Lucas 24:39 - Nahuatl Tetelcingo

³⁹ Xequejtacö nomöhua hua nocxehua, que sie naja necaca. Xeniechmötocacö, hua xequejtacö, que sente espíritu noso itunal mejque amo quepea nacatl hua memetetl, quieme nenquejta que naja necpea.

Lucas 24:39 Iomraidhean Croise

Lucas 23:46

Yecuöquenu Jesús otzajtzihuac ca checöhuac tlajtule, oquejtojque: ―NoTajtzi, temetzmotiemöctelea noyulo. Hua cuöc oquejtojque ini nönca, omecoac.

Lucas 24:38

Yejuatzi oquemelfejque: ―¿Tlica nemomajtea? ¿Tlica ejqueu nenquepensöroa ipa nemoyulo?

Lucas 24:40

Hua cuöc oquejtojque ini nönca, oquemejtetejque tiemöhua hua tieicxehua.

Juan 20:20

Hua cuöc oquejtojque ini nönca, oquemejtetejque tiemöhua hua tiemesecuelnacastla. Hua tiemachtejcöhua opajpöjque cuöc tieijtaque Tlöcatzintle.

Juan 20:25

Entunses oquelfiöya ocseque tiemachtejcöhua: ―Tetieijtaque Tlöcatzintle. Cache yaja oquemelfe: ―Tlö amo nequejtas tiemöhua hua nejcalaquis nomajpel ijtec cöne cojcoyunteca de calöböste hua nejcalaquis nomö ijtec tiemesecuel, amo noneltocas de porsi.

Juan 20:27

Sa nima oquelfejque Tumös: ―Xejcualeca momajpel necö hua xequemejta nomöhua. Hua xecbetlötzo momö, hua xejcalaque ijtec nomesecuel. Hua amo xeye ejqueu que amo tomoneltocane tlöcamo xomoneltoca.

Hechos 1:3

Sötiepa de que omecoac Jesús, oneniextiluc intzölö yejua. Oneniextiluc meyac veces ipa cuarenta días. Ca meyac sösantle tli oquechijque quemejtetejque perfectamente que yulebihuateca. Oquennunutzaloöya de quiene Deus tlamandöruro.

1 Tesalonicenses 5:23

Deus mismo, öque tiechmacalo yulsiebelestle, ma nemiechyectelicö intiero cuale, hua ma nemiechixuticö para quemalfisque nemoyulo hua nemoölma hua nemocuierpo para que amo nemiechpolus niontle hua amo nenquepeasque niontle de amo cuale ipa nemonemeles cuöc hualiloas toTlöcatzintle Jesucristo.

Hebreos 12:9

Ca ocsie löro, otiechcastecörojque totötajua de tonacayo, hua tequenmabeliöya. Cache ca meyac arrasu, noso, ma tetieneltocacö öque iloac Tajtle de toyulo, para que ejqueu tecpeasque nemelestle.

1 JUAN 1:1

Nemiechpubelea de yejuatzi öque necuitilo Tlajtule, öque nemoateca hua tiechmacalo nemelestle. Pues yejuatzi ye iloac desde ca opie noche sösantle. Hua bel yejuatzi tetietiencajque. Tetieijtaque hua tetieyequejtaque, hua hasta tetiemötocaque.