San Lucas 8:13 - El Nuevo Testamento

¹³ On tepetlayoj yejuan seki xinachtli ipan oxin, kijtosneki inyojlo on tlakamej yejuan kakij itlajtol Dios niman kiseliaj ikan paktli. Pero tlaneltokaj san keski tonajli, pampa on itlajtol Dios xnoneluayotia uejkatlan ipan inyojlo. Yejua ika ijkuak kintlatlata on tlen xkuajli, noxelouaj itech on tlaneltoktli.

In yencuic iyectlajtoltzin Dios itech ica toTeco Jesucristo

¹³ On tepetlayoj yejhuan sequi xinachtli ipan oxin, quijtosnequi inyojlo on tlacamej yejhuan caquij on itlajtol Dios niman quiseliaj ican pactli. Pero san tlaneltocaj ipan quesqui tonaltin, pampa on itlajtol Dios xnonelhuayotia huejcatlan ipan inyojlo. Yejhua ica ijcuac quintlatlata on tlen xcuajli noxelohuaj itech on tlaneltoctli.

San Lucas 8:13 Iomraidhean Croise

San Marcos 6:20

pampa Herodes kitlakaitaya Juan, niman kimatstikatka ika yejua kuajli tlakatl yejuan yolchipauak. Yejua ika, Herodes kimanauiyaya. Ijkuak Herodes kontaya, sanoyej kuelkakiya maski xok kimatiya tlen kichiuas.

San Lucas 8:12

On ojtli yejuan ipan oxinito keski xinachtli kijtosneki inyojlo on tlakamej yejuan kakij itlajtol Dios. Pero uajlau on diablo* niman kejkuania ipan inyojlo itlajtol Dios para maka ma kineltokakan niman maka ma nomakixtikan.

San Lucas 8:14

On xinanchtli yejuan oxin itsajlan on uitskojtin, kijtosneki on yejuan kakij itlajtol Dios, pero xueli tlaki pampa sa komatstokej kenijki nopanoltiskej niman sanoyej* kinekij notomintiskej niman pakiskej ipan innemilis.

San Juan 15:2

Yejua kiteki nochi nomatsitsiuan yejuan xtlakij, pero kitlakuijkuilia niman kichipaua on nomatsitsiuan yejuan tlakij para más ma tlakikan.

San Juan 15:6

On yejuan xnochipa nemis nouan, kitekecheuaskej notech niman uakis ken sen kuamatli. Tla ijkon nochiuas on kuamatli yej kisentlaliaskej para kitlatiskej.

San Juan 5:35

Juan ken itlaj tlauijli katka yejuan tlikuiya niman kuajli tlauilouaya. Itlauil omechititij on kuajli ojtli para ipan nemouikaskej. Niman keski tonaltin onenkitlalijkej nemoyojlo ikan pakilistli para onenyajkej ipan on kuajli ojtli.

1 Corintios 13:2

Niman tla nikteijliskia on tiotlajtojli yejuan nikseliskia itech Dios, niman nikmatiskia nochi tlajtlamach* tlen yejua kichtakapiya, niman sanoyej* nitlajmatki yeskia, niman nikpiyaskia nochi on tlaneltoktli para ueliskia nikimejkuaniskia tepemej ika notlaneltok, pero xnitetlajsojtla, xitlaj* kijtosneki tlen nikchiua.

1 Corintios 15:2

Niman yejua itechkopa nenkipiyaj temakixtilistli tla nenkejeuaj in tlen onemechmachtij. Pero tla xnenkejeuaj, tla ijkon, sanenkaj onentlaneltokakej.

Gálatas 3:1

¡Ay, nemejuamej chanejkej Galacia, semi nentontos! ¿Akinon omechonkajkayau para maka nenkitlakamatiskej in temachtijli yejuan melauak? Kuajli onenmechmachtij kenijki Cristo omik ipan kojnepanojli* nemopampa.

Gálatas 3:4

¿Miyek tlajtlamach* sanenkaj onenkijyouijkej? Tla nemokuepaskej itech on tlanauatijli, on melauak sanenkaj yes.

Efesios 3:17

para Cristo ma nemi ipan nemoyojlo itechkopa nemotlaneltok. Niman niktlajtlanilia Dios para nemejuamej xmokojtilikan ipan on tetlajsojtlalistli* yejuan nenkipiyaj ken sen kojtli* yejuan uejkatlan nokiktsia ikan ineluayo, niman ken sen kajli yejuan uejkatlan peua.

Colosenses 1:23

Pero in san nochiuas tla melauak yonenkineltokakej Cristo niman xkaman nenkauaj nemotlaneltok. Niman no noneki nochipa nentlamachaskej itech on kuajli tlajtojli yejuan kiteijlia ken Dios temakixtia yejuan onenkakkej. Yejua in kuajli tlajtojli noteijlia nochiuiyan imanian in tlaltikpaktli. Niman nejua Pablo yejua niknotekimaka para nikteijlia.

Colosenses 2:7

Yejua ipan xpiyakan nemoneluayo ken on kojtli* noneluayotia ipan tlajli. Niman yejua ipan xmokiktsikan ken on tepantli nokiktsia ipan on cimiento*. Niman más xmokojtilikan ipan nemotlaneltok ijkon ken omechmachtijkej. Niman xmakakan ueyi tlaxtlauijli Dios.

1 Tesalonicenses 3:5

Yejua ika, ijkuak nejua xoniuel más onikxikoj, onitlatitlan para onikmat kenijki nennemij ipan nemotlaneltok. Ninomojtiaya nikmatis ika on diablo* yomechtlatlatak, niman totekiu sanenkaj otikchijkej.

1 Timoteo 1:19

Xkejeua motlaneltok niman no xkejeua mochipajkatlamachilis. Sekimej xokichiuilijkej cuenta inchipajkatlamachilis. Yejua ika okipolojkej intlaneltok.

Hebreos 10:39

Pero xtejuamej on yejuan tiktlalkauiyaj Dios niman tixpoliuij para nochipa. Yej tejuamej tikpiyaj tlaneltoktli niman ijki tikejeuaj toalma.

Santiago 2:26

Ijkon ken sen tlalnakayotl ijkuak xkipiya ialma miki, no ijki miktikaj itlaneltok sen tlakatl tla xkichiua tlajtlamach* tlen kuajli.

2 Pedro 2:20

On yejuan yokixmatkej toTEKO JesuCristo akin toTemakixtijkau, yokikajkej on tlen xkuajli kichiuaj on tlaltikpaktlakamej. Pero tla oksejpa nokajkayauaj ika on tlajtlamach* niman kinokauiliaj kintlani on tlen xkuajli, tla ijkon, nokauaskej más xkuajli xken achtoj nemiyaj.

2 Pedro 2:22

Pero kuajli impan onocumpliroj on ken kijtoua on tlajtojli: “On chichi* oksejpa kikua isotlal, niman on pitso yejuan kemach okonaltijkej oksejpa onnosokipopolaktia.”

1 Juan 2:19

Yejuamej totsajlan okiskej, pero ika tlen melauak xnejli tokniuan. Tla tokniuan yeskiaj, nokauaskiaj touan. Pero yejuamej okiskej totsajlan para onoteititijkej ika yejuamej xtokniuan.

Judas 1:12

Yejuamej tepinajtijkej ipan on iluimej de tetlajsojtlalistli* kampa nentlakuaj. Yejuamej tlakuaj niman tlaonij* ikan pakilistli san sekan, nion kitaj tla oksekimej itlaj kimpoloua. Yejuamej ken tlayekankej yejuan sanno yejuamej notlajpiyaj. Maski ijkon nouikaj xpinauaj. Yejuamej ken itlaj moxtli yejuan xkipiya atl niman kuika ajakatl, pampa noteneuaj ika kimatij miyek tlajtlamach* itech ika Dios, pero innemilis kiteititia ika xnejli. Yejuamej ijkonmej ken on kojtlakijlomej yejuan xtlakij ijkuak kitocaroua tlakiskej. On kojtin* okpa ixpolijtokej. Ixpolijtokej pampa uakij, niman pampa xneluayojkej. Ijkon tej, on tlakamej no okpa ixpolijtokej. Ixpolijtokej pampa xkipiyaj yenkuik nemilistli, niman no ipampa itlauel Dios.