Mateo 11:4 - Nahuatl Tetelcingo

⁴ Hua onöhuatihuac Jesús, oquemelfejque: ―Xeyöcö, hua xecmachesticö Xohuö noche sösantle tli nenquecactecate hua nenquetztecate:

Mateo 11:4 Iomraidhean Croise

Mateo 11:3

para ma tietlajtlanecö Cristo: ―¿Tejuatzi tomobetzteca inu nieiloac öque hualiloasquea, o noso tetiemöcheasque ocsietzi?

Mateo 11:5

quiene ixcocoxcötzetzi ye tlajtlachea, cucuxojtzetzi nejneme, tli sa söhuayojque pajpajte, tzatzatzetzi ye tlajtlacaque, mimejque yojyulebe, hua porubejte quecaque cuale tlamachestelestle.

Mateo 15:30

Hua ohuölajque tieca meyactie tlöca, que ompa quenbicaya cucuxojtzetzi, ixcocoxcötzetzi, poteme, mömöncojtzetzi, hua ocseque meyactie cocoxcötzetzi. Hua oquentlölejque tieicxetla Jesús, hua yejuatzi oquenpajtejque.

Mateo 21:14

Yecuöquenu ohuölajque tieca yejuatzi ixcocoxcötzetzi ca tiehua cucuxojtzetzi ipan teopantle. Hua yejuatzi oquenpajtejque.

Mateo 8:3

Hua omösohualuc Jesús, hua oquemötocaque. Oquejtojque: ―Necneque; xepajte. Hua sa nima icocoles opajtec.

Juan 14:11

Xeniechneltocacö que naja necaca tieca noTajtzi hua noTajtzi iloac ca naja. Cache tlö amo nemoneltocasque sampor naja nequejtoa, xomoneltocacö ipampa inu mismo tlachihuale tli necchihua.

Juan 5:36

Cache naja necpea sente testigo tli cache bieye que Xohuö. Pos inu tlachihualestle tli noTajtzi niechmacaque ma necchihua, pos sie yaja tlachihualestle tli necchihua tlajtoa de naja. Quejtoa que noTajtzi niechhualtitlanque.