San Lucas 8:47 - El Nuevo Testamento

⁴⁷ Ijkuak on siuatl okitak ika yokimatkej ika yejua okimatokak, ikan ikuekuetlakalis ouajlaj niman onotlakuantelkets ikxitlan Jesús. Kemaj yejua okijlij imixpan nochimej on tlakamej tline okimatokak itlaken, niman ika nimantsin opajtik.

In yencuic iyectlajtoltzin Dios itech ica toTeco Jesucristo

⁴⁷ Ijcuac on sihuatl oquitac ica yopanes, ican icuecuetlacalis ohuajlaj niman onotlacuenquetz icxitlan Jesús. Quemaj yejhua oquijlij imixpan nochimej on tlacamej tlica ocajsic itlaquen, niman ica nimantzin opajtic.

San Lucas 8:47 Iomraidhean Croise

San Mateo 28:8

Niman on siuamej nimantsin onejkuanijkej itech on tlalkontli ikan nemojtijli niman no ikan miyek pakilistli. Yejuamej onotlajtlalojkej* para okinmachistitoj on nomachtijkej* on tlen okinmijlij on ángel.

San Marcos 5:33

Kemaj, on siuatl yejuan kimatstikatka tlinon ipan yonochiu, ouajlaj itech Jesús, niman onotlakuantelkets ixpan. Yejua sanoyej nomojtiaya, niman kuekuetlakaya. Yejua okijlij nochi tlen melauak.

San Lucas 8:46

Pero Jesús oksejpa okijtoj: —Yakaj onechmatokak, pampa onikmat ijkuak notech okis poder para onikpajtij akinonon.

San Lucas 8:48

Kemaj Jesús okijlij: —Nokoneu, otipajtik pampa otitlaneltokak. Xuiya ikan yolseuilistli.

Hechos 16:29

Kemaj on carcejtlajpixki okitlajtlan tlauijli, niman okalaktikis ne ipan cárcel. Niman mojkakuekuetlakatiaya, onotlajkaltajsik ikxitlan Pablo niman Silas.

1 Corintios 2:3

Ijkuak oniaj nemotech, nikmatiya xniyolchikauak, ninomojtiaya niman nimojkakuekuetlakaya.

2 Corintios 7:15

Niman aman ijkuak kelnamiki ken nemochimej* onenkititijkej nemotetlakamatilis, niman ken onenkiselijkej ikan yolyemanilistli niman miyek tetlakaitalistli, itetlajsojtlalis* yejuan mechpiyalia más noskaltijtiu.

Filipenses 2:12

Ijkon tej, notlajsojkaikniuan, ijkon ken nemejuamej nochipa nennechtlakamatij ijkuak nemouan ninemi, más xnechtlakamatikan aman ika uejka ninemi. Aman tej, nemejuamej más xmotekimakakan ipan nemotemakixtilis ikan yolyemanilistli niman tlakaitalistli.

Hebreos 12:28

Yejua ika tej, ma tikmakakan tlaxtlauijli Dios pampa tikseliaj sen yenkuik lugar yejuan xuelis nejkuanis. Ma tikmauistilikan Dios ikan nochi cuidado niman ikan tetlakaitalistli ken kipaktia,