San Lucas 23:5 - El Nuevo Testamento

⁵ Pero yejuamej más notenkojtiliayaj para más okiteixpanuijkej: —Ikan itlamachtil kajkomantinemi nochi tlakatl chanej* Judea. Ouajpeu ne Galilea, niman aman hasta nikan yoyejkok.

In yencuic iyectlajtoltzin Dios itech ica toTeco Jesucristo

⁵ Pero yejhuamej más notencojtiliayaj para ipan más oquiteixpanhuijquej: ―Ican itlamachtil quimajcomantinemi nochi tlacatl chanej Judea. Ohuajpeu ne Galilea, niman aman hasta nanica yotlamico.

San Lucas 23:5 Iomraidhean Croise

San Mateo 11:1

Ijkuak Jesús otlan kinnajnauatia on majtlaktli uan ome inomachtijkauan*, onejkuanij ompa, niman oyaj para otemachtito niman otenojnotsato ne ipan ikalpanuan on región de Galilea.

San Mateo 2:1

Ijkuak Herodes rey katka, Jesús otlakat ne ipan on kalpan itoka Belén yejuan onkaj ne Judea. Niman más sakin*, oyejkokej ne ipan on ueyikalpan itoka Jerusalén sekimej tlakamej yejuan magos. Yejuamej oualejkej ipan on país yejuan nokaua neka ikisayan tonaltsintli.

San Mateo 27:24

Ijkuak Pilato okitak ika xuelis kimanauis Jesús, yej más najkomanayaj on tlakamej, otlanauatij ma kuilitij atl. Niman kemaj onomajtekij imixpan nochimej on tlakamej, niman okinmijlij: —Nejua xnikpiyas tlajtlakojli tla mikis in yolchipauak tlakatl. Ompa xkitilikan.

San Mateo 4:23

Jesús nochiuiyan panotiaya on región de Galilea, niman temachtijtiaya ipan on sinagogas*. Yejua kiteijlijtiaya on kuajli tlajtojli ika Dios saniman peuas tlamandaros. Yejua no kipajtijtiaya nochi tlajtlamach* kualolistli niman kokolistli* yejuan on tlakamej kipiyayaj.

San Marcos 1:14

Kemaj ijkuak Juan yokitsakukej, Jesús oajsik Galilea kampa kitemachtiaya on kuajli tlajtojli yejuan kiteijlia ken Dios temakixtia.

San Lucas 11:53

Ijkuak Jesús otlan kinmijlia in tlajtlamach*, on temachtijkej ikan itlanauatil Dios niman on fariseos* sanoyej okualankej niman opejkej kixnamikij niman sa tlajtlamach* kitlajtoltiayaj.

San Lucas 23:23

Pero yejuamej onotenkojtilijkej niman otlanauatijkej ma kajkopilokan. San seknek sanoyej otsajtsikej inuan intlayekankauan on tiopixkej, niman tlen okinekej ma nochiua, onochiu.

San Lucas 23:6

Ijkuak Pilato ijkon okak, otlajtlan tla Jesús chanej* Galilea.

San Juan 1:43

Uajmostla Jesús okitoj para yas Galilea. Niman ijkuak okinextij Felipe, okijlij: —Xuajla nouan.

San Juan 19:15

Pero yejuamej otsajtsikej: —¡Ma miki! ¡Ma miki! ¡Xkajkopilo! Pilato okinmijlij: —¿Tla ijkon, nenkinekij ma nikajkopilo nemoRey? Pero on tlayekankej tiopixkej okijlijkej: —Tejuamej xtikpiyaj okse rey. Yej, César san yejua torey.

San Juan 2:11

Yejua in tlen Jesús okichiu ne Caná de Galilea, yejua iachtoj milagro yejuan okiteititij iueyilis, niman on inomachtijkauan* okineltokakej.

San Juan 7:41

Niman sekimej kijtouayaj: —In yejua Cristo yejuan Dios okitlalij para tlamandaros. Pero oksekimej okijtojkej: —In xejua Cristo pampa Cristo xualeuas Galilea.

San Juan 7:52

Kemaj okijlijkej: —¿Tejua no tiualeua ne Galilea? Xmomachti on Yektlajkuilojli, niman tikitas ika Galilea xkaman ualeuaj tiotlajtojkej.

Hechos 10:37

Nemejuamej kuajli nenkimatstokej tlinon onochiu nochiuiyan ne ipan iueyitlalpan Judea. Ouajpeu ipan iueyitlalpan Galilea, sakin* ijkuak Juan yotemachtij niman yotlakuatekij.

Hechos 23:10

Niman ika más sanoyej notenkuikuiyaj, on más ueyi soldadojtlayekanki onomojtij niman kuitiaya kojkokoskej Pablo. Yejua ika, yejua okintekuitlan on soldados para konkixtiskej Pablo intsajlan on tlakamej niman kuiskakej ipan on ueyi tepankajli kampa on soldados chantij.

Hechos 5:33

Ijkuak on más uejueyi tekiuajkej ipan on Sanedrín* ijkon okakkej, sanoyej kualaniyaj hasta kinekiliayaj para kinmiktiskej on apóstoles*.

Hechos 7:54

Ijkuak yejuamej okakkej on tlajtlamach*, sanoyej okualankej ipan inyojlo itechkopa Esteban, hasta notlantisiyaj ikan intlauel.

Hechos 7:57

Kemaj yejuamej ononakastsajtsakukej niman chikauak otsajtsikej niman kemaj nochimej san sekan ipan oyajkej.