San Mateo 11:3 - El Nuevo Testamento

³ para kitlajtoltiskej tla yejua melauak Cristo yejuan ye onkaj para uajlas, noso yej kichaskej okse.

In yencuic iyectlajtoltzin Dios itech ica toTeco Jesucristo

³ para quitlajtoltisquej tla yejhua melahuac Cristo yejhuan ye oncaj para huajlas, noso yej quichasquej ocse.

San Mateo 11:3 Iomraidhean Croise

San Mateo 11:10

Juan, yejua tenojnotsketl yejuan itechkopa in Yektlajkuilojli ijkin kijtoua: Noachtojtenojnotskau niktitlanis moyakapan para yejua mitsyektlalilis moojui para tias ipan.

San Mateo 11:4

Kemaj Jesús ijkin okinnankilij inomachtijkauan* Juan: —Xuiyan niman xkijlikan Juan on tlen nemejuamej nenkitstokej niman nenkaktokej.

San Mateo 21:5

“Xkinmijlikan on yejuan chanejkej ipan on ueyikalpan itoka Sión: Xkitakan, nemoRey uajlau nemotech. Yejua xuajnoueyimatstiu, yej ualetiu ipan sen poloko* yejuan pitentsin. On polokotsin* tekoneu itech on yolki yejuan tlamama.”

San Mateo 21:9

On tlakamej yejuan tlayakapan yayaj, niman on yejuan tlakuitlapan yayaj, opejkej tsajtsij: —¡Tikyekteneuaj in teuejkakoneu itech rey David! ¡On yejuan uajlau, kipiya itlatiochiualis Dios! ¡Ma kiyekteneuakan ne iluikak!

San Marcos 11:9

On yejuan yayaj tlayakapan, niman on yejuan yayaj tlakuitlapan opeu tsajtsij: —¡Ma kiyekteneuakan Dios! ¡Ma Dios kitiochiua on yejuan okuajtitlan!

San Lucas 19:38

On nomachtijkej* kijtouayaj: —¡Dios ma kitiochiua on Rey yejuan uajlau ikan itokatsin toTEKO! ¡Ma onya yolseuilistli ne iluikak, niman ma Dios kiseli ueyilistli!

San Juan 11:27

Yejua okijlij: —Kemaj noTEKO. Nejua nikneltoka ika tejua tiCristo yejuan Dios okuajtitlan para tlamandaros. Niman nikneltoka ika tejua tiiKoneu Dios yejuan ye ijki onkatka para uajlas ipan in tlaltikpaktli.

San Juan 12:13

Yejua ika, okitekej imauan on soyatl niman okiskej okinamikitoj Jesús. Yejuamej ijkin tsajtsitiayaj: —¡Ma kiseli yekteneualistli! ¡Ma Dios kitiochiua on yejuan uajlau ikan itokatsin toTEKO! ¡Ma Dios kitiochiua on iRey Israel!

San Juan 16:14

Yejua nechmakas ueyilistli pampa kiselis on tlen melauak noka nejua niman mechmachistis.

San Juan 4:21

Jesús okijlij: —Siuatl, xnechneltokili ika uajlau on tonaltin ijkuak nion nikan ipan in tepetl, nion ne Jerusalén xnenkimauistiliskej Dios.

San Juan 6:14

Kemaj ijkuak on tlakamej okitakej on milagro yejuan Jesús okichiu, okijtojkej: —Melauak in yejua tiotlajtojketl yejuan ye onkatka para uajlaskia ipan in tlaltikpaktli.

San Juan 7:31

Pero miyekej okineltokakej, niman okijtojkej: —Tikneltokaj ika in tlakatl yejua Cristo pampa xakaj uelis uajlas yejuan kichiuas más milagros* ken yejua in tlakatl.

Hebreos 10:37

In Yektlajkuilojli ijkin kijtoua: Semi saniman uajlas on yejuan ika onkaj uajlas, niman yejua xnouejkauas.