San Lucas 12:1 - El Nuevo Testamento

¹ Kemaj sanoyej* miyekej miles tlakamej onosentlalijkej hasta sa nochojcholouayaj. Jesús achtoj opeu kinmijlia on inomachtijkauan*: —Xmotakan sano nemejuamej ikan intlaxokolilis* on fariseos*. In kijtosneki on inomexayakalis.

In yencuic iyectlajtoltzin Dios itech ica toTeco Jesucristo

¹ Quemaj sanoyej miyequej miles tlacamej onosentlalijquej hasta sa notlajtlajcaliyaj. Pero Jesús achtoj opeu quimijlia on inomachtijcahuan: ―Xmotacan sa no nemejhuamej ican intlaxocolilis on fariseos. In quijtosnequi on inomexayacalis.

San Lucas 12:1 Iomraidhean Croise

San Lucas 11:44

’¡Lástima para nemejuamej temachtijkej ikan itlanauatil Dios niman nemejuamej fariseos*! ¡Nemejuamej nenomexayakyejkej! Nemejuamej ken nentlalkontin yejuan xnestokej, niman on tlakamej impan panouaj. Ijkon tej, on tlakamej panouaj nemopan niman xkimatij ika nenkinkajkayauaj ikan nemotemachtil.

San Lucas 12:56

¡Omexayakyejkej! Nemejuamej ueli nenkajsikamatij tlinon nochiuas ne ipan cielo* niman nikan tlaltikpak. ¿Tline tej, xueli nenkajsikamatij tlinon kijtosneki on tlen nikchiua ipan in tonaltin?

San Lucas 5:1

Ipan se tonajli Jesús nemiya itenko on atl itoka Genesaret. Niman miyek tlakatl oyaj itech hasta kipitsmiktiayaj* para kakiskej itemachtil Dios.

San Lucas 5:15

Pero on tlen Jesús kichiuaya más nouiyan machiyaya, niman miyek tlakatl nosentlaliaya itech para kakiskej niman para yejua kimpajtilis inkokolis.

San Lucas 6:17

Jesús iuan inomachtijkauan* ouajtemok de ipan on tepetl, niman onoteltij ipan sen ixtlauatl. Niman ompa nemiyaj miyekej inomachtijkauan niman tlakamej yejuan chanejkej nochiuiyan ne Judea, niman on ueyikalpan Jerusalén niman ipan on ueyikalpanmej de Tiro niman de Sidón yejuan onkaj itenko on mar. Yejuamej ompa oyajkej para okakitoj Jesús niman para itech okimpajtitoj inkualolis.

Hechos 21:20

Ijkuak yokakkej in tlajtlamach*, okueyilijkej Dios. Kemaj okijlijkej Pablo: —Kuajli, tokniu, ye tikita ika intsajlan on hebreos* miyek miles nemij yejuan yotlaneltokakej, niman nochimej yejuamej kinekij, para ma notlakamati itlanauatil Moisés.

1 Corintios 15:3

In yejua más ueyi kijtosneki de on temachtijli yejuan onikselij, niman yejuan onemechmachistij ika Cristo omik san ipampa totlajtlakoluan, ken on Yektlajkuilojli kijtoua.

Hebreos 12:22

Nemejuamej tej, xonenkinisiuijkej on tepetl itoka Sinaí, yej yonenkinisiuijkej on tepetl itoka Sión, iueyikalpan Dios yejuan nochipa nemi. Yejua in kijtosneki on Jerusalén yejuan ne iluikak onkaj kampa nemij sanoyej miyekej ángeles yejuan yonosentlalijkej para kiueyiliskej Dios.

Santiago 3:17

Pero on yejuan kipiyaj itlamatkilis* Dios, nemij chipajkej. Niman no kinekij yolseuilistli inuan oksekimej, niman nemij yolyemankej, niman kuelitaj teuan nouikaskej. No ijki yejuamej sanoyej* teiknelianij*, niman kitechiuiliaj miyek tlajtlamach* tlen kuajli, niman xkaman techikoitaj, niman nochi on kichiuaj ikan nochi inyojlo.

1 Pedro 2:1

Pampa nenkipiyaj yenkuik nemilistli, maka kaman xchiuakan tlen xkuajli. Maka xtekajkayauakan, nion maka xomexayaknemikan, nion maka xtenexikolitakan, nion maka xijistlakatikan.