San Lucas 10:2 - El Nuevo Testamento

² Antes yaskiaj okinmijlij: —On pixkilistli yoyekok niman sanoyej* ueyi tekitl onkaj. Pero xmiyekej nemij on pixkakej para pixkaskej. Yejua ika tej, xtlajtlanilikan iTEKO on pixkilistli para ma kinuajtitlani más tekitkej para pixkaskej.

In yencuic iyectlajtoltzin Dios itech ica toTeco Jesucristo

² Antes yasquiaj oquimijlij: ―On pixquilistli sanoyej hueyi, pero xmiyequej nemij on pixcaquej para pixcasquej. Yejhua ica, tej, xtlajtlanilican iTeco on pixquilistli para ma quinhuajtitlani más tequitquej para ma pixcaquij.

San Lucas 10:2 Iomraidhean Croise

San Mateo 20:1

’Yejua ika, ne kampa tlamandaroua on iluikak chanej, no ijkon nochiua ken on tlalejketl yejuan kipiya uvas ipan sen ueyi tlajli. In tlakatl ijkuak kualkan okis, okintejtemoto tlakeualtin para kitekiliskej on uvas.

San Marcos 13:34

In sano ijki ken sen tlakatl yejuan kajteua ichan niman ompaxaloua sanoyej uejka. Niman kinnajnauatijteua on itekitkauan, niman kiminmakateua tekitl, niman kajteua sen tlakatl ne kiauatenko para ma tlacuidaro.

San Marcos 16:15

Kemaj okinmijlij: —Xuiyan nochiuiyan imanian in tlaltikpaktli, niman xkijlikan nochi tlakatl on kuajli tlajtojli yejuan kiteijlia ken Dios temakixtia.

San Marcos 16:20

On nomachtijkej* opejkej tenojnotsaj niman temachtijtiayaj nochiuiyan. Niman toTEKO kimpaleuiyaya, niman itechkopa on milagros* yejuan kichiuayaj ijkuak temachtijtiayaj, kintitiaya on tlakamej ika intemachtil yejua tlen melauak.

San Lucas 9:1

Jesús okinsentlalij on majtlaktli uan ome apóstoles* niman okinmakak poder niman tlanauatijli para kintekixtiliskej nochi on xkuajkualtin espíritus niman para tepajtiskej.

Hechos 11:19

On tlaneltokakej yejuan ochojcholojkej ipampa on xkuajkualtin tlakamej yejuan okimiktijkej Esteban, oyajkej hasta neka Fenicia, Chipre, niman ipan on ueyikalpan Antioquía. Ompaka, kiteijlijtiayaj itlajtoltsin Dios, pero san kinmijliayaj on hebreos*.

Hechos 13:2

Se tonajli, ijkuak yejuamej in kitekipanouayaj toTEKO niman nosauayaj, on Espíritu Santo okijtoj: —Xnechinmaxkatikan Bernabé niman Saulo para on tekitl yejuan oniktlapejpenij para kichiuaskej.

Hechos 13:4

On Espíritu Santo okintitlan Bernabé niman Saulo, niman yejuamej otemotoj ne Seleucia niman ompa onatlalijkej para oyajkej ipan on tlaluaktli itoka Chipre yejuan onkaj itlajkotian mar.

Hechos 20:28

Niman aman sano nemejuamej nemopan xtlachakan niman impan xtlachakan nochimej on tlaneltokakej yejuan on Espíritu Santo intech omechtlalij ken tlajpixkej para impan nentlachaskej. Xkincuidarokan on tlaneltokakej yejuan iyaxkauan* Dios toTEKO, yejuan okinkou ikan iyesyo.

Hechos 22:21

Pero toTEKO onechijlij: “Xuiya, pampa nejua nimitstitlani uejka intech on yejuan xhebreos*.”

Hechos 8:4

On yejuan onochajchayajkej* oyajkej nochiuiyan kiteijlijtiayaj on kuajli tlajtojli yejuan kiteijlia ken Dios temakixtia.

1 Corintios 12:28

Ijkon tej, intsajlan on yejuan tlaneltokaj, Dios okinkalaktij miyekej ipan itekiu. Achtoj okinkalaktij apóstoles*, ika ome tiotlajtojkej, ika yeyi temachtijkej, ika naui on yejuan kichiuaj milagros, kemaj on yejuan uelij tepajtiaj, kemaj on yejuan tepaleuiyaj, kemaj on yejuan teyekanaj, niman kemaj on yejuan tlajtlajtouaj ikan okseki yenkuik tlajtoltin*.

1 Corintios 15:10

Pero aman nejua niapóstol* ipampa iueyitetlajsojtlalis* Dios. Niman on iueyitetlajsojtlalis* xsanenkaj. Yej nejua más sanoyej* yonitekit xken on oksekimej apóstoles*, maski xnejua nitekiti, yej iueyitetlajsojtlalis* Dios tekiti notechkopa.

2 Corintios 6:1

Ijkon tej, pampa titekitij ipan itekiu Dios, sanoyej* temechtlajtlaniliaj maka san xkauilmatikan iueyitetlajsojtlalis* yejuan xtechtocarouaya tikseliskej,

Filipenses 2:21

Oksekimej kitejtemouaj tlen kuajli san para yejuamej, niman xejuan para Cristo Jesús.

Filipenses 2:25

Nikita noneki nemechtitlanilis tokniu Epafrodito yejuan onenkuajtitlankej para onechpaleuij ika on tlen nechpolouayaj. Yejua nokniu itech Cristo niman otekit nouan para tikmanauiyaj on kuajli tlajtojli.

Filipenses 2:30

Ijkon xselikan pampa yejua ye mikiya ipampa itekiu Cristo. Okitlalij inemilis kampa ye mikiskia san para onechpaleuiko ika on tlen nemejuamej xouel onennechpaleuijkej.

Colosenses 1:29

Yejua ika in sanoyej nitekiti. Nikchiua kanika ika nochi chikaualistli yejuan Cristo ikan ipoder nechmaka.

Colosenses 4:12

No ijki mechtlajpaloua Epafras yejuan nemochanejkau niman itekipanojkau Cristo. Yejua nochipa sanoyej kitlajtlanilia Dios para nemejuamej xmelajkanemikan niman xchijchikajtiakan ipan nemotlaneltok, niman para kuajli nenkimatiskej on tlen Dios kineki para nenkichiuaskej.

1 Tesalonicenses 2:9

Nokniuan, nemejuamej nenkelnamikij kenijki otitekitkej niman otikchijkej kanika para otiktlankej totlakual. Titekitiyaj ikan tonajli niman yeuajli para nion akin de nemejuamej otemechtekimakakej chika tejuamej temechmachtiayaj on kuajli tlajtojli yejuan kiteijlia ken Dios temakixtia.

1 Tesalonicenses 5:12

Nokniuan, sanoyej temechtlajtlaniliaj xkimpiyalikan tetlakaitalistli on yejuan tekitij nemouan, yejuan mechyekanaj niman mechtlakanonotsaj, pampa yejuamej kipiyaj tlanauatijli de toTEKO.

2 Tesalonicenses 3:1

Sa ika nochi nokniuan, xchiuakan oración topampa para on itemachtil toTEKO nimantsin ma nochayaua, niman ma kiselikan ikan tetlakaitalistli, ijkon ken onochiu nemouan.

1 Timoteo 4:10

In yejua ika sanoyej titekitij niman tikijyouiyaj tlauejli, pampa san se toyojlo yotiktlalijkej itech on Dios yejuan yoltikaj, yejuan nochi tlakatl itemakixtijkau, niman más para yejuamej on yejuan kineltokaj.

2 Timoteo 4:5

Pero tejua nochipa xpiya on kuajli tlamachilistli, xxiko on tlajyouilistli, xpiya moyojlo para tikteijlis on kuajli tlajtojli yejuan kiteijlia kenijki Dios temakixtia, niman kuajli xchiua motekiu.

Filemón 1:1

Nejua, Pablo, yejuan nitsakutikaj ipampa Cristo Jesús, nikijkuiloua in tlajkuilolamatl san sekan iuan tokniu Timoteo para tejua, Filemón, totekipanojkaxiu ipan itekiu Cristo.

Hebreos 3:6

Pero Cristo yejuan yolchipauak tekoneu, kuajli okichiu nochi itekiu yejuan Dios okimakak intech ikoneuan. Tejuamej tiikoneuan tla tikejeuaj totlaneltok niman totlamachalis* yejuan tikpiyaj.

El Apocalipsis 2:1

’Xtlajkuilui ipastor on tiopan de Éfeso niman ijkin xkijli: “In yejua itlajtol on yejuan kipiya on chikome sitlalimej ipan iyekma, niman yejuan nemi intlajkotian on chikome candeleros tlachijchijtin ikan oro.