San Lucas 11:13 - El Nuevo Testamento

¹³ Aman tej, tla nemejuamej yejuan xnenkuajkualtin tlakamej nenkimatij ken nenkinmakaskej nemokoneuan on tlajtlamach* tlen kuajli, sanoyej* pantlannestikaj ika nemoTajtsin iluikak chanej* kiminmakas Espíritu Santo on yejuan kitlajtlaniliskej.

In yencuic iyectlajtoltzin Dios itech ica toTeco Jesucristo

¹³ Aman, tej, tla nemejhuamej yejhuan xnencuajcualtin tlacamej nenquimatij quen nenquinmacasquej nemoconehuan on tlajtlamach tlen cuajli, sanoyej pantlannesticaj ica nemoTajtzin ilhuicac chanej quinmacas Espíritu Santo on yejhuan quitlajtlanilisquej.

San Lucas 11:13 Iomraidhean Croise

San Mateo 5:16

Nemejuamej tej, ken nenlámparas. Yejua ika, xchiuakan para nemotlauil ma tlauilo imixpan on tlakamej para ijki kitaskej on tlen kuajli nenkichiuaj, niman yejua ika kueyiliskej nemoTajtsin yejuan nemi iluikak.

San Mateo 5:45

Ijkon xchiuakan para nesis ika nentekoneuan itech on nemoTajtsin iluikak chanej. Yejua tej, kichiua para on tonaltsintli ma kisa impan on yejuan xkuajkualtin tlakamej niman yejuan kuajkualtin. Niman no kichiua para kiaui impan on yolchipajkej niman yejuan xyolchipajkej.

San Mateo 6:14

’Tla nenkintlapojpoluiskej oksekimej ika on tlen xkuajli mechchiuiliaj, nemoTajtsin iluikak chanej* no mechtlapojpoluis.

San Mateo 6:30

¡Ay!, nemejuamej yejuan xmás nenkineltokaj Dios, tla on xojtli yejuan ken aman in onkaj ipan tepetl, Dios ijki kitlakentia niman uajmostla kitlatiaj, ¿tlen xmás mechtlakentis nemejuamej?

San Mateo 6:32

On yejuan xkixmatij Dios kitejtemouaj nochi in tlajtlamach*. Pero nemoTajtsin iluikak chanej* kimatstikaj ika nochi in mechpoloua.

San Mateo 7:11

Aman tej, tla nemejuamej yejuan xnenkuajkualtin tlakamej nenkimatij ken nenkinmakaskej nemokoneuan on tlajtlamach* tlen kuajli, sanoyej pantlannestikaj ika nemoTajtsin iluikak chanej* mechmakas on tlen kuajli yejuan nenkitlajtlaniliskej.

San Lucas 11:12

¿Noso kimakas sen kolotl ijkuak kitlajtlanilis sen totoltetl?

San Lucas 11:2

Jesús okinmijlij: —Ijkuak nenkichiuaskej oración ijkin xkijtokan: ToTajtsin, akin tinemi iluikak, ma mitsyekteneua nochi tlakatl. Xuajla niman xtlamandaroki ipan in tlaltikpaktli ijkon ken titlamandaroua ne iluikak.

San Lucas 18:7

Aman tej, ¿Dios xno kimpaleuis on yejuan okintlapejpenij tla ikan tonajli niman yeuajli itech noueyikatsajtsilijtokej*? ¿Nouejkauas ika kimpaleuis?

San Juan 4:10

Kemaj Jesús okijlij: —Tla tikmatiskia ika Dios kineki mitsmakas sen kuajli tetlayokolijli*, niman akin nejua yejuan nimitstlajtlanilijtikaj atl, tla ijkon, yej tejua tinechtlajtlaniliskia atl niman nejua nimitsmakaskia on atl yejuan kitemaka nemilistli.

Hechos 2:38

Kemaj Pedro okinmijlij: —Xmoyolpatlakan niman xmokuatekikan cada se de nemejuamej ikan itokatsin JesuCristo para nemotlajtlakoluan mechtlapojpoluiliskej, niman nenkiseliskej on itetlayokolil Dios yejuan Espíritu Santo.

Romanos 5:17

Tla ipampa itlajtlakol se tlakatl, nochi tlakatl omik, tla ijkon, más uelis nochi tlakatl kiselis iueyiteiknelilis* Dios itechkopa JesusCristo, niman Dios ikan iueyitelajsotlalis kijtos ika nochi intlajtlakoluan yokimpopoloj. Ijkon tej, kipiyaskej poder ipan inyenkuiknemilis ipampa JesuCristo.

Romanos 7:18

Nejua tej, nikmati ika ipan notlalnakayo xitlaj* onkaj tlen kuajli, pampa maski nikneki nikchiuas on tlen kuajli, xueli nikchiua.

Romanos 8:32

Dios, hasta iKonetsin xokinenek* para topampa okitemakak, yej topampa okitlalij iKonetsin ken uentli para omik. Niman tla yejua ijkon okichiu, ¿hasta kenijki tej, no xtechmakas iuan iKoneu nochi on okseki tlatiochiualistin?

Tito 3:3

Achtopa tejuamej no xkuajli titlanemiliayaj niman xtitetlakamatiyaj. No tixpolijtinemiyaj niman tinemiyaj ipan nochi sesekneka eleuilistli* niman pakilisyotl yejuan xkuajli. Tinemiyaj ipan on tlen xkuajli niman ipan nexikolyotl. Oksekimej techtlauelitayaj niman tikintlauelitayaj.