San Lucas 2:47 - El Nuevo Testamento

⁴⁷ Niman nochimej yejuan kakiyaj kipakaitayaj ika on kuajli itlamatkilis* yejuan ika tenankiliaya.

In yencuic iyectlajtoltzin Dios itech ica toTeco Jesucristo

⁴⁷ Niman nochimej yejhuan caquiyaj quipacaitayaj ica on cuajli itlamatquilis yejhuan ica tenanquiliaya.

San Lucas 2:47 Iomraidhean Croise

San Mateo 13:54

Ijkuak oajsik Nazaret kampa ikalpan, opeu temachtia ipan insinagogas* on hebreos*. Yejuamej oometlamatkej* niman okualankatlanemilijkej. Yejua ika kijtouayaj: —¿Kanon ouelito in tlakatl on tlamatkilistli*? ¿Kenijki ueli kichiua in milagros?

San Mateo 22:33

Ijkuak on tlakamej ijkon okakkej, nochimej okintlatlachaltij on itemachtil Jesús.

San Mateo 7:28

Jesús otlan tlajtlajtoua niman on tojlamej sanoyej pakatlachayaj ika on tlen yejua kinmijliaya,

San Marcos 1:22

Yejua xtemachtiaya ken on temachtijkej ikan itlanauatil Dios, yej temachtiaya ken se yejuan kipiya ueyi tekiuajyotl. Yejua ika on tlakamej sanoyej* okintlajtlachaltij.

San Marcos 11:18

Ijkuak on tlayekankej tiopixkej niman on temachtijkej ikan itlanuatil Dios ijkon okakkej, yejuamej opeu kitejtemouaj kenijki kimiktiskej. Yejuamej nomojtiayaj, pampa kimatiyaj ika nochi tlakatl kipakakakiya on itemachtil Jesús.

San Marcos 6:2

Ijkuak oajsik on sábado, opeu temachtia ipan insinagoga* on hebreos*. Niman miyek tlakatl okikak, niman okintlatlachaltij. Kemaj okijtojkej: —¿Hasta kanon ouelito nochi in tlen kijtoua?, niman ¿akinon okimakak in tlamatkilistli* niman kenijki kichiua in milagros?

San Lucas 2:18

Niman nochimej yejuan okinkakkej otlapakamatkej ika on tlen on tlajpixkej kijtouayaj.

San Lucas 2:46

Niman ipan yeyi tonajli sakin* okinextitoj ipan on ueyitiopan. Yeuatikatka intsajlan on uejueyixtokej temachtijkej yejuan kitemachtiaj itlanauatiluan Dios. Ompa kinkaktikatka niman no miyek tlamach kintlajtoltiaya.

San Lucas 4:22

Niman nochimej kuajli kiteneuayaj Jesús niman pakatlachayaj ika on kualtsin tlajtojli yejuan kinmijliayaj. Pero ijkin kinotlajtoltiayaj: —¿Tlen xejua in ikoneu José?

San Lucas 4:32

Niman on tlakamej sanoyej kintlatlachaltiaya ken temachtiaya pampa yejua temachtiaya ikan itekiuajyo Dios.

San Juan 7:15

Niman intlayekankauan on hebreos* ijkin kitouayaj ikan tlatlachalistli: —¿Kenijki ueli kimati in tlajtlamach* niman xonomachtij?

San Juan 7:46

Niman on policías otlanankilijkej: —¡Xkaman yakaj tlajtlajtouaya ken tlajtlajtoua on tlakatl!