Juan 4:19 - Nahuatl Tetelcingo

¹⁹ Otieyelfe sohuatl: ―Señor, niese ca nequejta tomobetzteca tetlayulepante.

Juan 4:19 Iomraidhean Croise

Mateo 21:11

Hua giente quejtoöya: ―Ini nöiloac yejuatzi Jesús tlayulepante de puieblo de Nazaret pa estado de Galilea.

Lucas 24:19

Yejuatzi oquemelfejque: ―¿Tli sösantle? Hua yejua otieyelfejque: ―Pos de Jesús de puieblo de Nazaret. Pos yejuatzi iloaya sente tlayulepante. Ca checöhualestle tlajtuloöya hua quechihualoöya sösantle bejbeye tieixpa Deus hua imixpa noche giente.

Lucas 7:16

Hua innochtie omomajtejque, hua tiechamoöya Deus. Quejejtoöya: ―Sente tlayulepante lalebes bieye iloac entre tejua. Nuyejque quejtojque: ―Deus ohualiloac para quenpaliebisque tiegiente.

Lucas 7:39

Hua cuöc oquejtac ini nönca inu fariseo öque tietlalfe, oquejto ijtecopa: “Ini nönca tlöcatl, tlö melöhuac oyene sente tlayulepante, quematesquiöne öquenu quemajmötoca hua tli clase de sohuatl icaca, pues icaca tlajtlacultec”.

Juan 4:18

Pues möcuiltie monömecua ye otequempex, hua tli öxö tecpexteca amo monömec. Ini nönca tli tecualejto icaca melöhuac.

Juan 4:29

―Xehualmobicacö, xomojtelicö sente tlöcatl oniechelfejque noche tli onecchi. Amo machea cox beles yejuatzi iloac Cristo öque Deus quixpejpenque.

Juan 6:14

Yecuöquenu niecate tlöca, cuöc quejtaque inu nieca tietzöbetl tli Jesús oquechijque, quejtojque: ―Ini nönca de melöhuac icaca inu tlayulepante öque huölösquea ipa nönca tlöltecpactle.

Juan 7:40

Yecuöquenu seque de inu meyactie giente tli oquecajque ini nönca tlajtule, quejtoöya: ―De melöhuac ini nönca ica inu tlayulepante tli huölösquea.

Juan 9:17

Ocsajpa oquelfejque inu ixcocoxque: ―¿Taja, tli tequejtoa de inu nieca öque metztlachealte? Yaja oquejto: ―Pues iloac tlayulepante.