San Lucas 11:2 - El Nuevo Testamento

² Jesús okinmijlij: —Ijkuak nenkichiuaskej oración ijkin xkijtokan: ToTajtsin, akin tinemi iluikak, ma mitsyekteneua nochi tlakatl. Xuajla niman xtlamandaroki ipan in tlaltikpaktli ijkon ken titlamandaroua ne iluikak.

In yencuic iyectlajtoltzin Dios itech ica toTeco Jesucristo

² Jesús oquimijlij: ―Ijcuac nenquichihuasquej oración xquijtocan ijquin: ToTajtzin aquin tinemi ne ilhuicac, ma mitzyectenehua nochi tlacatl. Ma huajla on tonaltin ijcuac ticmandaros nochi tlacatl. Ipan in tlalticpactli on tlacamej ma quichihuacan on tlen ticnequis ijcon quen nochihua ne ilhuicac.

San Lucas 11:2 Iomraidhean Croise

San Mateo 10:32

’Nochimej on yejuan imixpan on tlakamej kijtoskej ika nechseliaj niman nechneltokaj ken intemakixtijkau, nejua no nikijtos ixpan noTajtsin iluikak chanej* ika nikinselia.

San Mateo 3:2

Ijkin kiminmachtiaya: —Xkajkauakan ika nenkichiuaj on tlen xkuajli, pampa ye uajlau on tonaltin ijkuak Dios tlamandaros nikan ken tlamandaroua ne iluikak.

San Mateo 5:16

Nemejuamej tej, ken nenlámparas. Yejua ika, xchiuakan para nemotlauil ma tlauilo imixpan on tlakamej para ijki kitaskej on tlen kuajli nenkichiuaj, niman yejua ika kueyiliskej nemoTajtsin yejuan nemi iluikak.

San Lucas 11:1

Se tonajli Jesús kichijtikatka oración. Niman ijkuak otlan, semej inomachtijkauan* okijlij: —NoTEKO, xtechmachti kenijki tikchiuaskej oración ijkon ken Juan okinmachtij inomachtijkauan*.

Romanos 1:7

Nemechtlajkuiluiya tej, nochimej nemejuamej yejuan nenchantij ipan on ueyikalpan Roma yejuan nenitetlajsojkayaxkauan Dios. Ma Dios toTajtsin niman toTEKO JesuCristo mechmakakan inueyitetlajsojtlalis* niman inyolseuilis.

Romanos 8:15

On Espíritu Santo yejuan onenkiselijkej xmechuika para nenesclavos yeskej oksejpa itech on nemojtijli, yej kichiua para nentekoneuan itech Dios. Yejua ika, tikijtouaj: “Abba*, toTajtsin.”

1 Corintios 1:3

Ma Dios toTajtsin niman toTEKO JesuCristo mechmakakan intlatiochiualis niman inyolseuilis.

2 Corintios 1:2

Ma Dios toTajtsin niman toTEKO JesuCristo mechtiochiuakan niman ma mechmakakan yolseuilistli.

Gálatas 1:4

On JesuCristo onotemakak san ipampa totlajtlakoluan, para on diablo* xok uelis techchiualtis ma titlajtlakokan. JesuCristo ijkon okichiu ken okinek on toTajtsin Dios.

Efesios 1:2

Ma Dios toTajtsin niman toTEKO JesuCristo mechmakakan inueyitetlajsojtlalis niman inyolseuilis.

Filipenses 1:2

Ma Dios niman toTEKO JesuCristo mechtiochiuakan niman ma mechyolseuikan.

Filipenses 4:20

Dios toTajtsin ma kipiya ueyilistli para nochipa. Ma ijki nochiua.

Colosenses 1:2

temechtlajpalouaj ompa on Colosas nemejuamej yejuan nenyolchipajkej niman nenmelajkanemij ipan on tlaneltoktli itech Cristo. Ma Dios toTajtsin mechtiochiua niman ma mechmaka iyolseuilis.

1 Tesalonicenses 1:1

Tejuamej, Pablo, Silvano niman Timoteo, temechtlajpalouaj nemejuamej tlaneltokakej yejuan nennemij itech Dios toTajtsin niman toTEKO JesuCristo ne ipan on tiopan yejuan onkaj ipan on ueyikalpan Tesalónica. Ma Dios toTajtsin niman toTEKO JesuCristo mechmakakan iueyitetlajsojtlalis* niman yolseuilistli.

1 Tesalonicenses 1:3

Temechelnamikij ixpan Dios toTajtsin kenijki ipampa nemotlaneltok nenkichiuaj miyek tekitl, niman kenijki ipampa nemotetlajsojtlalis* nenkitekipanouaj, niman kenijki ipampa nemotlamachalis* itech toTEKO JesuCristo nenmelajkanemij ijkuak nentlajyouiyaj.

2 Tesalonicenses 2:16

Ma toTEKO JesuCristo, niman Dios toTajtsin, yejuan techtlajsojtla* niman ikan iteiknelilis* otechmakak yolseuilistli para nochipa niman sen kuajli tlamachalistli*,

El Apocalipsis 11:15

Kemaj on ika chikome ángel okipits itrompeta, niman nimantsin chikauak okakistikej tlajtoltin ne iluikak. On tlajtoltin ijkin kijtouayaj: “Nochi tekiuajyotl yejuan onkaj ipan in tlaltikpaktli, yokinoyaxkatij* toTEKO Dios niman iCristo, niman para nochipa toTEKO Dios tlamandaros.”

El Apocalipsis 15:4

¿Akinon tej, xmitstlakaitas? ¿Akinon xmitsueyilis toTEKO? Tej, san tejua tiyektli. Niman nochi tlakatl de nochiuiyan países uajlaskej mixpan niman mitsmauistiliskej, pampa yones ika motekiu otikchiu ken kitocaroua.

El Apocalipsis 19:6

Kemaj onikak ken miyek tlakatl tlajtlajtouaya. Okakistik ken kakisti on ueyi atl ijkuak uejkatlan ontoyajtikaj, niman ken ijkuak sanoyej* chikauak tlakomoni. On tlajtojli ijkin kijtouaya: “¡Ma kiyekteneuakan toDios!, pampa on toTEKO Dios yejuan nochi ueli kichiua yopeu tlamandaroua.

El Apocalipsis 20:4

Kemaj, onikintak on tronos, niman on yejuan yokiselijkaj tekiuajyotl para teyolkuitiskej ompa yejyeuatikatkaj. No ijki onikintak inalma on yejuan okinkechtsontekaj pampa kiteijliayaj on temachtijli de Jesús, niman pampa okitemachtijkej itlajtol Dios. Yejuamej xokimauistilijkej on xkuajli yolki, nion on iixkopinajlo. Niman no xokinnokauilijkej ma kintlalilikan ineskayo on xkuajli yolki ipan inmixkuatipan nion ipan inma. Yejuamej oyolijkej*, niman onoketstejkej, niman se mil xipan iuan Cristo otlamandarojkej.