Juan 6:41 - Nahuatl Tetelcingo

⁴¹ Cuöquenu joriojte moquejörojque hua otlajtojque tiecuntra de yejuatzi ipampa yejuatzi quejtojque: “Naja nepöntzi tli hualtemuc de elfecac”.

Juan 6:41 Iomraidhean Croise

Lucas 15:2

Hua moquejöroöya inu fariseos ca tiehua tlamachtiöneme de teotlajtule. Quejtoöya: ―Ini nönca tlöcatl quenselea tli tlajtlaculteque, hua ca yejua tlacua.

Lucas 19:7

Hua cuöc oquejtaque ini nönca, innochtie tieca tlajtoöya Jesús. Quejejtoöya: ―Yaja inu Jesús ocalac para mosiebis pa ichö de sente tlöcatl tlajtlacultec.

Lucas 5:30

Hua inu fariseos hua tlamachtiöneme de teotlajtule moquejörojque ca tiemachtejcöhua. Quejtoöya: ―¿Tlica nentlajtlacua hua nencojcone inca tlanechecojque hua ocseque tlajtlaculteque?

Juan 1:19

Yaja ini nönca lo que tli oquepu Xohuö. Joriojte de ciudad de Jerusalén oquentitlanque teopexcötzetzi hua levitas tli tequeteya ca yejua. Oquentitlanque para ma quetlajtlanicö Xohuö: ―¿Öquenu tecaca taja?

Juan 6:33

Pos inu pöntzi de Deus, icaca tli hualtemuc de elfecac hua quennemitea tlöltecpactlöca.

Juan 6:43

Hua Jesús onöhuatihuac, hua oquemelfejque: ―Amo xetlajtucö ejqueu entre nemejua.

Juan 6:48

Naja necaca nepöntzi tli quetiemaca nemelestle.

Juan 6:58

Yaja ini nönca belaja pöntzi tli hualtemuc de elfecac, que amo ica quiename inu maná tli oquecuajque nemobiebetcöhua hua omejmejque. Pues öque quecuös ini nönca belaja pöntzi nemes nochepa.

Juan 6:60

Yecuöquenu meyactie de tiemachtejcöhua cuöc oquecajque ini nönca, oquejtojque: ―Lalebes checöjque cate ini nöncate tlajtulte. ¿Öquenu cuale queselis?

Juan 6:66

Cuöc oquejtojque inu, meyactie de tiemachtejcöhua omocuejque, hua ayecmo yajtenemeya tieca.

Juan 7:12

Hua chajchalöneya giente por yejuatzi, pues seque quejtoöya: ―Cuale tlöcatl icaca. Hua ocseque quejtoöya: ―Amo, cache quencajcayöhua giente.

1 Corintios 10:10

Nuyejque amo xomoquejörucö, quiename oquechijque seque de yejua, hua oquenmectejque inu öngel de mequelestle.

Judas 1:16

Ini nöncate giente cate tiechecuaejtoöneme, que seme moquejöroa de lo que tli quenpasöroa. Yejua sa quechijteneme lo que tli quecualejta, hua tlajtlajtojteneme ca tlajtulme bejbeye hua chajchamöjque. Yejua cache quenrespetöroa tli cate ricojte noso cache importöntes, pues quetiemoa quiene quetlönesque canajyetla.