Mörcos 9:21 - Nahuatl Tetelcingo

²¹ Jesús quetlajtlanejque itajtzi: ―¿Quiejquech xebetl quepea quechihua ejqueyi? Yaja oquejto: ―Pos desde peltzintle.

Mörcos 9:21 Iomraidhean Croise

Mörcos 5:25

Sente sohuatl ye mococoöya majtlactle huan ume xebetl ica itlapalyeso.

Mörcos 9:20

Entunses tiehualequelejque. San tequetl inu espíritu de moxicoöne otieyejtac Jesús quechihualte pelalactle ma checöhuac mimeque. Motlajcale, momemelo, hua camapoposocac.

Mörcos 9:22

Quiemaneyo quetlajcale ijtec tletzintle, hua ijtec ötzintle, para quemectis. Pero tlö cuale tetiechmopaliebelis, ma temetzmoyulcocolficö tejua. Xetiechmopaliebele.

Lucas 13:16

Hua ini nönca ichpuch Abraham ye quepea caxtule hua yeye xebetl oquelpetaya inu Satanás. ¿Beles nenquejtusque que amo conbenierebe que ipan söbron tunale ma motojtoma de inu cocolestle tli quelpetaya?

Lucas 8:43

Hua sente sohuatl ye mococoöya majtlactle huan ume xebetl de itlapalyeso. Ye oquecastöro noche itomi inca miercojte, hua nionöque abele oquepajte.

Juan 9:1

Hua cuöc opanoac Jesús ca sie locör, oquejtaque sente tlöcatl que oyeya ixcocoxque desde cuöc otlöcat.

Hechos 14:8

Pa puieblo de Listra oyeya sente tlöcatl tli abele nejneme. Sa yehuataya porque oyeya cucuxojtzi desde que otlöcat hua ayec onejne.

Hechos 3:2

Seque giente seme quehualecaya sente tlöcatl tli cucuxojtzi desde que otlöcat. Mumustla oquetlöliöya ompa pa teopantle bieye itech queyöhuatientle tli mocuitea la Hermosa. Oquetlöliöya ompau para motlaijtlanis ca tli cöcalactaya teupa.

Hechos 4:22

Niecaju tlöcatl tli opajtec oquepex cache de cuarenta años cuöc opajtec.

Hechos 9:33

Ompa oqueniextito sente tlöcatl itucö Eneas. Ye ocuajcuapitza icuierpo. Pos betztaya checuieye xebetl ipa ipetl.