San Lucas 15:22 - El Nuevo Testamento

²² Pero on tajtli okinmijlij itekikauan: ¡Amantsin xkuakikan on más kuajli tlakentli*, niman xtlakentikan! Xtlaliltikan sen anillo ipan imajpil, niman no xkaktikan.

In yencuic iyectlajtoltzin Dios itech ica toTeco Jesucristo

²² Pero on tajtli oquimijlij on itequichihuilijcahuan: ¡Amantzin xcuaquican on yejhuan más cuajli tlaquentli, niman xtlaquentican! Xtlaliltican se anillo ipan imajpil, niman no xcactican.

San Lucas 15:22 Iomraidhean Croise

San Lucas 15:21

Niman on tekoneu okijlij itataj: “Ay notataj, yonitlajtlakoj itech Dios niman motech. Aman xok nechmelaua* tinechitas ken nimokoneu.”

San Lucas 15:23

Kemaj xkuajuikakan on uakaxkonetl yejuan más tomauak niman xmiktikan. ¡Aman titlakuaskej ikan miyek paktli! ¡Aman tikchiuaskej sen iluitl!

Romanos 13:14

Yej oksekneka xmouikakan ken toTEKO JesuCristo nouika, niman maka xnekikan nenkipaktiskej nemotlalnakayo ika on tlen yejua kineki.

Romanos 3:22

Dios kinselia on tlakamej ken yolchipajkej ipampa intlaneltok yejuan kipiyaj itech JesuCristo. Ijkon Dios kichiua para nochimej yejuan kineltokaj Cristo, pampa yejua xkinchikoita on hebreos* inuan on yejuan xhebreos*.

Romanos 8:15

On Espíritu Santo yejuan onenkiselijkej xmechuika para nenesclavos yeskej oksejpa itech on nemojtijli, yej kichiua para nentekoneuan itech Dios. Yejua ika, tikijtouaj: “Abba*, toTajtsin.”

Gálatas 3:27

Nochimej nemejuamej yejuan onemokuatekijkej para nenkiteititiaj ika nenkineltokaj Cristo, nennemij ken Cristo onen.

Efesios 6:15

Ijkon ken sen soldado isijkanejnemi ikan izapatos no ijki xchiuakan para nenmontenojnotsaskej ika on kuajli tlajtojli yejuan kitemaka yolseuilistli.

El Apocalipsis 19:8

Dios yokimakak on tlakentli* de lino yejuan fino, chipauak niman petlani para notlakentis.” (On lino kijtosneki on tlajtlamach* yejuan on yolchipajkej itech Dios kichiuaj ikan inyolmelajkilis.)

El Apocalipsis 2:17

Xpiyakan cuidado on tlen on Espíritu Santo kinmijlia on tlaneltokakej. On yejuan tetlaniskej nikinmakas ma kuakan on maná yejuan iyantikaj. Niman no nikinmakas sen tetsintli istak kampa tlajkuilolnestias sen yenkuik tokayotl yejuan xakaj kixmatis, yej san on yejuan kiselia kixmatis.”

El Apocalipsis 3:18

Yejua ika tej, nimitschikajkanotsa para notech xkoua on chipauak oro yejuan yokichipajkej ika tlitl para ijkon melauak tirico yes. Niman no ijki notech xkoua on istak tlakentli* para ika timotlakentis, niman ijkon on mopinajkatlalnakayo xok yakaj kitas. Niman para uelis titlachas, no notech xkoua on pajtli para tikintlalilis mixtololojuan.

El Apocalipsis 6:11

Kemaj cada se okimakakej intlaken istak, niman okinmijlijkej ma noseuikan sa achijtsin más chika ma ajsi on kech iminikniuan ipampa itekiu Cristo ika onkaj no mikiskej ken yejuamej.

El Apocalipsis 7:9

Ijkuak in yopanok, kej onikitak ouajnonextijkej nixpan sanoyej* miyek tlakatl yejuan xakaj ueliya kipouaya yejuan oualejkej de nochi naciones, tribus, razas niman yejuan tlajtouaj oksesekneka tlajtoltin. Yejuamej in sanoyej tojlamej majmaniyaj ixpan on trono* niman ixpan on borreguito. Nochimej tlaken istakej katkaj, niman kipiyayaj ipan iminma sen kualtsin isoyayo dátil.