San Lucas 7:13 - El Nuevo Testamento

¹³ Ijkuak toTEKO okitak on siuakaualtsintli, okiknelij*, niman okijlij: —Maka xchoka.

In yencuic iyectlajtoltzin Dios itech ica toTeco Jesucristo

¹³ Ijcuac on toTeco oquitac on sihuacahualtzintli, oquicnelij, niman oquijlij: ―Ma ca xchoca.

San Lucas 7:13 Iomraidhean Croise

San Marcos 8:2

—Nejua nikinmiknelia* in tlakamej, pampa ye kipiya yeyi tonajli ika nikan nouan nemij niman xkipiyaj tlinon kikuaskej.

San Lucas 10:1

Más sakin*, toTEKO okintlapejpenij 72 tlakamej, niman ojomemej okintitlan iyakapan ipan nochi kalpanmej kampaka yejua yaskia.

San Lucas 11:1

Se tonajli Jesús kichijtikatka oración. Niman ijkuak otlan, semej inomachtijkauan* okijlij: —NoTEKO, xtechmachti kenijki tikchiuaskej oración ijkon ken Juan okinmachtij inomachtijkauan*.

San Lucas 11:39

Pero toTEKO okijlij: —Nemejuamej fariseos* san tlapani nemochipauaj ken yakaj kichipaua san ikuitlapan on taza noso ikuitlapan on plato, pero ipan nemoyojlo nententokej ikan tlachtekilistli niman ika on tlen xkuajli nenkichiuaj.

San Lucas 12:42

Niman yejua okinankijlij: —¿Akinon on tekitketl yejuan nochipa kitlakamati iteko, niman kuajli tlanemilia, niman yejuan iteko kimaktilia ifamilias, niman on oksekimej itekitkauan para kinmaka tlen kimpoloua ijkuak noneki kiseliskej?

San Lucas 13:15

Kemaj toTEKO okijlij: —Omexayakyejkej, cada se nemejuamej kitojtoma iuakax noso ipoloko* ipan on tonajli sábado niman kuika konatlitia.

San Lucas 17:5

On apóstoles* okijlijkej toTEKO: —Xtechpaleui más ma titlaneltokakan.

San Lucas 17:6

Kemaj toTEKO okinmijlij: —Tla nenkipiyaskiaj nemotlaneltok, maski sanoyej* pitentsin ken on ixinachyo mostaza, ueliskia nenkijliskiaj in kojtli* sicómoro: “Xmouiuitla nikan niman xmotokati ipan mar”, niman on kojtli* mechtlakamatiskia.

San Lucas 18:6

Niman toTEKO okijtoj: —Xkakikan on tlen okijtoj on xkuajli juez teyolkuitijketl.

San Lucas 19:8

Kemaj Zaqueo ouajnotelkets niman okijlij toTEKO: —Xkita noTEKO, on tlen nikpiya tlajkotipan nikinmakas on yejuan mayankej. Niman tla yakaj onikajkayajka para ouel oniktlachtekilij, nikuepilis naupa ichkich de on kech onikichtekilijka.

San Lucas 22:61

Kemaj toTEKO onomalakachoj niman okontak Pedro. Ijkuakon Pedro okelnamik on tlen yejua yokijlijka: “Sano aman ijkuak xe tsajtsi on kaxtil* tejua tikijtos yexpa ika xtinechixmati.”

San Lucas 24:3

Yejuamej okalakitoj ijtik on tlalkontli, pero xokinextijkej itlalnakayo Jesús.

San Lucas 24:34

On majtlaktli uan se apóstoles* okijtojkej: —Melauak tej, toTEKO yoyoliu* niman yonokuiteu ipan itlalkon. Niman Simón yokitak.

San Lucas 7:12

Ijkuak ye kinisiuijtiayaj ikalakiyan on kalpan, okitak ika kuikayaj kontokaskej sen mikatsintli. Yejua san ika nochi katka tekoneu itech sen siuakaualtsintli*. Miyek tlakatl yejuan chanejkej ipan on kalpan uajlayaj iuan.

San Lucas 7:14

Kemaj Jesús okinnisiuij niman okimatokak on caja, niman on yejuan kechpanojtiayaj onoteltijkej. Niman Jesús okijlij on mikatsintli: —Telpochtli, nejua nimitsijlia: ¡Xmokuiteua!

San Lucas 7:19

niman okintitlan itech Jesús para okitlajtoltitoj tla yejua melauak Cristo yejuan ye onkatka para uajlas, noso yej kichaskej okse.

San Lucas 8:52

Nochimej kichokilijtikatkaj niman najmantikatkaj ipampa on ichpokatsin. Pero Jesús okinmijlij: —Maka xchokilikan. In ichpokakonetl xmiki, yej san kochtikaj.

San Juan 11:2

(In María yejua okitekilijka toTEKO on ajuiyalistli itoka nardo ipan ikxiuan niman okinuajuats ikan itson. Yejua ikniu katka Lázaro yejuan kualouaya.)

San Juan 11:3

On omemej siuamej iknijtin otlatitlankej ijkin ma kijlitij Jesús: —ToTEKO, motejtlajsokaikniu* kualo.

San Juan 20:13

Niman on ángeles okitlajtoltijkej: —Siuatl, ¿tline* tichoka? Yejua okinmijlij: —Pampa yokejkuanijkej noTEKO niman xnikmati kanon okauatoj.

San Juan 20:15

Kemaj Jesús okitlajtoltij: —Siuatl, ¿tline tichokatikaj? ¿Akinon tiktejtemoua? Yejua kinemiliaya ika on akin okinots, on yejuan kijtlapiya on kojtlakijloj. Yejua ika okijlij: —Señor, tla tejua otikuikak, xnechijli kanon otikauato para nejua nikonanas.

San Juan 4:1

On fariseos* okimatkej ika Jesús kimpiyaya más inomachtijkauan* niman más tlakuatekiyaya xken Juan.

San Juan 6:23

Pero saniman oyejkokej sekimej barcos yejuan oualejkej ipan on ueyikalpan itoka Tiberias. Yejuamej oyejkokej ne kampa nisiu okuajkej on pan ijkuak toTEKO okimakak tlaxtlauijli Dios.

1 Corintios 7:30

On yejuan najmanaj, ma nemikan ken xnajmanaskiaj, niman on yejuan pakij, ma nemikan ken xpakiskiaj, niman on yejuan tlakouaj, ma nemikan ken xinyaxka* yeskia on tlen kikouaj.

1 Tesalonicenses 4:13

Nokniuan, tiknekij xmatikan tlinon impan nochiua on mikatsitsimej para maka xmajmanakan ken oksekimej yejuan xkipiyaj tlamachalistli*.

Hebreos 2:17

Yejua ika tej, ika onkatka para nochiuas tlakatl no ijki ken on itlaltikpakikniuan. Ijkon okichiu para ouel onochiu sen ueyi tlayekanki tiopixki yejuan teiknelia niman kichiua nochi ken kitocaroua ixpan Dios. Yejua ijkon onochiu ueyi tlayekanki tiopixki para onouentlalij impampa intlajtlakoluan on tlakamej.

Hebreos 4:15

Tikpiyaj sen ueyi tlayekanki tiopixki yejuan ueli techiknelia ijkuak xtikojtikej, pampa sano yejua okipix miyek tetlatlatalistli no ijki ken tejuamej tikpiyaj miyek tetlatlatalistli para ma titlajtlakokan. Pero yejua xkaman otlajtlakoj.