San Lucas 9:1 - El Nuevo Testamento

¹ Jesús okinsentlalij on majtlaktli uan ome apóstoles* niman okinmakak poder niman tlanauatijli para kintekixtiliskej nochi on xkuajkualtin espíritus niman para tepajtiskej.

In yencuic iyectlajtoltzin Dios itech ica toTeco Jesucristo

¹ Jesús oquinsentlalij on majtlactli huan ome apóstoles niman oquinmacac poder niman tlanahuatijli para quintequixtilisquej nochi on xcuajcualtin espíritus niman para tepajtisquej.

San Lucas 9:1 Iomraidhean Croise

San Mateo 16:19

Niman nimitsmakas illaves on kampa Dios tlamandaroua. On tlen tejua xtiktekauilis ma nochiua nikan ipan in tlaltikpaktli, Dios ne iluikak no xkitekauilis ma nochiua. Niman on tlen tejua tiktekauilis ma nochiua nikan ipan in tlaltikpaktli Dios ne iluikak no ijki kitekauilis ma nochiua.

San Mateo 4:24

Omachiyato on tlinon kichiuaya Jesús imanian on región de Siria. Yejua ika okinuajuikilijkej nochimej on yejuan kijyouiyayaj nochi sesentlamantik kualolistin niman kokolistin, niman on yejuan kipiyayaj on xkuajkualtin espíritus, niman on yejuan sotlauiyaj niman on yejuan sepouiyaj. Niman Jesús okimpajtij.

San Mateo 8:9

Ijkon nochiuas pampa nejua no nikmati ken nikintlakamati on yejuan nechmandarouaj, niman nejua no nikimpiya soldados yejuan nechtlakamatij ijkuak nikinmandaroua. Ijkuak se niknauatia kanaj ma uiya, yau. Ijkuak okse nikijlia ma uajla, uajlau. Niman ijkuak notekitkau niknauatia itlaj ma kichiua, kichiua.

San Lucas 10:1

Más sakin*, toTEKO okintlapejpenij 72 tlakamej, niman ojomemej okintitlan iyakapan ipan nochi kalpanmej kampaka yejua yaskia.

San Lucas 10:19

Xkitakan, nejua onenmechmakak poder para impan nencholoskej on kouamej* niman on kolomej, niman para nenkitlaniskej nochi ipoder on totlauelikniu, niman xitlaj* mechchiuilis.

San Juan 14:12

Ika tlen melauak nemechijlia, ika yejuan nechneltokas kichiuas on tekitl tlen nikchiua. Niman yejua kichiuas on tekitl yejuan más uejueyi, pampa nejua niau itech noTajtsin.

Hechos 1:8

Yej, ijkuak on Espíritu Santo uajlas nemopan, nenkiseliskej poder. Niman noka nentenojnotsaskej ne Jerusalén, niman imanian Judea, niman Samaria, niman nochiuiyan ipan in tlaltikpaktli.

Hechos 3:16

San ikan itokatsin Jesús, niman itechkopa totlaneltok itech itokatsin, in tlakatl yejuan nemejuamej nenkitaj niman nenkixmatij, opajtik ipan ikxiuan. Niman ika itlaneltok itech Jesús, in tlakatl kuajli opajtik ijkon ken nemejuamej nenkitaj.

Hechos 4:30

Niman ikan mopoder ma kimpajtikan on kokoxkej niman ma kichiuakan tlamauisoltin niman milagros* ikan itokatsin moyekKonetsin Jesús.

Hechos 9:34

Niman Pedro okijlij: —Eneas, JesuCristo yomitspajtij. Xmotelketsa niman xkuektlali motlapech. Kemaj nimantsin Eneas onotelkets.