San Lucas 17:16 - El Nuevo Testamento

¹⁶ Onotlakuantelkets ixpan Jesús onopachoj hasta ipan tlajli, niman okimakak tlaxtlauijli. Niman on tlakatl chanej* katka Samaria.

In yencuic iyectlajtoltzin Dios itech ica toTeco Jesucristo

¹⁶ Onotlacuenquetz ixpan Jesús onopachoj, niman ocajxitij ixayac hasta ipan tlajli, niman oquimacac tlaxtlahuijli. Niman on tlacatl chanej catca ne Samaria.

San Lucas 17:16 Iomraidhean Croise

San Mateo 10:5

Jesús okintitlan on majtlaktli uan ome apóstoles*, niman ijkin okinnajnauatij: —Maka nenyaskej kampa chantij on yejuan xhebreos*, nion ipan on kalpanmej de Samaria.

San Mateo 2:11

Yejuamej okalakitoj ne ipan on kajli, niman okitakej on konetsintli iuan María on inanaj. Kemaj onotlakuantelketskej ixpan on konetsintli niman okimauistilijkej. Kemaj okitlapojkej on incaja niman okitlayokolijkej oro, kopajli yejuan tlatla, niman on ajuiyalistli mirra.

San Marcos 5:33

Kemaj, on siuatl yejuan kimatstikatka tlinon ipan yonochiu, ouajlaj itech Jesús, niman onotlakuantelkets ixpan. Yejua sanoyej nomojtiaya, niman kuekuetlakaya. Yejua okijlij nochi tlen melauak.

San Lucas 17:17

Kemaj Jesús okijtoj: —¿Xnochimej on majtlaktlimej opajtikej? ¿Kanon nemij on okse chiknauimej?

San Lucas 5:8

Niman ijkuak Simón Pedro okitak on tlen onochiu, onotlakuantelketstiaj ixpan Jesús niman okijlij: —Xnechtlalkaui noTEKO, pampa nejua nitlajtlakolej.

San Juan 4:9

Kemaj on siuatl samaritana okijlij Jesús: —¿Kenijki tejua yejuan tihebreo* tinechtlajtlanilia atl nejua yejuan nisamaritana? Ijkin okijtoj pampa on hebreos* xkuajli nouikayaj inuan on samaritanos.

San Juan 5:23

para nochimej ma nechtlakaitakan ken kitlakaitaj noTataj. Yejuan xnechtlakaitaj, no xkitlakaitaj noTataj yejuan onechajtitlan.

San Juan 8:48

Kemaj on hebreos* okijlijkej: —¿Xtikijtouaj tlen melauak ijkuak tikijtouaj ika tejua tisamaritano niman mojtik nemi on xkuajli espíritu?

Hechos 1:8

Yej, ijkuak on Espíritu Santo uajlas nemopan, nenkiseliskej poder. Niman noka nentenojnotsaskej ne Jerusalén, niman imanian Judea, niman Samaria, niman nochiuiyan ipan in tlaltikpaktli.

1 Corintios 14:25

Niman on tlen xkuajli tlajtlamach* iyantikatka* ipan iyojlo nopanextis. Niman notlakuantelketsas para kiyekteneuas Dios niman kijtos ika Dios melauak nemotsajlan nemi.

El Apocalipsis 19:10

Ijkuak yejua onechijlij in, oninotlakuantelkets ikxitlan on ángel para nikmauistiliskia, pero yejua onechijlij: “Maka ijkon xchiua. Nejua tej, san niitekichiuilijkau Dios, sano ijki ken tejua niman mokniuan yejuan melajkanemij ipan on tlen melauak yejuan Jesús otemachtij. Tejua san Dios xmauistili.” Yejua on tej, tlen melauak yejuan Jesús otemachtij, yejua kintlamachilistia* on tiotlajtojkej.

El Apocalipsis 4:10

on 24 ueuetkej tlayekankej no notlakuantelketsayaj ixpan niman kimauistiliayaj on yejuan nemi para nochipa. Yejuamej no kitlaliayaj incoronas ixpan on ueyixtikaj trono, niman ijkin kijtouayaj:

El Apocalipsis 5:14

Niman on nauimej yejuan ken itlaj yolkej tlajtlachayaj kijtouayaj: —¡Ma ijki nochiua! Niman on 24 ueuetkej tlayekankej onotlakuantelketskej niman okimauistilijkej on yejuan para nochipa kipiya nemilistli.