San Lucas 4:16 - El Nuevo Testamento

¹⁶ Kemaj Jesús oyaj ipan on kalpan Nazaret kampa onoskaltij. Niman ipan on tonajli sábado, okalak ipan on sinagoga ijkon ken yejua nochipa kichiuaya. Ne ipan on tiopan onotelkets para okinomachtij on Yektlajkuilojli.

In yencuic iyectlajtoltzin Dios itech ica toTeco Jesucristo

¹⁶ Quemaj Jesús oyaj ne ipan on pueblo de Nazaret campa onoscaltij. Niman ipan on tonajli ijcuac on hebreos nosehuiaj, ocalac ipan on tiopan ijcon quen yejhua nochipa quichihuaya. Ne ipan on tiopan onotelquetz para oquinomachtij on Yectlajcuilojli

San Lucas 4:16 Iomraidhean Croise

San Mateo 2:23

Ijkuak ompa oajsikej, ochantitoj ipan on kalpan itoka Nazaret. Yejua in onochiu san para onocumpliroj on tlen okijtojka on tiotlajtojketl ijkuak okijkuiloj ika Jesús kitokayotiskej nazareno.

San Lucas 2:39

Kemaj ijkuak José niman María yokichijkej nochi on tlen tlanauatia itlanauatil toTEKO, onokuepkej para oyajkej ipan on inkalpan Nazaret yejuan onkaj ne ipan iueyitlalpan Galilea.

San Lucas 2:42

Niman ijkuak Jesús okajxitij majtlaktli uan ome xipan, oyajkej Jerusalén ijkon ken nouikayaj.

San Lucas 2:51

Kemaj, inuan onokuepkej para Nazaret, niman yejua kintlakamatiya. Niman inanaj kejeuaya ipan iyojlo nochi on tlajtlamach* yejuan nochiuaya.

San Lucas 4:15

Yejua temachtiaya ipan on sinagogas* niman nochi tlakatl kiueyiliaya.

San Lucas 4:17

Okimakakej on amamoxtli* yejuan on tiotlajtojketl Isaías okijkuilojka. Niman ijkuak okitlapoj, okinextij on kampa tlajkuilolnestikaj:

San Lucas 4:21

Kemaj yejua opeu ijkin kijtoua: —Amantsin nikan nemixpan onocumpliroj on tlen kijtoua in Yektlajkuilojli.

San Lucas 4:23

Jesús okinmijlij: —Niman nikmati ika nennechijlisnekij in tlajtojli: “Tepajtijketl, sano tejua xmopajti.” Niman no nennechijlisnekij: “On tlen otechmachistijkej ika otikchiu ne Capernaúm, no ijki xchiua nikan ipan in kalpan kampa otimoskaltij.”

San Juan 18:20

Jesús okinmijlij: —Nejua onitlajtlajtoj ixpan nochi tlakatl. Nochipa nitemachtiaya ipan on sinagogas* niman ipan on ueyitiopan kampa nosentlaliaj nochimej on hebreos*. Ijkon tej, xitlaj* san onikichtakaijtoj.

Hechos 17:2

Pablo, ijkon ken nochipa kichiuani, oyaj ipan on sinagoga, niman yeyi sábados otlajtlajtoj inuan on tlakamej.