Juan 7:20 - Nahuatl Tetelcingo

²⁰ Onöhuatque giente, hua oquejtojque: ―Demuño tecpea. ¿Öquenu queneque metzmectis?

Juan 7:20 Iomraidhean Croise

Mateo 10:25

Pues inu machtejque ma iye confurme tlö giente quechibelisque quiename quechibelejque imaestro, hua tlatequepano ma iye confurme tlö quetratörusque quiename itieco. Tlö naja, öque neca quiename netajtle de chöntle oniechcuitejque neBeelzebú noso Moxicojcötlöcatl, ¿tli amo nemiechcuitisque nemejua tli nencate de nochö?

Mateo 12:24

Cache cuöc oquecajque fariseos, oquejtojque: ―Ini nönca sa quenquextea demunios ca ichecöhuales Beelzebú, tlajtoöne de demunios.

Mateo 9:34

Cache inu fariseos quejtoöya: ―Por ichecöhuales de inu tlajtoöne de demunios quenquextea demunios.

Mörcos 3:30

Ejqueu quemelfejque porque yejua quejtoöya nele quepealo moxicoöne.

Juan 10:20

Hua meyactie de yejua quejtoöya: ―Quepea demunio, hua lulucojtzi icaca. ¿Tli para nenquecaque?

Juan 8:48

Yecuöquenu onöhuatque joriojte, hua otieyelfejque: ―¿Amo tiel tequejtoa tejua, que taja tecaca tesamaritano hua tecpea demunio?

Juan 8:49

Onöhuatihuac Jesús: ―Naja amo necpea demunio, tlöcamo pa netieyejta noTajtzi. Hua nemejua amo pa nenniechejta.

Juan 8:52

Yecuöquenu joriojte tieyelfejque: ―Öxö melöhuac ye tecmate que taja tecpea demunio. Abraham omec hua nuyejque omejmejque tlayulepantejque, hua taja tequejtoa: “Öque queneltoca notlajtul, ayec meques”.

Hechos 26:24

Cuöc oquejto Pöblo noche inu para omodefendiero, entunses Festo oquejto checöhuac: ―¡Taja ye otelucojtec, Pöblo! Tönto hua tönto que otetlaestudiöro ye telucojtejteca.