Apocalipsis 17:12 - Nahuatl Tetelcingo

¹² Hua inu majtlactle icuöcuajua tli tequejtac querepresentöroa majtlactle reyes, que ayemo piehua tlareinöroa. Yejua hua inu petzoyulcötl queselisque checöhualestle por sie ura.

Apocalipsis 17:12 Iomraidhean Croise

Apocalipsis 10:11

Hua yejua oniechelfejque: ―Ocsajpa tecpea que tequenyulepantis giente de meyactie puieblos hua naciones hua tlajtulme hua reyes.

Apocalipsis 12:3

Hua onies ocsente tietzöbetl ompa elfecac. Moniexte sente dragón lalebes bieye, chichiltec quieme tletzintle. Quepeaya checume itzontecohua, hua majtlactle icuöcuajua, hua ipa itzontecohua quepeaya checume corunajte.

Apocalipsis 13:1

Entunses inu dragón omoquetz itlac lamör. Entunses nequejtac sente petzoyulcötl hualquistöya de ijtec lamör. Quepeaya majtlactle icuöcuajua, hua checume itzontecohua. Hua ipa icuöcuajua quepeaya majtlactle corunajte, hua ipa itzontecohua quepeaya numbres tli tieca tlajtoa de Deus.

Apocalipsis 17:16

Hua inu majtlactle cuöcuajme tli tequejtac hua nuyejque inu petzoyulcötl, yejua quetlajyelejtasque inu cacherila. Quequextelisque ca tli moyecchejchihuaya. Quecuejcuelisque itlaquie, hua quecuösque inacayo, hua sötiepa quexutlaltisque.

Apocalipsis 18:10

De bejca quetztasque ipampa momajtisque por inu tiecoco tli yaja quepeas, hua quejtusque: Ay, porube de taja, ciudad bieye, Babilonia, ciudad checöhuac, porque sa sie repiente aseco mocastigo.

Apocalipsis 18:17

Pos sa sie repiente otla noche inu ricojyutl. Hua noche capetönte de börcos ihua pasajieros hua tli tejtequete ijtec börco, noche tli tejtequete ipa lamör, mocöjque de bejca,

Apocalipsis 18:19

Hua motlöltienque ipa intzonteco; chojchucataya hua moyulcocojque hua tzajtzeque. Quejtojque: Ay, porube de yaja, ciudad bieye. Ca iricojyu toricojtejque tonochtie tli tecpejpea börcos ipa lamör, hua sa sie repiente ye onxexetu.