Juan 13:18 - Nahuatl Tetelcingo

¹⁸ Amo nequejtoa ini de nemonochtie; naja necmate oquemeju nequemixpejpe. Cache ini nönca pasorebes para ma mochihua tli tlajcuelulpanca: “Oque quecua de nopöntzi, yaja ye omocuec cuntra de naja”.

Juan 13:18 Iomraidhean Croise

Mateo 10:36

Hua ienemigos tlöcatl yesque mismo ifamiliares.

Mateo 26:21

Hua cuöc ye tlajtlacualutaya, oquejtojque: ―Melöhuac nemiechelfea que sente de nemejua niechantrecöruti.

Mateo 26:23

Yejuatzi onöhuatihuac, oquemelfejque: ―Öque quecalaquis imö ca naja ijtec nocasfiela, yaja inu niechantrecörus.

Mörcos 14:17

Cuöc ye yohuac oyeya, hualiloac ca inu majtlactle huan ume tiemachtejcöhua.

Mörcos 14:18

Yehualutaya itlac miesa hua mientras tlajtlacualutaya, oquejtojque Jesús: ―Melöhuac nemiechelfea, que sente de nemejua öque tlacua ca naja niechantrecöruti.

Mörcos 14:20

Hua yejuatzi quemelfejque: ―Icaca sente de nemejua nenmajtlactle huan ume. Icaca yaja öque noca tlapaloa ijtec nocasfiela.

Lucas 22:21

’Pero xequejtacö que öque niechantrecörus ica ca naja ipa miesa.

Juan 13:21

Cuöc Jesús ye oquejtojque ini nönca, onetequepachuluc ipa tieyulo, hua oquejtojque ixmantete: ―Melöhuac, melöhuac nemiechelfea, sente de nemejua niechantrecörus.

Juan 13:22

Yecuöquenu tiemachtejcöhua sa mojojtaya entre yejua, pues öquenu de yejua iyes.

Juan 13:26

Entunses onöhuatihuac Jesús: ―Yaja inu nieca öque naja necmacas pöntzi tli necpolactis. Yecuöquenu quepolactejque pöntzi hua oquemacaque Judas, iconie Semu Iscariote.

Juan 15:16

Nemejua amo nenniechixpejpenque naja, tlöcamo naja nemiechixpejpe nemejua; hua onemiechtlöle para nenquechihuasque tli nemiechelfe. Hua nemotlachihuales mocöhuas nochepa. Ejqueu noche lo que tli nentietlajtlanelisque noTajtzi notucöyupa, yejuatzi nemiechmacasque.

Juan 15:19

Tlö nenyene de tlöltecpactlöca, tlöltecpactlöca nemiechtlasojtlasquiöne porque quentlasojtla tli de yejua cate. Cache ipampa amo nencate de tlöltecpactlöca, tlöcamo naja nemiechixpejpe de intzölö tlöltecpactlöca, ipampaju tlöltecpactlöca nemiechtlajyelejta.

Juan 15:25

Ini nönca pasöre para ma mochihua inu tlajtule tli tlajcuelulpanca pa inu libro de ley tli yejua quetoca: “Sin arasu niechtlajyelejtaque”.

Juan 17:12

Cuöc naja neyeya inca yejua, naja nequenmalfiöya para ma quesequirucö ca tejuatzi, quiename teniechmojtetele que tejuatzi tomobetzteca. Naja onequenmalfe hua nionöque de yejua amo oixniempole, tlöcamo solamiente nieca tli de porsi iya ipa ixniempolebelestle para ma mochihua tli tlajcuelulpanca.

Juan 18:32

Ejqueu oquejtojque para ma mochihua tietlajtultzi Jesús tli oquejtojque cuöc quenmacheste de tli mequelestle mecoas.

Juan 19:24

Entunses omolfejque sente ca ocsente: ―Majcamo tectzomunicö, tlöcamo ma tecriförucö, abier öquenu quetlöne. Ejqueu oquechijque para ma mochihua tli tlajcuelulpanca cöne quejtoa: Quexiexelojque intzölö yejua notzotzomajua, hua queriförojque notlaquie. Hua soltörojte ejqueu oquechijque.

Juan 19:36

Pos ini nönca sösantle omochi para ma mochihua tli tlajculelulpanca: “Amo quepostequesque nion sente de tiememetehua”.

Juan 21:17

Ca yexpa oquelfejque: ―Semu, iconie Xohuö, ¿teniechneque? Omotequepacho Piero ipampa oquelfejque öxö ca yexpa: “¿Teniechneque?” Hua otieyelfe: ―NoTlöcatzintle, tejuatzi tomomachitea noche sösantle. Tejuatzi tomomachitea que temetzmonequitea. Oquelfejque Jesús: ―Xequentlacualte nocalnielojua.

Juan 6:70

Hua Jesús oquenönquelejque: ―Naja nemiechixpejpe nenmajtlactle huan ume, hua sente de nemejua ica diöblo.

Hechos 1:16

―Nocnihua, David oquejcuelo lo que tli Espíritu Sönto oquejtojque de Judas. Hua inu teotlajtule quepeaya ma mochihuate. Pos Judas oquenyecö tli tieaseque Jesús.

Hechos 1:2

Oquesequirojque hasta cuöc Deus otiebicaque elfecac. Antes de que obiloac ca elfecac Jesús oquemixpejpenque inu majtlactle huan ume tietlateotitlanhua. Espíritu Sönto tiepaliebiluc Jesús para oquenmacaque mandamientos.

2 Corintios 4:5

Pues cuöc tetlanunutza, amo tetlanunutza de tejua mismos, tlöcamo tetlanunutza de Cristo Jesús. Tequejtoa que yejuatzi iloac Tlöcatzintle, hua que tejua tecate tetlatequepanojque de nemejua porque tetietlasojtla Jesús.

Hebreos 4:13

Hua niontle amo onca de noche lo que tli Deus oquechejchijque ma mojyönta sin que yejuatzi abele quejtasque. Cache noche sösantle xipetzejtecate hua mopejpetlöjtecate, yecniestecate tieixtla yejuatzi. Hua tejua tetiemacasque cuienta ca yejuatzi.

Apocalipsis 2:23

Hua ipelhua de yaja, naja nequenmejmectis. Hua nemonochtie tli nencate nencreyentes nenquematesque que naja nequixomate cuale lo que tli quepensöroa giente hua lo que tli quenejneque quechihuasque ipa inyulo. Hua necmacas cara sente de nemejua lo que tli conbenierebe según lo que tli nenquechijque.