San Lucas 6:23 - El Nuevo Testamento

²³ Ijkuak ijkon nochiuas, sanoyej xpakikan niman xtemikan ikan pakilistli, pampa ne iluikak nenkiseliskej sen ueyi tlaxtlauijli. Xkelnamikikan ika inachtojtajuan no ijki okinchiuilijkej on tiotlajtojkej.

In yencuic iyectlajtoltzin Dios itech ica toTeco Jesucristo

²³ Ijcuac ijcon nochihuas sanoyej xmopactican niman xtemican ican paquilistli, pampa ne ilhuicac nenquiselisquej se hueyi tlaxtlahuijli. On inachtojtajhuan no ijqui oquinchihuilijquej on tiotlajtojquej.

San Lucas 6:23 Iomraidhean Croise

San Mateo 5:12

Ijkuak ijkon mechchiuiliskej, xpakikan niman xnemikan ikan paktli, pampa ne iluikak nenkiseliskej sen ueyi tetlayokolijli*. No ijki, okintlauelitakej niman tlajtlamach* ika okintlajyouiltijkej* on tiotlajtojkej yejuan onemikoj yeuejkaui ijkuak xe nennemiyaj.

San Lucas 1:41

Niman ijkuak Elisabet okak itetlajpalol María, on ikonetsin onolinij ijtik, niman on Espíritu Santo okiyolten Elisabet.

San Lucas 1:44

Nimantsin ijkuak otinechtlajpaloj, nokonetsin onolinij ikan paktli nikan nojtik.

San Lucas 6:35

Pero nemejuamej xkimintlajsojtlakan on yejuan mechtlauelitaj niman xkinchiuilikan on tlen kuajli. Niman itlaj xkimintlanejtikan pero maka nenkichaskej itlaj intech nenkiseliskej. Tla ijkon nenkichiuaskej, nenkipiyaskej sen ueyi tetlayokolijli*, niman nemejuamej nentekoneuan yeskej itech Dios yejuan más ueyixtikaj, pampa yejua yolyemanki* intech on yejuan xitlaj* kitlajsojkamatij niman intech on yejuan xkuajkualtin tlakamej.

Hechos 14:10

Kemaj Pablo okijlij ikan chikauak tlajtojli: —Xmokuiteua niman xmomelajkatelketsa. Kemaj on koxo otsikuin niman opeu nejnemi.

Hechos 3:8

Kemaj on uilatsin otsikuin, niman ijkuak onotelkets, opeu nejnemi. Kemaj inuan Pedro niman Juan okalak ne ipan on ueyitiopan, nejnentiaya, niman tsikuintiaya niman kiyektenejtiaya Dios.

Hechos 5:41

On apóstoles* ouajkiskej ne imixpan on más uejueyi tekiuajkej ipan on Sanedrín* ikan paktli, pampa Dios okinkauilij okimpijpinauijkej pampa kineltokayaj Jesús.

Romanos 5:3

Niman xsan ika on tipakij, yej no tipakij ijkuak tlamach tikijyouiyaj pampa on tlajyouilistli techpaleuiyaj para tikxikouaj nochi tlen topan nochiua.

2 Corintios 12:10

Nejua nipaki maski xnikojtik, niman nechuijuikaltiaj, niman nechpoloua tlajtlamach*, niman nechtlaueltokatinemij, niman nikijyouiya miyek tlajtlamach* ipampa Cristo. Ijkin tej, nipaki pampa ijkuak más xnikojtik, Cristo nechmaka ipoder.

Colosenses 1:24

Aman sanoyej nipaki ika on tlen nemopampa nikijyouiya. Aman ikan notlalnakayo nikajxitijtias on tlajyouilistli yejuan kijyouiya Cristo impampa on tlaneltokakej yejuan nochiuaj itiopan.

2 Timoteo 2:12

Tla titlajyouiskej, no tiueliskej titlamandaroskej iuan Cristo. Tla tiknenekiskej* Cristo, yejua no technenekis.

Hebreos 11:26

Yejua kimatstikatka ika más ueyi kijtosneki para kijyouis on tlauejli ipampa Cristo xken tla kipiyaskia nochi on iriqueza Egipto. Ijkin okinemilij pampa yejua okimat ika Dios kitiochiuas.

Hebreos 11:6

Pero Dios xuelis tikpaktiskej tla xitech tikpiyaj totlaneltok, pampa para se uelis kinisiuis, ika onkaj kineltokas ika yejua melauak nemi, niman ika Dios kintiochiuas on yejuan melauak kitejtemouaj.

Santiago 1:2

Nokniuan, xpakikan sanoyej* ijkuak nemejuamej nenkijyouiyaj tlajtlamach* pajsolouilistli

1 Pedro 4:13

Yej, xpakikan ika no nenkipiyaj seki itlajyouilis Cristo para no más sanoyej nempakiskej ijkuak yejua nopanextis iueyilis.

El Apocalipsis 2:17

Xpiyakan cuidado on tlen on Espíritu Santo kinmijlia on tlaneltokakej. On yejuan tetlaniskej nikinmakas ma kuakan on maná yejuan iyantikaj. Niman no nikinmakas sen tetsintli istak kampa tlajkuilolnestias sen yenkuik tokayotl yejuan xakaj kixmatis, yej san on yejuan kiselia kixmatis.”

El Apocalipsis 2:26

On yejuan tetlaniskej niman nochi innemilis nechtlakamatiskej, nikinmakas tekiuajyotl para kinmandaroskej nochi países,

El Apocalipsis 2:7

Xpiyakan cuidado on tlen on Espíritu Santo kinmijlia on tlaneltokakej. On yejuan tetlantiskej nikinkauilis ma kikuakan itlakijlo on kojtlakijlotl yejuan onkaj iluikak kampa nemi Dios. On tlakijlotl kitemaka nemilistli para nochipa.”

El Apocalipsis 21:7

Yejuan tetlanis ipan nochi on tlen xkuajli kiselis sen herencia de nochi on tlen kuajli. Nejua niiDios yes, niman yejua nokoneu yes.

El Apocalipsis 3:12

Yejuan tetlaniskej, nikintlalis para uejueyixtiaskej ken pilares ipan itiopan noDios. Yejuamej tej, xkaman nejkuaniskej ompa. Niman impan nikijkuilos itoka noDios niman itoka on ueyikalpan yejuan iyaxka* noDios. On ueyikalpan sano yejua on yenkuik Jerusalén yejuan ualejtikaj iluikak itech Dios. Niman no impan nikijkuilos noyenkuik tokatsin.

El Apocalipsis 3:5

Yejuan tetlaniskej, tlakemejkej yeskej ikan istak tlakentli*. Xnikintokayopopolos ipan on amamoxtli yejuan kijtoua akinomej kipiyaj on yenkuik nemilistli para nochipa, yej nikintokayoteneuas ne ixpan noTajtsin niman imixpan on ángeles.