Lucas 23:2 - Nahuatl Tetelcingo

² Hua opiejque tietieyelfiöya. Oquejtojque: ―Ini nönca tlöcatl otecniextejque que quixniempolojteneme tonación. Amo quecöhua ma tecmacacö tocontrebuseyu ca César. Quejtoa nele yaja icaca Cristo, inu rey.

Lucas 23:2 Iomraidhean Croise

Mateo 17:27

Pero mösque amo tecpejpea que tectlaxtlöhuasque, amo necneque nequencualöntis inu giente. Por inu xebeya ipa ötiescatl, hua xectlajcale moanzuelo ijtec ötzintle para tecases meche. Hua tli meche tejquextis cachto, xecase hua xejcamatlapo. Hua tecniextelis sente moneda. Xectiemaca para tectlaxtlöhuas contribuseyu por naja hua por taja.

Mateo 22:21

Otieyelfejque: ―De César. Hua oquemelfejque: ―Entunses xecmacacö César tli quetocöroa Cesár, hua xetiemacacö Deus tli tietocöroa Deus.

Mateo 27:11

Hua Jesús iloaya ixtla cubernadur. Hua cubernadur tietlajtlane, otieyelfe: ―¿Taja terey de joriojte? Hua Jesús oquelfejque: ―Ica melöhuac tli tequejtojteca.

Mörcos 12:17

Onöhuatihuac Jesús, quemelfejque: ―Xecmacacö César tli quetocöroa César, hua xetiemacacö Deus tli tietocöroa Deus. Pos quetietzöbejque quiene onöhuatihuac.

Mörcos 15:2

Pilöto tietlajtlane: ―¿Taja terey de joriojte? Onöhuatihuac yejuatzi, quelfejque: ―Ica melöhuac tli tequejtojteca.

Lucas 23:14

Oquemelfe: ―Nenniechtieijtetico ini nönca por tlöcatl que ixniempolojteneme puieblo. Xequejtacö que naja ye onequestloco nemixtla nemejua, hua amo necniexte niontle tlajtlacule ipa ini nönca tlöcatl de inu sösantle de tli nemejua ica nenquetieyelfea.

Lucas 23:5

Cache yejua quenelchibeliöya. Quejejtoöya: ―Quechihua chöchalönalestle pa puieblo, hua tlamachtea ipa noche tlöle de joriojte. Oquepiehualte desde Galilea hasta necö.

Juan 18:29

Yecuöquenu oquis Pilöto ca queyöhuac intlac, hua oquejto: ―¿De tli nenquetieyelfejtecate ini nönca tlöcatl?

Juan 18:30

Onöhuatque hua oquelfejque: ―Tlö ini nönca amo quechihuasquiöya tli amo cuale, amo temetzmomöctelisquiöne.

Juan 19:12

Desde cuöquenu quenequeya Pilöto tiecajcöhuas, cache joriojte tzajtzajtzeya, hua quejtoöya: ―Tlö ini nönca tomocajcöbelis, amo tomobetzteca teamigo de César. Öque beletes quejtoa que ica rey, ica enemigo de inu belaja rey César.

Hechos 24:13

Ini nöncate abele queprobörusque niontle de lo que tli motejtieyelfea cuntra naja.

Hechos 24:5

La cosa es que ini nönca tlöcatl lalebes papasol. Ca pa noche ocseque naciones motojtopiejteneme intzölö joriojte ca ocsente tlamachtelestle. Icaca cabeza de sente grupo itucö nazarenos.

Romanos 13:7

Xectiemacacö ca innochtie lo que tli quentocöroa. Tli quetocöroa quecubrörus contrebuseyu, xecmacacö. Tli quetocöroa quecubrörus impuestos, xecmacacö. Tli quetocöroa öque querespetörus, xecmacacö respieto. Tli quetocöroa öque quechamöhuas, hua quetratörus cuale, xecchamöhuacö hua xectratörucö cuale.