San Mateo 5:3 - El Nuevo Testamento

³ —Dios kintiochiua on yejuan kimatij ika iminalma xkojtik niman xkipiyaj on tlen Dios kitemaka. Kintiochiua pampa nemiskej ne kampa Dios yejuan iluikak chanej* tlamandaroua.

In yencuic iyectlajtoltzin Dios itech ica toTeco Jesucristo

³ ―Dios quintiochihua on yejhuan quimatij ica quimpolohua cuajlilistli tlen hualehua itech Dios. Quintiochihua pampa nemisquej ne campa Dios yejhuan ilhuicac chanej tlamandarohua.

San Mateo 5:3 Iomraidhean Croise

San Lucas 18:14

Nemechijlia ika ijkuak on tlacobrarojketl oyaj ichan, xok kipiyaya tlajtlakojli. Pero on fariseo* xokitlapojpoluijkej, pampa on yejuan noueyilia, maski xkinekis noknelis, niman on yejuan noknelia, kiueyiteneuaskej.

Santiago 2:5

Notlajsojkaikniuan, xkakikan in: Dios okintlapejpenij on yejuan mayankej ipan in tlaltikpaktli para ma ricojtikan ikan tlaneltoktli, niman para nemiskej ne kampa Dios tlamandaroua ijkon ken okitlalij ipan ipromesa para on yejuan kitlajsojtlaj*.

San Lucas 11:28

Pero yejua okijtoj: —¡Dios más kintiochiua on yejuan kakij itlajtoltsin niman kitlakamatij!

San Mateo 11:25

Ipan on tonajli Jesús okichiu oración. Ijkin okijtoj: —Nimitsyekteneua noTajtsin, tejua yejuan iTEKO on iluikak niman in tlaltikpaktli. Nimitsyekteneua pampa nochi in tlajtlamach* xotikinmachistij on tlajmatkej niman on tlakajsikamatkej, pero otikinmachistij on yejuan ken kokonej.

San Lucas 4:18

On iEspíritu toTEKO nopan nemi, pampa onechkalaktij ipan notekiu para nikinmachistis on mayankej tlakamej on kuajli tlajtojli yejuan kiteijlia ken Dios temakixtia. Onechajtitlan nikimpaktis on yejuan noyolajmanaj, para nikintitis ika Dios uelis kinmanauis on yejuan Satanás yokinnoyaxkatijka, para nikiminmakas intlachalis on ciegos, niman para nikiminmanauis on yejuan tlajyouiyaj.

San Marcos 10:14

Pero ijkuak Jesús okitak, okualan, niman okinmijlij: —Xkinkauakan on kokonej ma uajlakan notech, niman maka xkinteltikan, pampa yejuan yolyemankej* ken in kokonej kalakiskej ne kampa Dios tlamandaroua.

San Mateo 13:16

’Pero Dios mechtiochiua nemejuamej, pampa nentlachaj ikan nemixtololojuan, niman nenkimatij tlinon kijtosneki on tlen nenkitaj. Niman no nenkajsikamatij on tlen nenkakij nikijtoua.

Santiago 1:12

Tlatiochijtli yes sen tlakatl yejuan kixikos on pajsolouilistli, pampa ijkuak kuajli yokixikoj, kiselis sen corona ken itetlayokolil. Kiselis yenkuik nemilistli para nochipa yejuan Dios okitlalij ipan ipromesa para on yejuan kitlajsojtlaj*.

San Juan 20:29

Jesús okijlij: —Tomás, tejua otitlaneltokak pampa otinechitak. Sanoyej tlatiochijtin on yejuan xonechitakej niman otlaneltokakej.

San Mateo 24:46

Dios kitiochiuas on tekitketl yejuan ijkuak uajlas iteko, kuajnextis kuajli kichijtikaj itekiu.

Santiago 1:10

Niman on tokniu yejuan kinopiyalia miyek, ma kipiya paktli pampa xok kitlalia iyojlo itech on tlen miyek kipiya. On yejuan kinopiyalia miyek, sano ijki ken sen xochitl yejuan onkaj ipan tepetl yejuan xkaman ueli uejkaui onkaj.

El Apocalipsis 22:14

Sanoyej tlatiochijtiyeskej on yejuan kichipauaj intlaken para uelis kuaskej on tlen kitlakitia on kojtlakijlotl yejuan kitemaka nemilistli, niman uelis kalakiskej ipan on tsakuijlotl* ne ipan on ueyikalpan.

El Apocalipsis 19:9

Kemaj on ángel onechijlij: “Xkijkuilo yejua in: ‘Sanoyej tlatiochijti yeskej on yejuan kinnotsaskej para tlakuaskej ipan on iluitl yejuan nochiuas ijkuak nonamiktis on Borreguito.’” Niman no onechijlij: “Yejua in tlajtojli melauak itlajtoltsin Dios.”

San Mateo 25:34

’Kemaj nejua nikimijlis on yejuan nikintlalis ipan noyekma: “Nemejuamej yejuan noTajtsin omechtiochiu, xuajlakan niman xkalakikan kampa nitlamandaroua ken Rey. Ompa Dios otlayektlalij para nemejuamej, desde ijkuak okichijchiu in tlaltikpaktli.

San Mateo 11:6

Dios kitiochiuas on yejuan xkaman ometlamatis san nopampa.

San Mateo 8:11

Nejua nemechijlia ika miyekej on yejuan xhebreos* nochiuiyan ipan in tlaltikpaktli ualeuaskej, niman notlaliskej para tlakuaskej iuan Abraham, Isaac niman Jacob ne kampa Dios iluikak chanej* tlamandaroua.

San Mateo 3:2

Ijkin kiminmachtiaya: —Xkajkauakan ika nenkichiuaj on tlen xkuajli, pampa ye uajlau on tonaltin ijkuak Dios tlamandaros nikan ken tlamandaroua ne iluikak.

San Mateo 19:14

Pero Jesús okijtoj: —Xkinkauilikan on kokonej ma uajuiyan notech, niman maka xkinteltikan, pampa on kampa Dios tlamandaroua san ueliskej kalakiskej on yejuan nechseliskej ken on kokonej nechseliaj.

San Lucas 22:29

Yejua ika tej, nejua nemechmaka sen tekiuajyotl ken noTajtsin onechmakak.

San Lucas 22:30

Nenmatliskej niman nentlakuaskej ipan nomesa. Niman nemotlaliskej ipan on uejueyixtokej sietas para nenkinyolkuitiskej niman nenkintlajtlakolmakaskej on majtlaktli uan ome tribus* de Israel.

El Apocalipsis 3:17

Tejua tej, timoricojteneua, niman tikijtoua ika xitlaj* mitspoloua, pero ixpan Dios tejua hasta ixko tlajli tixpolijtikaj, xkaman tipaktikaj, timayankachichi, tixpajpayatik niman titetsotsoltik.