San Lucas 20:16 - El Nuevo Testamento

¹⁶ Yejua yas niman kinmiktis on medieros niman on tlatoktli oksekimej kinmakas para cuidaroskej. Ijkuak on tlakamej ijkon okakkej on ejemplo, okimatkej ika iteko on uvasyo kijtosneki Dios, niman on xkuajkualtin tekitkej kijtosneki sano yejuamej. Yejua ika okijtojkej: —¡Xnejli! Dios xkichiuas.

In yencuic iyectlajtoltzin Dios itech ica toTeco Jesucristo

¹⁶ Yejhua, tej, yas niman quinhuajmictis on medieros niman on tlatoctli ocsequimej quinmacasquej para cuidarosquej. Ijcuac on tlacamej ijcon ocacquej on ejemplo, oquimatquej ica on iteco on uvasyo quijtosnequi Dios, niman on xcuajcualtin tequitquej quijtosnequi sa no yejhuamej. Yejhua ica oquijtojquej: ―¡Xnejli! Dios xquichihuas.

San Lucas 20:16 Iomraidhean Croise

San Mateo 21:34

Ijkuak oajsik on tonaltin para notekis on uvas, on tlalejketl okintitlan itlakeualuan intech on medieros para ma kintlajtlanilitij kech yejua kitocaroua kiselis.

San Mateo 21:41

Yejuamej okinankilijkej: —Xkimiknelis para kinmiktis on xkuajkualtin medieros. Niman yejua kintejtemos oksekimej medieros yejuan kitekitiskej on uvas, niman ijkuak ajsis on tonajli kimakaskej kech kitocaros kiselis.

San Mateo 22:7

Kemaj, on rey sanoyej okualan, niman okintitlan isoldados para no ma kiminmiktitij on yejuan otemiktijkej, niman para kitlatiskej on iminueyikalpan.

San Marcos 12:9

Kemaj Jesús okintlajtoltij: —Aman tej, iteko on tlatokyoj ikan uvas, ¿tlinon kinchiuilis on xkuajkualtin medieros? Yejua tej, yas niman kinmiktis on medieros, niman on tlatoktli oksekimej kinmakas.

San Lucas 19:27

Niman on notlauelikniuan yejuan xkinekiyaj niinrey yes, xnechinuajuikilikan niman nixpan xkinmiktikan.”

San Lucas 20:15

Yejuamej okuajkixtijkej on tekoneu ne ipan on uvasyoj, niman okimiktijkej. Kemaj Jesús okintlajtoltij: —Aman tej, iteko on uvasyo, ¿tlinon kinchiuilis on xkuajkualtin medieros?

Hechos 13:46

Kemaj Pablo niman Bernabé onixkojtilijkej, niman okinmijlijkej: —Ijki nonekiya para achtopa nemejuamej yejuan nenhebreos* temechmakaskej itlajtoltsin Dios. Pero aman pampa xnenkinekij nenkiseliskej, niman pampa nenkuitiaj xmechmelaua* on nemilistli yejuan para nochipa, temechtlalkauiskej niman yej tiaskej intech on yejuan xhebreos*.

Romanos 11:1

Aman tej, ninotlajtoltia: ¿Manin Dios yej yokitlalkauij on yejuan ikoneuan? ¡Melauak tej ika ka, pampa sano nejua nihebreo! Niualejtikaj itech Abraham niman no nikisa ipan itribu* toachtojtataj Benjamín.

Romanos 11:11

Aman nejua ninotlajtoltia: ¿Tlen ijkuak on hebreos* ouetskej, Dios para yeika okinkau? ¡Melauak tej ika ka! Pero pampa xotetlakamatkej, aman on yejuan xhebreos* yejuamej uelij makisaj. Ijkon nochiua para on yejuan tekoneuan itech Israel ma nexikolmikikan intech on yejuan xhebreos*.

Romanos 3:31

¿In kijtosneki ika tikauaj ken xitlaj* kijtosneki on tlanauatijli? ¡Melauak tej ika ka! Yej tikpantlantiaj ika on tlanauatijli ueyi kijtosneki.

Romanos 3:4

¡Melauak tej ika ka! Yej Dios kichiuas on tlen okiprometeroj. Maski nochi tlakatl xkichiua tlen kijtoua, Dios nochipa kichiua tlen kijtoua. Ijkin kijtoua on Yektlajkuilojli: Ika motlajtol, timopanextis ika tikijtoua tlen melaua. Niman xuelis mitstlajtlakolmakaskej ijkuak mitsyolkuitiskej.

Romanos 3:6

¡Melauak tej ika ka! Tla Dios xkuajli kichiuaskia ijkuak techcastigaroua, ¿kenijki tej, ueliskia kintlajtlakolmakaskia on tlaltikpaktlakamej?

Romanos 6:15

¿Tlinon tej, tikchiuaskej? ¿Más titlajtlakoskej pampa xok titouikaj ipan on tlanauatijli? ¡Melauak tej ika ka!

Romanos 6:2

¡Melauak tej, ika ka! On tlajtlakojli xueli techtilana pampa tejuamej yotimikkej de on tlajtlakojli para maka más titlajtlakoskej. Yejua ika tej, tla yotimikkej, ¿kenijki uelis más titlajtlakojtiaskej?

Romanos 7:13

¿In kijtosneki ika on ley yejuan kuajli, yejua onechmiktij? ¡Melauak tej ika ka! Yej on tlajtlakojli onechmakak mikilistli. Yejua ika, itechkopa on tlanauatijli yejuan kuajli, onikmat ika nitlajtlakolej niman nimiktikaj. Yejua ika, itechkopa on tlanauatijli nikmati ika on tlajtlakojli sanoyej* xkuajli.

Romanos 7:7

Tla ijkon, ¿tlinon tej, tikijtoskej? ¿Tikijtoskej ika on tlanauatijli xkuajli? ¡Melauak tej, ika ka! Pero tla xejua on tlanauatijli yeskia, nejua xnikmatiskia tlinonon tlajtlakojli. In sen ejemplo: Nejua xnikmatiskia tlinon kijtosneki nikeleuis on tlen teyaxka* tla on tlanauatijli xkijtoskia: “Maka xkeleui on tlen teyaxka.”

Romanos 9:14

¿Tlinon, tej, tikijtoskej? ¿Tikijtoskej ika Dios xyolmelajki? ¡Melauak tej, ika ka!

1 Corintios 6:15

¿Tlen xnenkimatij ika nemotlalnakayo yejua se parte de itlalnakayo Cristo? Tla ijkon, ¿niktlalis in notlalnakayo yejuan se parte itlalnakayo Cristo san sekan iuan itlalnakayo sen siuatl yejuan auilnemi? ¡Melauak tej ika ka, xkaman!

Gálatas 2:17

Ijkuak tikneltokaj Cristo para Dios kitojua ika nochi totlajtlakoluan kintlapojpolouiya, kijtosneki ika titlajtlakolejkej no ijki ken on yejuan xhebreos. ¿In kijtosneki ika Cristo kichiua para tejuamej ma titlajtlakokan pampa xok titouikaj ipan on ley? ¡Melauak tej, ika ka! In xejua ika.

Gálatas 3:21

Tla ijkon, ¿in kijtosneki ika itlanauatil Moisés xnouika iuan ipromesas Dios? Melauak tej, ika ka. Pampa tla on tlanauatijli yejuan otikselijkej ueliskia techmakaskia nemilistli, tla ijkon, tikseliskiaj yolchipaualistli itechkopa on tlanauatijli.

Gálatas 6:14

Pero nejua xitlaj* okse ika nikneki ninoueyilis, yej san ikan imikilis toTEKO JesuCristo ipan on kojnepanojli. Pampa itechkopa imikilis Cristo ipan on kojnepanojli, para nejua in tlaltikpaktli yomik, niman para in tlaltikpaktli nejua yonimik.