Apocalipsis 5:12 - Nahuatl Tetelcingo

¹² Quejejtoöya ca checöhuac tlajtule: Yejuatzi Calnielo öque tiemectejque quemeresieruro queselisque noche checöhualestle, hua noche tli balur quepea, hua noche tlamachestelestle, hua noche fuiersa, hua noche torespieto, hua chamöhualestle de noche giente, hua noche tlateochihualestle.

Apocalipsis 5:12 Iomraidhean Croise

Mateo 28:18

Hua onaxihuato Jesús, oquennunutzque. Oquejtojque: ―Noche checöhualestle ye oniechmacaque ompa elfecac hua ipan tlöltecpactle.

Juan 1:29

Ipa mustlateca Xohuö tieyejtac Jesús que hualiloöya ca itlac, hua oquejto: ―Xetieyejtacö tiecalnielojtzi Deus, öque quecuetlabiltisque para quequextisque tlajtlacule de tlöltecpactlöca.

Juan 17:2

Pos ye teniechmomaquele noche checöhualestle para ca noche giente para que innochtie quiejquech teniechmomaquele ma nequenmaca nemelestle nochepa.

2 Corintios 8:9

Pos ye nenquemajmate de inu favur tli tiechchibelejque toTlöcatzintle Jesucristo, que mös iloaya lalebes rico, pero por topampa onechihualuc porube. Ejqueu oquechijque para que tejua ma teyecö tericojte por tieporubejyu de yejuatzi.

1 Timoteo 1:17

Yejuatzi öque iloac Rey nochepa, öque ayec mecoas, öque abele tetieyejtasque, öque solamiente yejuatzi iloac Deus, yejuatzi ma quepeacö yectieniebelestle hua chamöhualestle nochepa. Amén. Ma ejqueu iye.

Apocalipsis 1:6

hua tiechtlölejque entre tiegiente para ma tetieneltocacö, hua ma teyecö tetieteopexcötzetzihua de tieTajtzi Deus. Por inu, ma seme tetiechamöhuacö Cristo hua ma tetiepilicö respieto nochepa porque yejuatzi toTlajtoöne iloac. Amén. Ejqueu icaca.

Apocalipsis 13:8

Hua noche giente tli chajchönte ipan tlöltecpactle queteochihuasque, noche niecate öque innumbre amo omojcuelo ipa inu lista de öquenu quepeasque nemelestle nochepa. Inu lista omochejchi antes de que Deus oquechejchijque tlöltecpactle. Yejuatzi Calnielo öque tiemectejque, yejuatzi quepealo inu lista.

Apocalipsis 15:3

Hua cuejcuicaya icuicateles de Moisés, öque oyeya tietlatequepano de Deus. Nuyejque cuejcuicaya cuicatelestle de yejuatzi Calnielo. Cuejcuicaya ejqueyi: ToTlöcatzintle Deus, öque tomopilea noche checöhualestle, lo que tli tejuatzi tomochejchibele icaca bieye hua tiemajte; yectec hua melöhuac motlachihualtzi. Tejuatzi tomobetzteca terey de noche naciones.

Apocalipsis 19:1

Sötiepa de inu onejcac quieme tlajtulte checöjque de meyactie giente ompa elfecac. Quejejtoöya: ¡Aleluya! Nemöquextelestle hua yectieniebelestle hua checöhualestle tiehuöxcatzi toDeus.

Apocalipsis 4:11

ToTlöcatzintle hua toDeus; Tejuatzi tomomeresierfea tomoselelis chamöhualestle hua respieto hua checöhualestle. Pos tejuatzi tomochejchibele noche tli onca, hua porque tejuatzi tomonequite, tequenmochejchibele, hua oyejyeya hua hasta öxö cate.

Apocalipsis 5:13

Hua onejcac noche sösantle tli oquechejchijque Deus, noche ompa elfecac hua ipa tlöltecpactle hua itzintla tlöltecpactle hua ipa lamör, hua noche tli ica; noche onejcac oquejtojque: Yejuatzi öque yehualuteca ipan trono hua yejuatzi Calnielo ma quepejpeacö tlateochihualestle hua respieto hua chamöhualestle hua checöhualestle nochepa.

Apocalipsis 5:6

Hua netieyejtac sente Calnielo tli ijcatihuataya inepantla de inu trono hua de inu nöbeme tli yojyulejtecate hua de inu biebentzetzi. Hua niexihuaya quieme tlö ye tiemectejque. Quepealoöya checume tiecuöcuajua, hua checume tieixtelolojua, tli cate inu checume Espíritus de Deus tli quentitlanque ipa noche tlöltecpactle.

Apocalipsis 5:8

Hua cuöc ocönque inu ömatl, inu nöbeme tli yojyulejtecate hua inu venticuatro biebentzetzi omotlancuöquetzque tieixtla inu Calnielo. Hua cöra sente de yejua quepeaya sente örpa. Nuyejque quepejpeaya plötojte tejteconteque de oro tli tientaya de popuchtle ajfeyoc. Inu plötojte de popuchtle querepresentöroa innetlötlajteles de giente tli yecteque.

Apocalipsis 5:9

Hua inu nöbeme hua inu biebentzetzi cuejcuicaya yancuec cuicatelestle, ejqueyi: Tejuatzi tomomeresierfea tomönelis inu ömatl hua tomotlapolfis isieyos, ipampa metzmomectelejque, hua ca moyesojtzi tequenmocubele meyac giente para Deus, giente de noche tribus, hua de noche tlajtulte, hua de noche puieblos, hua de noche naciones,

Apocalipsis 6:1

Hua nequejtac cuöc inu Calnielo oquetlapuluc inu primiero sieyo de inu checume. Hua onejcac itlajtul de sente de inu nöbeme tli yojyulejtecate. Caquestec quieme cuöc tlatecuine. Oquejto: ―¡Xebeya!

Apocalipsis 7:12

Oquejtojque: Amén; ma ejqueu iye. Ma tetiemacacö toDeus tlateochihualestle hua chamöhualestle, tlamachestelestle, tlasojcömatelestle, respieto, checöhualestle, hua fuiersa nochepa. Amén; ma ejqueu iye.