San Lucas 1:32 - El Nuevo Testamento

³² Yejua ueyixtias niman itoka yes teKoneu itech on más ueyixtikaj Dios. Niman Dios toTEKO kitlalis para Rey yes, niman kipiyas on tekiuajyotl yejuan iuejkatataj David okipix.

In yencuic iyectlajtoltzin Dios itech ica toTeco Jesucristo

³² Yejhua hueyixtias niman itoca yes teConeu itech on yejhuan más hueyixticaj Dios. Niman Dios toTeco quitlalis para Rey yes niman quipias on tequihuajyotl yejhuan ihuejcataj David oquipix.

San Lucas 1:32 Iomraidhean Croise

San Mateo 1:1

In yejua imintoka iuejkatajuan JesuCristo yejuan teuejkakoneu itech David niman teuejkakoneu itech Abraham.

San Mateo 12:42

No ijki, on siuatl reina yejuan tlamandaroua ipan sen país neka Sur, noketsteuas ipan on tonajli ijkuak Dios kintlaxtlauilis nochimej, niman kintlajtlakolmakas in tlakamej yejuan chantij ipan in tonaltin. Ijkon kichiuas pampa ouajleu sanoyej uejka para okakiko itlamatkilis* Salomón, niman nikan nemi on yejuan más ueyixtikaj xken Salomón.

San Mateo 28:18

Kemaj Jesús okinnisiuij, niman okinmijlij: —Nejua yonechmakakej nochi tekiuajyotl para nitlamandaros ne iluikak niman nikan ipan in tlaltikpaktli.

San Mateo 3:11

Melauak nejua nemechkuatekiya ikan atl para nenkiteititiaj ika yonenkajkajkej nenkichiuaj on tlen xkuajli, pero on yejuan nechajtoka kipiya más poder xken nejua, niman nejua xnechmelaua* nion achijtsin para nikakkixtis. Yejua tej, mechkuatekis ikan Espíritu Santo niman ikan tlitl.

San Marcos 14:61

Pero Jesús xnauatiya niman xtenankiliaya. On más ueyixtikaj tlayekanketl intech on tiopixkej oksejpa okitlajtoltij: —¿Tejua tiCristo, tiiKoneu on Dios yejuan yektitikaj?

San Marcos 5:7

Niman okitsajtsilij chikauak: —¿Tlinon tikneki nouan Jesús, tejua tiiKoneu Dios yejuan más ueyixtikaj? Nimitsajmankatlajtlanilia ixpan Dios, maka xnechtlajyouilti.

San Lucas 1:15

Ijkin nochiuas, pampa yejua ueyixtias ixpan Dios. Yejua xkonis vino nion itlaj okse yejuan tetlauantij, niman on Espíritu Santo nochipa kiyoltemitis desde ijkuak tlakatis.

San Lucas 1:35

Niman on ángel okinankijlij: —On Espíritu Santo mopan uajlas, niman ipoder on yejuan más ueyixtikaj Dios kichiuas sen milagro tejua mopan. Yejua ika, on konetsintli yejuan tlakatis yolchipauak yes niman itoka yes iKonetsin Dios.

San Lucas 1:76

Niman tejua, nokonetsin Juan, mitstokayotiskej itiotlajtojkau on más ueyixtikaj Dios, pampa tejua tias iyakapan on toTEKO para tikuektlalijtias iojui.

San Lucas 3:16

Yejua ika Juan okinmijlij: —Melauak nejua nemechkuatekiya ikan atl. Pero uajlau okse yejuan kipiya más ueyitilistli xken nejua, niman nejua xnechmelaua* nion siquiera niktojtomas ikakmekayo. Yejua tej, mechkuatekis ikan Espíritu Santo niman ikan tlitl.

San Lucas 6:35

Pero nemejuamej xkimintlajsojtlakan on yejuan mechtlauelitaj niman xkinchiuilikan on tlen kuajli. Niman itlaj xkimintlanejtikan pero maka nenkichaskej itlaj intech nenkiseliskej. Tla ijkon nenkichiuaskej, nenkipiyaskej sen ueyi tetlayokolijli*, niman nemejuamej nentekoneuan yeskej itech Dios yejuan más ueyixtikaj, pampa yejua yolyemanki* intech on yejuan xitlaj* kitlajsojkamatij niman intech on yejuan xkuajkualtin tlakamej.

San Juan 12:34

Niman ijkuak on tlakamej ijkon okakkej, okijlijkej: —On Yektlajkuilojli techmachistia ika Cristo nemis para nochipa. Yejua ika, ¿tline tejua tikijtoua ika on yejuan onochiu Tlakatl ika onkaj kajkopiloskej? ¿Akinon on yejuan onochiu Tlakatl?

San Juan 6:69

Niman aman tejuamej yotikneltokakej niman ye tikmatstokej ika tejua tiCristo, tiiKoneu Dios yejuan nochipa nemi.

Hechos 16:17

On ichpochtli opeu techkuitlapanuiya Pablo niman tejuamej. Niman chikauak ijkin tsajtsiya: —In tlakamej kitekipanouaj on más ueyixtikaj Dios, niman mechpantlantiliaj on ken Dios ueli temakixtia.

Hechos 2:30

Pero David tiotlajtojketl katka niman yejua kimatstikatka ika Dios okijtojka kichiuas niman okimelajkaijtoj ika semej iuejkakoneuan notlalis ipan itrono para rey yes.

Hechos 2:36

’Yejua ika, nochi kech nenhebreos* ipan in país de Israel xmatikan kuajli niman maka xometlamatikan ika in Jesús yejua on yejuan nemejuamej onenkajkopilojkej ipan kojnepanojli, Dios yokitlalij para yejua toTEKO niman yejua Cristo.

Hechos 7:48

Xkaua tej, toueyi Dios xchanti ipan tiopantin yejuan tlakamej kichijchiuaj. Ijkin kijtoua on tiotlajtojketl:

Romanos 1:4

Pero ijkuak okitôkakej niman onokuiteu ipan itlalkon, on Espíritu Santo okipanextij ikan poder ika yejua iKoneu Dios.

El Apocalipsis 3:7

’Xtlajkuilui ipastor on tiopan de Filadelfia niman ijkin xkijli: “In yejua itlajtol on yejuan melauak niman yolchipauak, niman yejuan kipiya illave David. On tlen yejua kitlapoua, xakaj ueli kitsakua; niman on tlen yejua kitsakua, xakaj ueli kitlapoua.