San Lucas 7:22 - El Nuevo Testamento

²² Kemaj Jesús okinnankilij on inomachtijkauan* Juan: —Xuiyan niman xkijlikan Juan on tlen nemejuamej yonenkitakej niman yonenkakkej. Xtlajtlajtouilikan ika aman tlachaj on yejuan ciegos katkaj, niman on yejuan uilatsitsimej katkaj kistinemij, niman on yejuan palaniya innakayo pajtij, niman on yejuan tsatsamej katkaj tlakakij, niman on mikatsitsimej yoliuij* niman nokuiteuaj ipan intlalkon. Niman no xtlajtlajtouilikan ika on yejuan mayankej kakij on kuajli tlajtojli yejuan kiteijlia ken Dios temakixtia.

In yencuic iyectlajtoltzin Dios itech ica toTeco Jesucristo

²² Quemaj Jesús oquinnanquilij on inomachtijcahuan Juan: ―Xhuiyan niman xquijlican Juan on tlen nemejhuamej yonenquitaquej niman yonencaquej. Xtlajtlajtohuilican ica aman tlachaj on yejhuan ciegos catcaj, niman on yejhuan huilatzitzintin catcaj quistinemij, niman on yejhuan palaniyaj innacayo pajtij, niman on yejhuan nacastzatzamej catcaj tlacaquij, niman on yejhuan mimiquej yolihuij niman noquetztehuaj ipan intlalcon. Niman no xtlajtlajtohuilican ica on yejhuan mayanquej caquij on cuajli tlajtojli yejhuan quitemaca temaquixtilistli.

San Lucas 7:22 Iomraidhean Croise

San Mateo 11:5

Xtlajtlajtouilikan ika aman tlachaj on yejuan ciegos, niman ika on yejuan uilatsitsintin kistinemij, niman on yejuan kipiyayaj lepra* pajtij, niman on yejuan nakastsatsamej tlakakij, niman on yejuan mikatsitsimej yoliuij* niman noketsteuaj ipan intlalkon. Niman no xtlajtlajtouilikan ika on yejuan mayankej kakij on kuajli tlajtojli yejuan kiteijlia ken Dios temakixtia.

San Mateo 21:14

Chika Jesús nemiya ipan on ueyitiopan, sekimej ciegos niman koxomej okinisiuijkej, niman yejua okimpajtij.

San Lucas 4:18

On iEspíritu toTEKO nopan nemi, pampa onechkalaktij ipan notekiu para nikinmachistis on mayankej tlakamej on kuajli tlajtojli yejuan kiteijlia ken Dios temakixtia. Onechajtitlan nikimpaktis on yejuan noyolajmanaj, para nikintitis ika Dios uelis kinmanauis on yejuan Satanás yokinnoyaxkatijka, para nikiminmakas intlachalis on ciegos, niman para nikiminmanauis on yejuan tlajyouiyaj.

San Lucas 7:21

Sano ipan on tonaltin chika inomachtijkauan* Juan ompa nemiyaj, Jesús okimpajtij miyekej tlakamej de miyek kualolistin niman okinkixtilij on tlajyouilistin, niman ika on xkuajkualtin espíritus, niman no okinmakak tlachalistli miyekej yejuan ciegos.

San Lucas 7:23

Sanoyej tlatiochijtli yes on yejuan xkaman ometlamatis san nopampa.

San Juan 1:46

Kemaj Natanael okijtoj: —¿Intech on tlakamej yejuan chantij Nazaret uelis kisas se yejuan tepaleuis? Felipe okijlij: —Xuajla niman xkitaki.

Hechos 26:18

Nejua intech nimitstitlani para tikintitis on tlen melauak. Ijkon tej, tikintitis para xok yaskej ipan on ojtli yejuan kinuika para mikilistli, yej para uelis kajsiskej on ojtli yejuan kinuikas ipan temakixtilistli. No ijki tej, tikintitis para maka sa ma kinyekana ipoder on Satanás, yej ma kitokatiakan Dios. Ijkon tej, nochimej on yejuan nechneltokaj kiseliskej on tetlapojpoluilistli de on intlajtlakol niman sen chanyotl* intsajlan on yolchipajkej.”

Hechos 8:7

Ijkon tej, miyekej tlakamej yejuan kipiyayaj on xkuajkualtin espíritus kimpajtiaya niman on xkuajkualtin espíritus tsajtsiyaj chikauak ijkuak kisayaj impan on tlakamej. Niman miyekej on yejuan sepouiyaj niman uilatsitsintin pajtiaya.

Santiago 2:5

Notlajsojkaikniuan, xkakikan in: Dios okintlapejpenij on yejuan mayankej ipan in tlaltikpaktli para ma ricojtikan ikan tlaneltoktli, niman para nemiskej ne kampa Dios tlamandaroua ijkon ken okitlalij ipan ipromesa para on yejuan kitlajsojtlaj*.