San Lucas 2:34 - El Nuevo Testamento

³⁴ Kemaj Simeón okintiochiu, niman okijlij María: —Xkita, Dios okitlalij in konetsintli ipan itekiu. Miyek tlakatl yejuan chanej* ipan in país de Israel ixpoliuiskej pampa xkineltokaskej mokoneu, niman miyek tlakatl no kiseliskej on nemilistli yejuan para nochipa pampa kineltokaskej. Niman yejua kiteititis on ojtli para kalakiskej ne itech Dios, pero miyekej yej kixnamikiskej.

In yencuic iyectlajtoltzin Dios itech ica toTeco Jesucristo

³⁴ Quemaj Simeón oquintiochiu, niman oquijlij María: ―Xquita, Dios oquitlalij in conetzintli ipan itequiu. Miyec tlacatl yejhuan chanej ipan in país de Israel ixpolihuisquej pampa xquineltocasquej moconeu, niman miyec tlacatl no quiselisquej on nemilistli yejhuan para nochipa pampa quineltocasquej. Niman yejhua quiteititis on ojtli para calaquisquej ne itech Dios, pero miyequej yej quixnamiquisquej.

San Lucas 2:34 Iomraidhean Croise

San Mateo 11:19

Kemaj oniuajlaj, nejua yejuan oninochiu Tlakatl. Ijkuak nejua yejuan nitlakuani niman natlini oniuajlaj, yejuamej okijtojkej ika melauak nitlakuatetl*, niman ika nitlaonini, okijtojkej sen nitlauanketl. Niman no okijtojkej ika iminuan ninouika on tlajtlakolejkej niman on yejuan tlacobrarojkej ika on impuestos. Pero on tlamatkilistli de Dios ueli kajskikamati ika on tlen okichiu.

San Mateo 12:46

Chika Jesús kinnojnotstikatka on tlakamej, oajsikej inanaj niman ikniuan. Onokajkej ipan ojtli, niman kinekiyaj iuan tlajtoskej.

San Mateo 21:44

Niman de on tetl yejuan onemechijlij, yejua in kijtosneki, ika san akinon yejuan uetsis ipan on tetl notepojpostekis, niman tla on tetl yakaj ipan onuetsis, kuejkuechtilis.

San Mateo 27:63

niman okijlijkej: —Señor, tejuamej otikelnamikej ika ijkuak on tlakajkayajketl sanken* nemiya, okijtoj ika ipan yeyi tonajli youliuis* niman noketsteuas ipan itlalkon.

San Lucas 2:35

Niman ijkon miyekej kiteititiskej ken kinemiliaj ipan inyojlo. Niman para tejua, nochi in ken itlaj espada yes yejuan kitsopinis moalma.

San Juan 3:20

Nochimej yejuan kichiuaj on tlen xkuajli kitlauelitaj on tlauijli niman on kuajli ojtli yejuan okiteititij. Yejuamej xuajlauij itech pampa xkinekij nopantlantis intlajtlakol.

San Juan 5:18

Yejua ika on intlayekankauan on hebreos* más kinekiyaj kimiktiskej, pampa yejua xkitlakaitaya on sábado, niman no okijtoj ika Dios yejua iTataj, niman ijkon onoteneu ika yejua nemi sano ijki ken Dios.

Hechos 13:45

Ijkuak on hebreos* okitakej on tojlamej, sanoyej onexikolmikkej. Kemaj opeu kitlajtolixnamikij Pablo niman kuijuikaltiayaj.

Hechos 17:6

Pero pampa ompa xokinnextijkej, okuajtejchiuilankej Jasón inuan oksekimej tokniuan imixpan on tekiuajkej ipan on ueyikalpan, niman otsajtsitiajkej: —In tlakamej nochiuiyan yokajkomankej nochi tlaltikpaktlakatl. Aman youalajkej nikan,

Hechos 24:5

Kuajli tej, yotikmatkej ika in tlakatl ken sen kualolistli yejuan sanoyej tepajsoloj. Yejua kichijtinemi para ma najkomanakan on hebreos* nouiyan imanian in tlaltikpaktli. Niman yejua tlayekanki intech on yejuan noxelojtinemij kinkuitiaj nazarenos.

Hechos 28:22

Pero tiknekiskiaj tikakiskiaj tlinon tejua tiknemilia, pampa tikmatstokej ika nochiuiyan xkuajli kinteneuiliaj on yejuan kineltokaj on yenkuik tlamachtijli.

Hechos 4:26

Inreyes in tlaltikpaktli niman on tlayekankej nosentlaliaj para kixnamikij ikan tlauejli toTEKO Dios niman on Cristo yejuan okitlapejpenij para techmandaros.

Hechos 6:7

On itlajtol Dios nochayajtiaya intech miyekej oksekimej. Niman on nomachtijkej* sanoyej miyekixtiayaj ne Jerusalén, niman hasta tiopixkej miyekej kiseliayaj on tlaneltoktli.

Romanos 9:32

¿Tline xokinextijkej? Xokinextijkej pampa xokitejtemojkej itechkopa on tlaneltoktli, yej okitejtemojkej itechkopa on tetlakamatilistli itech on tlanauatijli. Yejua ika, onantikiskej ipampa Cristo yejuan ken itlaj tetl yejuan tetlajtlakali.

1 Corintios 1:23

Pero tejuamej tikteijliaj ika Cristo omik ne ipan kojnepanojli* para kipopolos tlajtlakojli. On yejuan hebreos* xkinekij kiseliskej in temachtilistli, niman on yejuan xhebreos* kijtouaj ika xitlaj* kijtosneki.

Hebreos 7:1

Yejua Melquisedec rey katka ipan on ueyikalpan itoka Salem niman no tiopixki katka itech on Más Ueyixtikaj Dios. Ijkuak Abraham ouajnokuepato ipan on nouijsokilistli kampa okintlanito on reyes, Melquisedec okinamikito niman okitiochiu.

Hebreos 7:7

Niman xakaj uelis kinemilis ika on yejuan kiselia on tlatiochiualistli más ueyixtikaj xken on yejuan kitiochiua.

1 Pedro 4:14

Tla on tlakamej mechteneuiliaj on tlen xkuajli pampa nenkineltokaj Cristo, nenkiseliskej itlatiochiualis Dios, pampa on Espíritu Santo yejuan kipiya ueyilistli nemi nemouan. On tlakamej kijtouaj on tlen xkuajli itech Cristo, pero nemejuamej nenkitlakaitaj.