San Lucas 8:10 - El Nuevo Testamento

¹⁰ Niman Jesús okinmijlij: —Nemejuamej Dios yomechkauilij para nenkimatiskej on tlinon iyantikaj ken yejua tlamandaroua. Pero on oksekimej nikinnojnotsa ikan ejemplos para ijkuak kitaskej on tlen nikchiua niman kakiskej on ejemplos, maka ma kajsikamatikan.

In yencuic iyectlajtoltzin Dios itech ica toTeco Jesucristo

¹⁰ Niman Jesús oquimijlij: ―Nemejhuamej Dios yomechcahuilij para nenquimatisquej on tlinon iyanticatca quen ijqui yejhua tlamandarohua. Pero on ocsequimej niquinnojnotza ican ejemplos para ijcuac quitasquej on tlen nicchihua niman caquisquej on ejemplos, ma ca ma cajsicamatican.

San Lucas 8:10 Iomraidhean Croise

San Mateo 11:25

Ipan on tonajli Jesús okichiu oración. Ijkin okijtoj: —Nimitsyekteneua noTajtsin, tejua yejuan iTEKO on iluikak niman in tlaltikpaktli. Nimitsyekteneua pampa nochi in tlajtlamach* xotikinmachistij on tlajmatkej niman on tlakajsikamatkej, pero otikinmachistij on yejuan ken kokonej.

San Mateo 16:17

Jesús okijlij: —Dios yomitstiochiu tejua Simón, yejuan ikoneu Jonás, pampa xakaj tlakatl mitsijlia ika nejua niCristo yejuan Dios onechtlapejpenij para nitemakixtis. Yej noTajtsin iluikak chanej* yejua omitsmachistij.

San Marcos 4:11

Yejua okiminnankijlij: —Nemejuamej Dios yomechkauilij para nenkimatiskej on tlinon iyantikatka* de on kenijki yejua tlamandaroua. Pero on oksekimej nikinmachtia san ikan ejemplos,

San Marcos 4:12

para maski kikakiskej on tlinon nikijtoua, niman kitaskej tlinon nikchiua, xkajsikamatiskej, para maka noyolkuepaskej niman kintlapojpoluis Dios on intlajtlakol.

San Juan 12:40

Dios okinciegojtilij niman okinyoltechikau. Ijkin okichiu para maka ma kajsikamatikan tlinon kijtosneki on tlen okitakej, niman maka tlaneltokaskej impan inyojlo, niman para maka ma uajnokuepakan notech para nikintlapojpoluis.

Romanos 16:25

Niman aman ma tikyekteneuakan Dios yejuan uelis mechpaleuis para maka kaman nenkauaskej nemotlaneltok. Yejua mechpaleuis itechkopa on kuajli tlajtojli yejuan kiteijlia ken Dios temakixtia yejuan nikteijlia niman itechkopa on temachtijli de JesuCristo. In temachtijli Dios kuajli yokipanextij yejuan achtoj iyantikatka* desde ijkuak xe onkatka in tlaltikpaktli.

1 Corintios 12:11

Nochi in tlajtlamach* san se Espíritu kichiua. Niman ken sano yejua kineki, ijki kimaka itlayokolil cada tlakatl.

Colosenses 2:2

Nikinnekilia para yejuamej ma noyoleuakan, niman ma kuajli san sekan nemikan ikan tetlajsojtlalistli*. Nikneki para kipiyaskej on riqueza de kajsikamatilistli para uelis kimatiskej on tlen Dios kiyantikatka yejuan sano yejua Cristo.

1 Timoteo 3:16

Tinochimej tikmatij ika on tlen iyantikatka* yejuan Dios otechititij itechkopa totlaneltok sanoyej ueyi kijtosneki: Dios ouajlaj ken sen tlakatl; on Espíritu Santo okiteititij ika yejua chipauak. On ángeles okitakej. Okitemachistijkej ipan tlaltikpaktli. On tlakamej okineltokakej nochiuiyan ipan in tlaltikpaktli. Niman kemaj okuikakej iluikak.