San Lucas 9:19 - El Nuevo Testamento

¹⁹ Yejuamej okijlijkej: —Sekimej kijtouaj ika tejua tiJuan on tlakuatekijketl, oksekimej kjtouaj ika tejua tiElías, niman no sekimej kijtouaj ika tise on ye uejkaui tiotlajtojkej yejuan yoyoliu* niman yonokuiteu ipan itlalkon.

In yencuic iyectlajtoltzin Dios itech ica toTeco Jesucristo

¹⁹ Yejhuamej oquijlijquej: ―Sequimej quijtohuaj ica tejhua tiJuan on tlacuatequijquetl, ocsequimej qujtohuaj ica tejhua tiElías, niman no sequimej quijtohuaj ica tise on ye huejcahui tiotlajtojquej yejhuan yoyoliu niman yonoquetzteu ipan itlalcon.

San Lucas 9:19 Iomraidhean Croise

San Mateo 14:2

Niman yejua okinmijlij itekitkauan yejuan kipaleuiyayaj: —On yejua Juan yejuan tlakuatekijketl. Yejua yonoyolitij* niman yonoketsteu intsajlan on mikatsitsimej. Yejua ika yejua ueli kichiua on milagros.

San Mateo 3:1

Ipan on tonaltin, Juan on yejuan tlakuatekijketl, ouajlaj ipan ixalpatlajkan Judea, niman okinmachtij on tlakamej yejuan itech oualajkej.

San Marcos 6:14

On rey Herodes okak ika sanoyej kiteneuayaj Jesús pampa itoka nochiuiyan yokixmatkaj. Sekimej kijtouayaj: —Jesús ueli kichiua on milagros* pampa melauak yejua Juan yejuan Dios yokiyolitij* niman yokuiteu intsajlan on mikatsitsimej.

San Marcos 6:15

Pero sekimej kijtouayaj: —Yejua on tiotlajtojketl Elías. Niman oksekimej kijtouayaj: —Yejua sen tiotlajtojketl noso yakaj semej on achtoj tiotlajtojkej.

San Lucas 9:18

Se tonajli ijkuak Jesús iselti kichijtikatka oración, niman on inomachtijkauan* ompa iuan nemiyaj, okintlajtoltij: —On tlakamej, ¿ken kijtouaj akin nejua?

San Lucas 9:20

Kemaj yejua okintlajtoltij: —Niman nemejuamej, ¿ken nenkijtouaj akin nejua? Niman Pedro okijlij: —Tejua tiCristo yejuan Dios okuatitlan.

San Juan 1:21

Kemaj okitlajtoltijkej: —Tla ijkon, ¿akin tejua? ¿Tejua titiotlajtojketl Elías? Niman Juan okijtoj: —Ka, xnejua. Kemaj ijkin okitlajtoltijkej: —Tla ijkon, ¿tejua titiotlajtojketl on yejuan ika onkatka uajlas? Niman yejua okijtoj: —Ka.

San Juan 1:25

Niman yejuamej okijlijkej: —Tla ijkon, tla xtejua tiCristo, nion tiElías, nion yejua on tiotlajtojketl yejuan ika onkatka uajlas, ¿tline* tej, titlakuatekiya?

San Juan 7:40

Sekimej yejuan nemiyaj intsajlan on tlakamej, ijkuak ijkon okakkej, okijtojkej: —Tlakaj melauak, in tlakatl yejua tiotlajtojketl yejuan ika onkatka para uajlas.

San Juan 9:17

Kemaj oksejpa okitlajtoltijkej on yejuan ciego katka: —Niman tejua, ¿tlinon tikijtoua de on tlakatl yejuan omitsimpajtilij mixtololojuan? Niman yejua okijtoj: —Nejua nikijtoua ika yejua sen tiotlajtojketl.