San Lucas 8:1 - El Nuevo Testamento

¹ Más sakin* Jesús okistinen ipan miyek uejueyikalpanmej niman kalpantsitsimej. Kiteijlijtiaya niman kitemakatiaya on kuajli tlajtojli yejuan kiteijlia ken Dios temakixtia. Niman on majtlaktli uan ome apóstoles* kuikatinemiyaj.

In yencuic iyectlajtoltzin Dios itech ica toTeco Jesucristo

¹ Más saquin Jesús oquistinen ipan miyec huejhueyican niman pueblitos. Quiteijlijtiaya niman quitemacatiaya on cuajli temachtilistli quen Dios tlamandarohua. Niman majtlactli huan ome apóstoles cuicatinemiyaj.

San Lucas 8:1 Iomraidhean Croise

San Mateo 11:1

Ijkuak Jesús otlan kinnajnauatia on majtlaktli uan ome inomachtijkauan*, onejkuanij ompa, niman oyaj para otemachtito niman otenojnotsato ne ipan ikalpanuan on región de Galilea.

San Mateo 13:19

On ojtli yejuan ipan oxinito keski xinachtli kijtosneki inyojlo on tlakamej yejuan kakij itlajtol Dios yejuan kinmijlia ika Dios kineki kinmandaros, niman xkajsikamatij. Yejua ika on Satanás uajlau niman kinkixtilia itlajtol Dios ipan inyojlo.

San Mateo 4:23

Jesús nochiuiyan panotiaya on región de Galilea, niman temachtijtiaya ipan on sinagogas*. Yejua kiteijlijtiaya on kuajli tlajtojli ika Dios saniman peuas tlamandaros. Yejua no kipajtijtiaya nochi tlajtlamach* kualolistli niman kokolistli* yejuan on tlakamej kipiyayaj.

San Mateo 9:35

Jesús panotiaya nochiuiyan ipan on kalpanmej niman kalpanmej pipitikej. Niman nochiuiyan temachtijtiaya ipan insinagogas* on hebreos* kampa kiteijlijtiaya on kuajli tlajtojli kenijki Dios tlamandaroua. Jesús kipajtijtiaya nochi kech kokolistli* niman kualolistli.

San Marcos 1:39

Kemaj Jesús temachtijtiaya ipan insinagogas* on hebreos nochiuiyan ne imanian Galilea. No kinkixtiliaya on tlakamej xkuajkualtin espíritus.

San Lucas 1:80

Niman on tlakakonetl noskaltiaya niman chikajtiaya itech Dios. Niman yejua ochantik neka xalpatlajkan hasta ipan on tonajli ijkuak yejua onoteititij intech on tlakamej yejuan chantij ipan on país de Israel.

San Lucas 20:1

Sen tonajli ne ipan on ueyitiopan, Jesús kinmachtiaya on tlakamej niman kinmijliaya on kuajli tlajtojli yejuan kiteijlia ken Dios temakixtia. Intlayekankauan on tiopixkej niman on temachtijkej ikan itlanauatil Dios, san sekan iuan on ueuetkej tlayekankej oajsikej itech Jesús,

San Lucas 4:18

On iEspíritu toTEKO nopan nemi, pampa onechkalaktij ipan notekiu para nikinmachistis on mayankej tlakamej on kuajli tlajtojli yejuan kiteijlia ken Dios temakixtia. Onechajtitlan nikimpaktis on yejuan noyolajmanaj, para nikintitis ika Dios uelis kinmanauis on yejuan Satanás yokinnoyaxkatijka, para nikiminmakas intlachalis on ciegos, niman para nikiminmanauis on yejuan tlajyouiyaj.

San Lucas 9:6

Yejuamej tej, oyajkej ipan nochi on kalpantsitsimej, niman temachtiayaj on kuajli tlajtojli yejuan kiteijlia ken Dios temakixtia niman nochiuiyan kimpajtijtiayaj on kokoxkej.

Hechos 10:38

Nemejuamej nenkimatstokej kenijki Dios okimakak poder Jesús yejuan ualeua ne Nazaret, nimanokiyoltemitij ikan on Espíritu Santo. Niman no ijki nemejuamej nenkimatstokej kenijki Jesús nouiyan okichijtinen on tlen kuajli niman nochimej on yejuan itlaj ika kintlajyouiltiaya ipoder on diablo* okimpajtij, pampa Dios iuan nemiya.

Hechos 13:32

’Niman aman tejuamej no temechmachistiaj on kuajli tlajtojli de on tlen Dios okitlalij ipan ipromesa para on toachtojtajuan.

Romanos 10:15

¿Niman kenijki kiteijliskej de yejua tla xnemi yejuan konmintitlanis? In Yektlajkuilojli ijkin kijtoua: “Sanoyej kualtsin ijkuak yejkoj on yejuan kuajkij on temachtijli de yolseuilistli niman kiteijliaj on kuajli tlajtojli yejuan kiteijlia ken Dios temakixtia.”