Juan 9:4 - Nahuatl Tetelcingo

⁴ Combenierebe ma tecchihuacö tli tietlachihual de yejuatzi öque niechhualtitlanque, mientras oc tlaniese. Ompabitz yohuale, cuöc nionöque abele tli ayes.

Juan 9:4 Iomraidhean Croise

Mateo 20:7

Oquenönquelejque: “Ipampa amo öque tiechtlalfe ma tetequetecö”. Oquemelfe: “Xeyöcö nuyejque nemejua ipa nohuierta, hua nemiechtlaxtlöbis lo que tli conbenierebe”.

Mörcos 3:3

Yecuöquenu yejuatzi oquelfejque inu tlöcatl tli quepeaya imö huöjque: ―Xomoquetza nepantla.

Juan 10:32

Oquennönquelejque Jesús: ―Meyac tlachihuale ye onemiechejtete de noTajtzi. ¿Ipampa cötlaja tlachihuale de ini nöncate nenniechtecaltea?

Juan 10:37

Tlö amo necchihua tietlachihuales noTajtzi, amo xeniechneltocacö.

Juan 12:35

Yecuöquenu Jesús oquemelfejque: ―Sa oc tepetzi iyes tlöbile nemotzölö. Xenejnemecö mientras oc nenquepea tlöbile, para majcamo nemiechnöhualase tlajtlayohuaquelestle. Pues öque yajteneme ipan tlajtlayohuaquelestle amo quemate cöne iya.

Juan 17:4

Naja ye temetzmacac chamöhualestle ipa tlöltecpactle. Ye onectlame motequeyojtzi tli teniechmomaquele ma necchihua.

Juan 4:34

Oquenmelfejque Jesús: ―Yaja ini notlacual: que ma necchihua tli tietlanequeles öque niechhualtitlanque, hua ma nictlame inu tequetl tli niechmacaque.

Juan 5:19

Yecuöquenu onöhuatihuac Jesús, hua oquenmelfejque: ―Melöhuac, melöhuac nemiechelfea: Naja, öque neca netieConietzi Tajtle, abele tli necchihuas sa naja mismo, tlöcamo necchihuas lo que tli nequejta que quechihualuteca noTajtzi. Pues noche tli yejuatzi quechihualo, inu nuyejque necchihua naja san quiene ca yejuatzi quechihualo.

Juan 5:36

Cache naja necpea sente testigo tli cache bieye que Xohuö. Pos inu tlachihualestle tli noTajtzi niechmacaque ma necchihua, pos sie yaja tlachihualestle tli necchihua tlajtoa de naja. Quejtoa que noTajtzi niechhualtitlanque.

Juan 7:33

Hua Jesús oquejtojque: ―Sa oc tepetzi oncö nemotlac neyes, hua sötiepa neyös tietlac öque niechhualtitlanque.

Hechos 4:20

Pero de todos modos abele tectzacuasque tocamac de lo que tli otequejtaque hua de lo que tli otejcajque.

Gálatas 6:10

Por inu, cuöc onca locör, innochtie giente ma tequenchibelicö tlin cuale, hua cache ca meyac arrasu tli cate tocnihua de toneltoqueles.

Efesios 5:16

Xecaprovechörucö cuale nemotiempo, porque ye tecate pa tunalte petzoteque.

Colosenses 4:5

Xomoportörucö ca machestelestle para ca niecate tli amo creyentes. Xecaprovechörucö cuale nemotiempo.