San Lucas 12:42 - El Nuevo Testamento

⁴² Niman yejua okinankijlij: —¿Akinon on tekitketl yejuan nochipa kitlakamati iteko, niman kuajli tlanemilia, niman yejuan iteko kimaktilia ifamilias, niman on oksekimej itekitkauan para kinmaka tlen kimpoloua ijkuak noneki kiseliskej?

In yencuic iyectlajtoltzin Dios itech ica toTeco Jesucristo

⁴² On toTeco oquijtoj: ―¿Aquinon on tequitquetl yejhuan nochipa quitlacamati iteco, niman cuajli tlanemilia, niman yejhuan iteco quimactilia ichanchanecahuan, niman on ocsequimej itequitcahuan para quinmaca tlen quimpolohua ijcuac nonequis quiselisquej?

San Lucas 12:42 Iomraidhean Croise

San Mateo 13:52

Kemaj okinmijlij: —Ijkuak sen temachtijketl ika on tlanauatijli nomachtia ken Dios tlamandaroua, ueli kitemachtia on yenkuik temachtilistli niman on yejuan xenkuik. Yejua tej, sano ijki ken iteko sen kajli yejuan kimati kenijki kixtia tlajtlamach* yejuan yenkuik niman yejuan xenkuik de on tlen kipiya ipan on bodega.

San Mateo 20:8

’Ijkuak otlapoyau, on tlalejketl okijlij yejuan kiyekanaya on tekitl: “Xkinkixti on tlakeualtin, niman xkintlaxtlauili inka xtlapeua on yejuan sa otlatokatiajkej ika okalakkej, niman inka tontlamis on yejuan achtopa okalakkej.”

San Lucas 12:43

Tlatiochijtli yes on tekitketl yejuan ijkuak uajlas iteko kuajnextis kichijtikaj on tlen okinauatij.

San Lucas 7:13

Ijkuak toTEKO okitak on siuakaualtsintli, okiknelij*, niman okijlij: —Maka xchoka.

San Lucas 7:19

niman okintitlan itech Jesús para okitlajtoltitoj tla yejua melauak Cristo yejuan ye onkatka para uajlas, noso yej kichaskej okse.

Hechos 20:28

Niman aman sano nemejuamej nemopan xtlachakan niman impan xtlachakan nochimej on tlaneltokakej yejuan on Espíritu Santo intech omechtlalij ken tlajpixkej para impan nentlachaskej. Xkincuidarokan on tlaneltokakej yejuan iyaxkauan* Dios toTEKO, yejuan okinkou ikan iyesyo.

1 Timoteo 3:15

para tla saman ninouejkauas, in tlajkuilojli mitsititia kenijki noneki se nouikas ipan ichan Dios. On ichan Dios kijtosneki on yejuan tlaneltokaj itech Dios yejuan melauak yoltikaj. Niman yejuamej kejeuaj niman kimanauiyaj on tlen melauak.

1 Timoteo 5:17

On ueuetkej tlayekankej yejuan kuajli tlayekanaj intech on tlaneltokakej, yejuamej ma kintlakaitakan. Pero más ma kintlakaitakan on yejuan ika nokauaj tenojnotsaj ika on kuajli tlajtojli niman temachtiaj.

2 Timoteo 4:2

xteijli on kuajli tlajtojli. Xchiua ijkuak on tlakamej kinekiskej kakiskej niman ijkuak xkinekiskej. Xteselilti on kuajli tlajtojli, xteajua niman xteyoleua ikan nochi ijyouilistli niman tlamachtijli,

Tito 1:7

Pampa se tlayekanki kipiya ueyi compromiso ipan sen tiopan, yejua noneki kuajli nouikas para maka yakaj itlaj ika kijixkomakas*. Xkitocaroua noueyimatis, nion nimantsin kualanis, nion xtlauantinemis, nion xkitejtemotinemis tlauejli, nion xkuejuelitas kiteixpachouilis tomin.

Hebreos 13:17

Xkintlakamatikan on yejuan mechyekanaj, niman xchiuakan intlanauatil, pampa yejuamej tlacuidarouaj ikan nemoalma. Yejuamej kimatstokej ika nemoka kitemakaskej cuenta itech Dios. Yejua ika tej, xkintlakamatikan para intekiu kichiuaskej ikan paktli niman xikan ajmantli, pampa tla xijki nenkichiuaj, yejua on xitlaj* ika mechpaleuis.

Hebreos 13:7

Xkinmelnamikikan nemotlayekankauan yejuan omechmachtijkej itlajtoltsin Dios. Xkelnamikikan nochi tlen kuajli okichijkej ipan innemilis, niman xmouikakan ikan tlaneltoktli ken yejuamej onouikakej.

Hebreos 3:5

Moisés sen kuajli tekichijketl katka. Nochi okichiu ken kitocaroua ipan on itekiu yejuan Dios okimakak intech on hebreos*. Yejua itekiu katka para kinmachistiaya de on tlajtlamach* yejuan Dios más sakin* kimijlis.

1 Pedro 4:10

Dios omechmakak nemejuamej on tetlayokoliltin yejuan mechueliltia on tlen aman ueli nenkichiuaj. Niman cada se de nemejuamej omechmakak tetlayokoliltin sesekneka. Yejua ika, nochipa ijkuak nenueliskej, kuajli xtekitiltikan on tlen Dios omechmakak para nenkimpaleuiskej oksekimej.