San Mateo 10:2 - El Nuevo Testamento

² Ijkin intoka katkaj on majtlaktli uan ome apóstoles*: achtopa Simón, yejuan no itoka Pedro, niman Andrés on ikniu, Santiago niman Juan on iknijtin yejuan ikoneuan Zebedeo,

In yencuic iyectlajtoltzin Dios itech ica toTeco Jesucristo

² Ijquin intojtoca on majtlactli huan ome apóstoles: achtopa Simón, yejhuan no itoca Pedro, niman Andrés on icniu, Jacobo niman Juan on icniu yejhuan iconehuan Zebedeo,

San Mateo 10:2 Iomraidhean Croise

San Mateo 17:1

Chikuasen tonajli más sakin*, Jesús okuikak Pedro niman on iknijtin Santiago niman Juan, niman inseltimej oyajkej ipan sen tepetl ueyi.

San Mateo 20:20

Kemaj, isiuau Zebedeo iuan Santiago niman Juan, on ikoneuan, okinisiuijkej Jesús. Niman isiuau Zebedeo ixpan onotlakuantelkets Jesús para okitlajtlanilij sen favor.

San Mateo 26:37

Kemaj Jesús okinuikak Pedro niman on omemej ikoneuan Zebedeo más tlayakapan, niman opeu sanoyej najmana niman noyolkokoua.

San Mateo 4:18

Se tonajli ijkuak Jesús nejnentiaya itenko on mar de Galilea, okintak omemej iknijtin. Se itoka katka Simón, yejuan no itoka Pedro, niman on okse Andrés. Yejuamej konchapaniayaj iminmatlau ne ipan on atl pampa michajsikej katkaj.

San Mateo 4:21

Achi más tlayakapan Jesús okintak okse omemej iknijtin intoka katka Santiago niman Juan. Yejuamej ikoneuan katkaj Zebedeo. Yejuamej kitlamanilijtikatkaj iminmatlau ipan se barco iuan intataj. Jesús okinnots,

San Marcos 1:29

Kemaj Jesús okis ne ipan insinagoga* on hebreos*, niman oyaj iuan Santiago niman Juan ne inchan Simón niman Andrés.

San Marcos 13:3

Niman ijkuak yeuatikatka Jesús ipan on tepetl itoka Olivos ixpan on ueyitiopan, Pedro, Santiago, Juan niman Andrés san inseltimej okitlajtoltijkej:

San Marcos 6:30

Kemaj on apóstoles onosentlalijkej iuan Jesús, niman okitlajtlajtouilijkej nochi tlinon okichijkej, niman tlinon otemachtijkej.

San Lucas 11:49

Yejua ika tej, Dios ikan itlamatkilis* okijtoj: “Nikintitlanilis tiotlajtojkej niman apóstoles*, niman sekimej yejuamej kiminmiktiskej niman oksekimej kintlauelitaskej niman tlamach ika kintlajyouiltiskej.”

San Lucas 22:14

Niman ijkuak oajsik on hora para tlakuaskej, Jesús onoseuij itech on mesa inuan inomachtijkauan*.

San Lucas 22:8

Niman Jesús okititlan Pedro niman Juan, niman okinnauatij: —Xuiyan, xchijchiuatij on tlakuajli para tikuaskej ipan in iluitl Pascua*.

San Lucas 5:10

No ijki onomojtijkej Santiago niman Juan, ikoneuan Zebedeo, yejuan no michajsikej katkaj ken Simón. Pero Jesús okijlij Simón: —Maka xmomojti, pampa desde aman xok tikintejtemos michimej para tikinmajsis, yej tikintejtemos tlakamej para tikiminmachtis itlajtol Dios.

San Lucas 9:10

Ijkuak on apóstoles* onokuepkej, okitlajtlajtouilijkej Jesús nochi tlinon okichijkej. Kemaj okinuikak niman oyajkej ipan on xalpatlajkan nisiu on kalpan, itoka Betsaida.

San Juan 12:22

Felipe oyaj niman okitlajtlajtouilij Andrés on tlen okijlijkej. Niman kemaj on omemej san sekan oyajkej okitlajtlajtouilitoj Jesús on tlen kijtouayaj.

San Juan 13:23

Niman semej inomachtijkauan*, yejuan Jesús sanoyej kitlajsojtlaya*, nemiya inakastlan kampa tlakuajtikatkaj.

San Juan 20:2

Kemaj onotlaloj ne kampa nemiyaj Simón Pedro niman on nomachtijketl yejuan Jesús sanoyej* kitlajsojtlaya*, niman okinmijlij: —Yokejkuanijkej toTEKO ipan itlalkon niman xtikmatij kanon okauatoj.

San Juan 21:2

Simón Pedro, Tomás, on yejuan kuitiayaj kouatsin*, Natanael yejuan chanej Caná de Galilea, Santiago niman Juan, ikoneuan Zebedeo, niman okse omemej inomachtijkauan* Jesús san sekan nemiyaj.

San Juan 21:20

Kemaj Pedro ouajnokuep, niman okitak ika kikuitlapanuiya on nomachtijketl yejuan Jesús sanoyej kitlajsojtlaya. (On nomachtijketl katka yejuan nemiya inakastlan Jesús ijkuak otlakuajkej, niman ijkin okitlajtoltij: “NoTEKO, ¿akinonon yejuan mitstemakas?”)

San Juan 21:24

In yejua nomachtijketl yejuan kitemachistia nochi ken okitak in tlajtlamach*, niman okijkuiloj nochi in tlajtlamach* ipan in amamoxtli*. Niman tikmatij ika on tlen kijtoua, yejua tlen melauak.

San Juan 6:67

Yejua ika, Jesús okintlajtoltij on majtlaktli uan ome inomachtijkauan*: —¿Nemejuamej no nenkinekij nennechtlalkauiskej?

San Juan 6:70

Jesús okinmijlij: —Maski onemechtlapejpenij nemejuamej majtlaktli uan ome, nemotsajlan nemi se yejuan kitekipanoua on diablo*.

San Juan 6:71

Ijkuak Jesús ijkon okijtoj, kitenejtikatka Judas Iscariote, ikoneu Simón, pampa Judas kitemaktiliskia maski yejua teuan tlapouajli intech on majtlaktli uan ome nomachtijkej*.

San Juan 6:8

Kemaj Andrés, yejuan semej on inomachtijkauan niman yejuan ikniu Simón Pedro, okijlij:

Hechos 1:13

Ijkuak oajsikej ipan on ueyikalpan, otlejkotoj ipan on kajli kampa ika ome piso kampa nosentlaliayaj. Ompa nemiyaj Pedro, Santiago, Juan, Andrés, Felipe, Tomás, Bartolomé, Mateo, Santiago on ikoneu Alfeo, Simón on yejuan nopoua ipan on partido itoka Celote, niman Judas ikoneu Santiago.

Hechos 1:26

Kemaj onotlatlankej niman on suerte ouets ipan Matías. Yejua ika, Matías opeu inuan nopoua on majtlaktli uan se apóstoles*.

Hechos 12:2

Niman Herodes otlanauatij ma kimiktikan ikan espada Santiago, ikniu Juan.

Hechos 3:1

Se tonajli Pedro niman Juan san sekan tlejkotiayaj ipan on ueyitiopan ipan yeyi hora ika tiotlak, on hora ijkuakon nochiuaya oración.

1 Corintios 15:7

Más sakin* okinotitij Santiago niman kemaj nochimej on apóstoles*.

Efesios 4:11

Niman on tlakamej okinmakak tetlayokolijli* de uelilistli. Sekimej okinueliltij para apóstoles*, sekimej okinueliltij para tiotlajtojkej, sekimej okinueliltij tenojnotsaskej ika on kuajli tlajtojli yejuan kiteijlia ken Dios temakixtia, oksekimej okinueliltij para pastores niman temachtijkej.

Hebreos 3:1

Aman tej, nokniuan yolchopijkej yejuan Dios omechnots para nenyaskej ne iluikak, maka nenkixkauaskej Cristo Jesús yejuan apóstol* niman más ueyi tlayekanki tiopixki ipan totlaneltok.

1 Pedro 1:1

Nejua, Pedro, niiapóstol* JesuCristo. Nemechtlajkuiluiya nemejuamej yejuan xnenchantij nemochan, yej nenchantij tlajtlauis imanian iueyitlalpan Ponto, Galacia, Capadocia, Asia niman Bitinia.

2 Pedro 1:1

Nejua, Simón Pedro, niitekitkau JesuCristo niman niiapóstol. Nemechijkuilouilia in tlajkuilolamatl para nemejuamej yejuan nenmelajkatlakamej ixpan Dios niman JesuCristo totemakixtijkau. Nemejuamej nenkipiyaj kualtsin nemotlaneltok yejuan sanoyej ueyi kijtosneki, no ijki ken tejuamej tikpiyaj.

2 Juan 1:1

Nejua, yejuan niueuetki tlayekanki, nimitstlajkuiluiya tejua nokniu siuatl yejuan Dios omitstlapejpenij, niman mokoneuan. Melauak nemechtlajsojtla* niman xsan nejua, yej nochimej on yejuan kixmatij on temachtijli yejuan melauak.

3 Juan 1:1

Nejua, yejuan niueuetki tlayekanki intech tokniuan, nimitstlajkuiluiya in tlajkuilolamatl, tejua notlajsojkaikniu yejuan motokan Gayo, yejuan melauak nimitstlajsojtla*.

El Apocalipsis 1:1

Ipan in tlajkuilolamatl nikijkuiloua on tlajtlamach* yejuan Dios okinek para JesuCristo ma kinmachisti on itekitkauan on tlen saniman nochiuas. Cristo okimachistij Juan in tlajtlamach* itechkopa sen ángel.

El Apocalipsis 1:9

Nejua, Juan, ninemokniu. Pampa ninemi san sekan iuan Jesús ken nemejuamej nennemij, san sekan nemouan nikpiya tlajyouilistli, temakixtilistli niman tlaxikoualistli. Ninemiya ne ipan on tlaluaktli itoka Patmos yejuan onkaj atlajkotian. Ompa onechontotokakej pampa nikteijlia on itlajtoltsin Dios niman on tlen nikmati de JesuCristo.

El Apocalipsis 18:20

Xpakikan nemejuamej yejuan nenchantij iluikak pampa on ueyikalpan yoxoxoton. Nemejuamej apóstoles*, niman nemejuamej tiotlajtojkej, niman nemejuamej yejuan iyaxkauan* Dios, no xpakikan. Xpakikan pampa Dios yocastigaroj on ueyikalpan yejuan omechtlajyouiltij.

El Apocalipsis 22:8

Nejua, Juan, onikak niman onikitak nochi in tlajtlamach*. Ijkuak yonikak niman yonikitak, oninotlakuantelkets ikxitlan on ángel yejuan onechititij on tlajtlamach* para nikmauistiliskia.