San Lucas 24:44 - El Nuevo Testamento

⁴⁴ Kemaj okinmijlij: —Ijkuak sanken* nemouan ninemiya, onemechijlij ijkin: Ika onkaj nocumpliros nochi on tlen noka tlajkuilolnestikaj ipan itlanauatil Moisés niman ipan intlajkuilol on tiotlajtojkej niman ipan on salmos.

In yencuic iyectlajtoltzin Dios itech ica toTeco Jesucristo

⁴⁴ Quemaj oquimijlij: ―Ijcuac oc nemohuan ninemiya, onemechijlij ijquin: Ica oncaj tenquisas nochi on tlen noca tlajcuilolnesticaj ipan itlanahuatil Moisés niman ipan intlajcuilol on ocsequimej tiotlajtojquej niman on salmos.

San Lucas 24:44 Iomraidhean Croise

San Mateo 1:22

Nochi in onochiu para onocumpliroj on tlen toTEKO okijtojka itechkopa on tiotlajtojketl.

San Mateo 16:21

Desde ijkuakon Jesús opeu kintlajtlajtouilia inomachtijkauan* ika yejua, ika onkaj yas Jerusalén, niman ika ompa, on tlajtlajmatkej* niman on tlayekankej tiopixkej niman on temachtijkej ikan tlanauatijli, kitlajyouiltiskej ikan miyek tlajtlamach*. Niman okinmijlij ika yejua kimiktiskej, pero ipan yeyi tonajli yoliuis* niman nokuiteuas ipan itlalkon.

San Mateo 26:54

Pero tla ijkon nikchiuaskia, ¿kenijki nochiuas on tlen kijtoua on Yektlajkuilojli kampa kijtoua ika ye ijki onkaj para ijkin nochiuas?

San Mateo 26:56

Pero nochi in nochiua para nocumpliros on tlen okijtojkej on tiotlajtojkej ipan on Yektlajkuilojli. Kemaj nochimej on nomachtijkej* ontlatlaksakej, niman sa iselti okajtejkej Jesús.

San Marcos 9:31

pampa kinmachtiaya inomachtijkauan*, niman ijkin kinmachtiaya: —Nejua yejuan oninochiu Tlakatl nechtemaktiliskej intech on tlakamej niman nechmiktiskej, pero ipan yeyi tonajli niyoliuis* niman ninoketsteuas ipan notlalkon.

San Lucas 21:22

Ijkon xchiuakan, pampa ipan on tonajli onyas castigo. Ijkuakon, nocumpliros nochi tlen tlajkuilolnestikaj ipan on Yektlajkuilojli.

San Lucas 22:37

Pampa nejua nemechijlia ika on tlen noka tlajkuilolnestikaj ipan on Yektlajkuilojli ika onkaj nochiuas. On Yektlajkuilojli ijkin kijtoua: “Inuan xkuajkualtin tlakamej okipojkej.” Nochi tej, tlen noka tlajkuilolnestikaj nocumpliros.

San Lucas 24:46

Ijkin okinmijlij: —Ijkin tlajkuilolnestikaj, ika Cristo ika onkatka mikis, niman ipan yeyi tonajli yoliuis* niman nokuiteuas ne ipan itlalkon.

San Lucas 9:22

Niman okinmijlij: —Nejua yejuan oninochiu Tlakatl ika onkaj nikijyouis miyek tlajtlamach*. On ueuetkej tlayekankej niman intlayekankauan on tiopixkej niman on temachtijkej ikan itlanauatil Dios xnechseliskej. Nechmiktiskej, pero ipan yeyi tonajli niyoliuis* niman ninokuiteuas ipan notlalkon.

San Lucas 9:44

—Kuajli xkakikan in, niman maka xkelkauakan. Nejua yejuan oninochiu Tlakatl nechtemaktiliskej intech on tlakamej.

San Juan 3:14

Niman ijkon ken Moisés okipiloj on kouatl ipan kojtli* ne kampa xalpatlajkan, ika onkaj no ijki nechajkopiloskej nejua yejuan oninochiu Tlakatl,

San Juan 5:39

Nemejuamej nenkitlakuijkuiliaj ikan miyek cuidado on Yektlajkuilojli, pampa nenkinemiliaj ika nenkinextiskej nemilistli yejuan para nochipa ipan on Yektlajkuilojli. Pero maski on Yektlajkuilojli mechnojnotsa noka nejua,

San Juan 5:46

Tla nemejuamej melauak nenkineltokaskiaj on tlen okijtoj Moisés, no nennechneltokaskiaj, pampa yejua otlajkuiloj noka nejua.

Hechos 13:33

Aman yocumpliroj ipromesa para tejuamej yejuan tiinuejkakoneuan. In onochiu ijkuak okiyoliuitij* niman okuiteu Jesús ne ipan itlalkon. Ijkon onochiu ken tlajkuilolnestikaj ipan on ika ome salmo: “Tejua tinoKoneu niman aman on tlakamej kimatiskej ika tejua tinoKoneu.”

Hechos 13:40

Xmotakan sano nemejuamej. Maka tej, nemopan nochiuas on tlen okijkuilojkej on tiotlajtojkej ijkuak ijkin okijtojkej:

Hechos 2:27

pampa xtikauilis noalma nokauas ne miktlan, nion xtikauilis itlalnakayo moyolchipajkatekitkau para ma ijtlakaui.

Hechos 3:18

Pero ijkin Dios okichiu on tlen ye uejkaui nochi on kech tiotlajtojkej okijtojkaj nochiuas. Nochimej yejuamej okijtojkej ika Cristo ikoneu Dios tlajyouis.

Hechos 7:37

Moisés sano yejua okinmijlijka on hebreos*: “Dios mechajtitlanilis sen tiotlajtojketl yejuan sano nemotsajlan kisas ijkon ken nejua onechajtitlan. Yejua xkakikan tlinon yejua mechijlis.”

Hebreos 10:1

Itlanauatil Moisés san kixneskayotia* on tlen kuajli tlajtlamach* onyas, pero xejua on yejuan melauak yes. Yejua ika tej, on tlanauatijli xkaman ueli kinyolchipaua on yejuan kinisiuiyaj Dios itechkopa on uentin, yejuan cada xipan kiuentiaj sano yejua.

Hebreos 3:5

Moisés sen kuajli tekichijketl katka. Nochi okichiu ken kitocaroua ipan on itekiu yejuan Dios okimakak intech on hebreos*. Yejua itekiu katka para kinmachistiaya de on tlajtlamach* yejuan Dios más sakin* kimijlis.

Hebreos 7:1

Yejua Melquisedec rey katka ipan on ueyikalpan itoka Salem niman no tiopixki katka itech on Más Ueyixtikaj Dios. Ijkuak Abraham ouajnokuepato ipan on nouijsokilistli kampa okintlanito on reyes, Melquisedec okinamikito niman okitiochiu.

Hebreos 9:8

Yejua ika, on Espíritu Santo techititia ika chika kitekitiltiayaj on achtoj tabernáculo, on ojtli sanken* xtlapojtikatka yejuan ika ajsilos ne kampa Más Tlayekkan.

1 Pedro 1:11

Ijkuak on Espíritu yejuan Cristo okinmakak okintitij on tlen Cristo kijyouis niman sakin* kipiyas ueyilistli, yejuamej kinekiyaj kimatiskej akinonon Cristo, niman kamanon nochiuas.

El Apocalipsis 19:10

Ijkuak yejua onechijlij in, oninotlakuantelkets ikxitlan on ángel para nikmauistiliskia, pero yejua onechijlij: “Maka ijkon xchiua. Nejua tej, san niitekichiuilijkau Dios, sano ijki ken tejua niman mokniuan yejuan melajkanemij ipan on tlen melauak yejuan Jesús otemachtij. Tejua san Dios xmauistili.” Yejua on tej, tlen melauak yejuan Jesús otemachtij, yejua kintlamachilistia* on tiotlajtojkej.