San Lucas 7:39 - El Nuevo Testamento

³⁹ Ijkuak on fariseo* yejuan okinots Jesús, ijkon okitak, okinemilij: “Tla in tlakatl melauak tiotlajtojketl yeskia, kimatiskia akinon kimatokatikaj niman ika xkuajli nouika, pampa yejua sen tlajtlakolej.”

In yencuic iyectlajtoltzin Dios itech ica toTeco Jesucristo

³⁹ Ijcuac on fariseo yejhuan oquinotz Jesús, ijcon oquitac, oquinemilij: “Tla yejhua in tlacatl melahuac tiotlajtojquetl yesquia, quimatisquia aquinon quimatocaticaj niman ica xcuajli nohuica, pampa yejhua se tlajtlacolej.”

San Lucas 7:39 Iomraidhean Croise

San Mateo 20:16

’Yejua ika tej, miyekej yejuan saniman kalakij kampa Dios tlamandaroua xuejueyixtiaskej, niman miyekej yejuan más sakin* kalakij kampa Dios tlamandaroua uejueyixtiaskej. Dios miyekej okinnots, pero xmiyekej okintlapejpenij.

San Mateo 21:11

Niman on yejuan yayaj iuan Jesús okijtojkej: —In yejua tiotlajtojketl Jesús, yejuan chanej* Nazaret yejuan onkaj ipan iueyitlalpan Galilea.

San Marcos 7:21

pampa ipan inyojlo on tlakamej kisa on xkuajkualtin tlamachilistin, siuapapatlalistli, tlakapapatlalistli, on auilnemilistli, temiktilistli,

San Lucas 12:17

Niman kemaj on tlakatl yejuan rico opeu ijkin kinemilia: “¿Tlinon nikchiuas? Xnikpiya kanon nikejeuas on tlen otlak.”

San Lucas 15:2

Yejua ika on fariseos* niman on temachtijkej ikan itlanauatil Dios tlaueltlajtouayaj niman ijkin kijtouiliayaj Jesús: —Yejua in tlakatl kinselia on tlajtlakolejkej niman inuan tlakua.

San Lucas 16:3

Kemaj on tekitlayekanki opeu kinemilia: “¿Aman tlinon nikchiuas? Noteko nechkixtilia on tekitl. Xnikojtik para niktekitis on tlajli, niman nipinaua niktlajtlanis limosna.

San Lucas 18:4

Miyekpa on juez xokinek okipaleuij on siuakauajli*, pero más sakin* ononemilij: “Maski xniktlakaita Dios nion nikpiya teiknelilistli* para tlakamej,

San Lucas 3:8

Kuajli xmouikakan para kuajli nenkiteititiskej ika yonenkajkajkej nenkichiuaj on tlen xkuajli. Niman maka nenkijtoskej: “Xitlaj* uelis topan nochiuas, pampa titekoneuan itech Abraham.” Nejua nemechijlia ika hasta in temej Dios uelis kinkuepas tekoneuan itech Abraham.

San Lucas 7:16

Ijkuak nochimej ijkon okitakej, onomojtijkej niman opeu kueyiliaj Dios. Ijkin kijtouayaj: —Sen ueyi tiotlajtojketl ononextij totsajlan. No kijtouayaj: —Dios youajlaj, okimpaleuiko ikoneuan.

San Lucas 7:37

Sano ipan on kalpan nemiya sen siuatl yejuan xkuajli nouikaya. Niman ijkuak yejua okimat ika Jesús oyaj otlakuato ichan on fariseo, oyaj okiktik sen botella de tetl yejuan fino. On botella tentiaya ikan aceite ajuiyak.

San Lucas 7:38

Niman chika chokatikatka, onotlalij ikuitlapan Jesús nisiu ikxitlan, niman opeu kimpajpaka ikxiuan ikan ixayo. Kemaj okinuajuachilij ikan itson. No okintenkuaj* niman kemaj okintekilij on aceite ajuiyak.

San Lucas 7:40

Kemaj Jesús okijlij on fariseo: —Simón, nikpiya tlinon nimitsijlis. On fariseo* okijlij: —Temachtijketl, xnechijli.

San Juan 4:19

Niman ijkuak on siuatl ijkon okak, okijlij Jesús: —Señor, nejua nikita ika tejua titiotlajtojketl.

San Juan 7:12

Niman intsajlan on tlakamej miyekej tlajtlajtouayaj. Sekimej kijtouayaj: “Yejua sen kuajli tlakatl.” Pero oksekimej kijtouayaj: “Ka. Xkuajli tlakatl pampa kinkajkayaua on tlakamej.”

San Juan 9:24

Kemaj on hebreos* oksejpa okinotskej on tlakatl yejuan ciego katka, niman okijlijkej: —Xtechijli ixpan Dios tlen melauak. Tejuamej tikmatstokej ika on tlakatl tlajtlakolej.