San Lucas 3:11 - El Nuevo Testamento

¹¹ Juan okinmijlij: —On yejuan kipiya ome itlaken, noneki se kimakas on yejuan xitlaj* kipiya, niman on yejuan kipiya tlen kikuas, noneki seki kimakas on yejuan xkipiya.

In yencuic iyectlajtoltzin Dios itech ica toTeco Jesucristo

¹¹ Juan oquimijlij: ―On yejhuan quipia ome itlaquen, nonequi se quimacas on yejhuan xitlaj quipia, niman on yejhuan quipia tlen cuas, nonequi sequi quimacas on yejhuan xquipia.

San Lucas 3:11 Iomraidhean Croise

San Mateo 25:40

Niman nejua yejuan niRey nikimijlis: “Ika tlen melauak nemechijlia ika ijkon ken onenkimpaleuijkej in nokniuan yejuan xuejueyixtokej niman mayankej, sano nejua onennechpaleuijkej.”

San Lucas 11:41

Pero xkinmakakan tetlayokolijli* on mayankej niman nemokauaskej nochi chipauak hasta nemoyojlo.

San Lucas 18:22

Ijkuak Jesús ijkon okak, okijlij: —Sa se mitspoloua tikchiuas. Xuiya mochan niman xnamaka nochi tlen tikpiya niman on tomin xkinmaka on mayankej. Tla ijkon tikchiuas, tikpiyas riquezas ne iluikak. Niman kemaj xuajla niman nouan xuiya.

San Lucas 19:8

Kemaj Zaqueo ouajnotelkets niman okijlij toTEKO: —Xkita noTEKO, on tlen nikpiya tlajkotipan nikinmakas on yejuan mayankej. Niman tla yakaj onikajkayajka para ouel oniktlachtekilij, nikuepilis naupa ichkich de on kech onikichtekilijka.

San Juan 13:29

Judas kipiyaya on bolsa kampa kejeuaj tomin. Yejua ika, sekimej okinemilijkej ika Jesús kijliaya itlaj ma kouati yejuan kitekitiltiskej ipan on iluitl, noso itlaj ma kinmaka on mayankej.

Hechos 10:2

Cornelio kitlakaitaya Dios niman san sekan iuan nochi ifamilia kimauistiliayaj Dios ikan nochi inyojlo. No kitemakaya miyek tomin para kimpaleuiyaya on hebreos* mayankej, niman nochipa okichiuaya oración itech Dios.

Hechos 10:31

Niman onechijlij: “Cornelio, Dios yokiselij mooración, niman yokitak on tlen tejua tiktetlayokolia para tikimpaleuiya yejuan mayankej.

Hechos 10:4

Cornelio okimojkaitak on ángel, niman okitlajtoltij: —¿Tlinon Señor? Niman on ángel okijlij: —Dios yokinkak mooraciones niman okitak on tlen tiktetlayokolia para tikimpaleuiyaj on yejuan mayankej. Ijkon tej, yomitselnamik.

Efesios 4:28

Yejuan tlachtekiya, maka sa ma tlachteki, niman ma peua tekiti. Niman ma kichiua sen tekitl yejuan kuajli para ma kipiya tlinon kinmakas on yejuan mayankej.

1 Timoteo 6:17

On yejuan kipiyaj miyek tlajtlamach* nikan tlaltikpak, xkinnauati maka ma noueyimatikan, nion ma kitlalikan inyojlo itech on miyek tlen kipiyaj, pampa on san panos. Más kuajli tla yej itech Dios kitlaliskej inyojlo. Yejua yoltikaj niman techmakatikaj nochi tlen ika tompanotokej para kuajli tinemij.

1 Timoteo 6:18

Xtlanauati ma kichiuakan tlen kuajli, ma nochiuakan ricos ikan nochi kuajli tekitl niman ma kipiyakan inyojlo para kitemakaskej niman kitexelouiliskej on tlen kipiyaj.

Hebreos 6:10

Dios yolmelajki. Yejua xkelkauas nemotekiu nion on tetlajsojtlalistli* yejuan onenkititijkej ijkuak onenkimpaleuijkej on tlaneltokakej, niman hasta aman nenkimpaleuiyaj.

Santiago 1:27

On tlaneltoktli yejuan xkipiya ijtlakauilistli, yej kipiya chipaualistli ixpan Dios, kijtosneki ika on tlakatl kimpaleuis iknomej niman siuakaualtsitsimej* ika on tlen kimpoloua, niman xkichiuas on tlen xkuajli yejuan kichiuaj on tlaltikpaktlakamej.

Santiago 2:14

Nokniuan, ¿tlinon ika kipaleuis sen tlakatl tla noteneua kineltoka Cristo, pero xkichiua on tlen kuajli? ¿Uelis kimakixtis itlaneltok in tlakatl tla ijkin tlaneltoka? ¡Melauak ika ka!

1 Juan 3:17

On yejuan kipiya riquezas niman kitas sen ikniu itlaj kipoloua, niman yejua xkiknelis, ¿kenijki uelis kijtos ika kipiya tetlajsojtlalistli* ixpan Dios?

1 Juan 4:20

Tla yakaj kijtoua: “Nejua niktlajsojtla* Dios”, pero kitlauelita ikniu, yejua kijtoua on tlen xmelauak, pampa tla se xkitlajsojtla ikniu yejuan kita, no xkitlajsojtla Dios yejuan xkita.