San Lucas 18:16 - El Nuevo Testamento

¹⁶ Pero Jesús okinnots on kokonej ma uajlakan itech, niman okinmijlij inomachtijkauan*: —Xkinkauakan on kokonej ma uajlakan notech, niman maka xkinteltikan, pampa on yejuan yolyemankej* ken in kokonej kalakiskej ne kampa Dios tlamandaroua.

In yencuic iyectlajtoltzin Dios itech ica toTeco Jesucristo

¹⁶ Pero Jesús oquinnotz on coconej ma huajlacan itech, niman oquimijlij inomachtijcahuan: ―Xquincahuacan on coconej notech ma huajlacan, niman ma ca xquinteltican, pampa on yejhuan yolyemanquej quen in coconej calaquisquej ne campa Dios tlamandarohua.

San Lucas 18:16 Iomraidhean Croise

San Mateo 19:14

Pero Jesús okijtoj: —Xkinkauilikan on kokonej ma uajuiyan notech, niman maka xkinteltikan, pampa on kampa Dios tlamandaroua san ueliskej kalakiskej on yejuan nechseliskej ken on kokonej nechseliaj.

San Lucas 18:15

On tajtatin kinuajuikayaj inkonetsitsiuan itech Jesús para ma kinkuamatoka. Pero ijkuak on nomachtijkej* ijkon okitakej, opejkej kimajuaj on yejuan kinuajuikayaj inkokoneuan.

San Lucas 18:17

Ika tlen melauak nemechijlia ika on yejuan xkiselis itekiuajyo Dios ken sen konetl, xuelis kalakis kampa Dios tlamandaroua.

Hechos 2:39

In yejua ipromesa Dios para nemejuamej, niman para nemokoneuan, niman para nochimej nemouejkakoneuan, niman para nochimej on kech toTEKO Dios kinnotsas nochiuiyan ipan in tlaltikpatli.

1 Corintios 14:20

Nokniuan, maka xtlanemilikan ken kokonej. Nemejuamej xchipajtiakan ken on kokonej yejuan xnomatij kichiuaj on tlen xkuajli. Pero ijkuak nentlanemiliskej, xchiuakan ken on tlakamej yejuan yochikajkej.

1 Corintios 7:14

Ijkon ma kichiua, pampa sen tlakatl yejuan xkineltoka Cristo kiselia sen tlatiochiualistli itech Dios pampa isiuau kineltoka Cristo. Niman no ijki sen siuatl yejuan xtlaneltoka kiselia sen tlatiochiualistli pampa iueuentsin tlaneltoka. Tla xijkon yeskia, inkoneuan xueliskiaj kiseliskiaj itlatiochiualis Dios, pero aman kiseliaj.

1 Pedro 2:2

Aman tej, sanoyej* xnekikan ichipajkatlajtol Dios ken on selikakokonej* yejuan sanoyej kinekij chichiskej. No ijki sanoyej xnekikan on chipajkatlajtojli para ika nemoskaltiskej niman nenkiseliskej temakixtilistli,