San Lucas 6:12 - El Nuevo Testamento

¹² Ipan on tonajli Jesús otepetlejkok para okichiuato oración. Niman ne ipan on tepetl nochi tlayoua okichiu oración itech Dios.

In yencuic iyectlajtoltzin Dios itech ica toTeco Jesucristo

¹² Ipan on tonajli Jesús otepetlejcoc para quichihuas oración. Niman ne ipan on tepetl nochi tlayohua oquichiu oración itech Dios.

San Lucas 6:12 Iomraidhean Croise

San Mateo 5:1

Ijkuak Jesús okintak nochimej on tlakamej, otlejkok ipan sen tepetl niman ompa onotlalij. Kemaj on inomachtijkauan* ompa iyeualkan onosentlalijkej.

San Mateo 6:6

Pero ijkuak nemejuamej nenkichiuaskej oración, xkalakikan nemokaliltik, xtsakuakan nemotsakuijlou*, niman ompa xkichtakachiuakan nemooración itech nemoTajtsin. Niman nemoTajtsin, yejuan kita tlinon nenkichtakachiuaj, mechmakas nemotlayokolil yejuan nochimej kimatiskej.

San Marcos 1:35

Uajmostla uelipan, ijkuak sanken* tlayouatok katka, Jesús onokuiteu, niman okis de on kalpan, niman oyaj sekan kampaka xakaj nemi. Ompa okichiuato oración.

San Marcos 3:13

Kemaj Jesús otlejkok ipan sen tepetl niman oksejkan okinuajnots sekimej yejuamej yejua okinek. Niman yejuamej oyajkej itech.

San Marcos 6:46

Más sakin*, ijkuak yokintitlan on tlakamej, yejua otlejkok ipan sen tepetl, niman ompa okichiu oración.

San Lucas 5:16

Pero Jesús miyekpa kintlalkauiyaya on tlakamej niman yaya ne kampa xakaj nemi para ompa kichiuaya oración.

San Lucas 6:11

Pero yejuamej sanoyej* okualankej, niman opeu notlajtoltiaj tlinon uelis kichiuiliskej Jesús.

San Lucas 6:17

Jesús iuan inomachtijkauan* ouajtemok de ipan on tepetl, niman onoteltij ipan sen ixtlauatl. Niman ompa nemiyaj miyekej inomachtijkauan niman tlakamej yejuan chanejkej nochiuiyan ne Judea, niman on ueyikalpan Jerusalén niman ipan on ueyikalpanmej de Tiro niman de Sidón yejuan onkaj itenko on mar. Yejuamej ompa oyajkej para okakitoj Jesús niman para itech okimpajtitoj inkualolis.

San Lucas 9:18

Se tonajli ijkuak Jesús iselti kichijtikatka oración, niman on inomachtijkauan* ompa iuan nemiyaj, okintlajtoltij: —On tlakamej, ¿ken kijtouaj akin nejua?

San Lucas 9:28

Kanaj ipan chikueyi tonajli más sakin* ika ijkon okijtojka, Jesús okinuikak Pedro, Santiago niman Juan niman otlejkok ipan sen tepetl para okichiuato oración.

San Lucas 9:29

Niman chika Jesús kichijtikatka oración, onixpatlak niman on itlaken sanoyej oistayak niman opetlan.

San Juan 6:3

Kemaj Jesús otlejkok ipan sen tepetl niman ompa onotlalij iuan inomachtijkauan*.

Colosenses 4:2

Xchiuakan oración, niman ipan nemooración kuajli xpiyakan nemotlamachilis. Niman maka xkelkauakan para nenkimakaskej tlaxtlauijli Dios.

Hebreos 5:7

Ijkuak Cristo nemiya nikan ipan itlalnakayo, okichiu oraciones niman onoueyikatsajtsilij itech Dios. Yejua ikan chikauak itlajtol niman ikan ixayo, okinots Dios yejuan ueliskia kimanauiskia ipan on mikilistli. Niman Dios okak on tlen Cristo okijlij, pampa Cristo yolyemanki* katka niman kitlakaitaya Dios.