochipa nochi masehualme catli tlacajtiyase.

ISAÍAS 42:13

TOTECO hualas quen se hueyi tlahuilanquetl catli tlahuel quipiya chicahualistli. Hualas ica ihueyi cualancayo para quintzontlamiltis icualancaitacahua. Tzajtzis chicahuac para teyolmelahuas ya pehuas tlahuilancayotl. Quinextis ichicahualis ipan icualancaitacahua.

ISAÍAS 42:8

“Na niDIOS, niamoTECO. Ya nopa notoca huan amo aqui seyoc nijcahuilis ma quipiya nohueyitilis. Niyon amo nimechcahuilis antechhueyimatise na ininhuaya teteyome catli quinmachijchijtoque masehualme.

JEREMÍAS 33:2

Quena, TOTECO catli quichijchijqui tlaltipactli huan quitlali campa quinejqui ma moquetza, nechnojnotzqui huan nechilhui: