San Lucas 1:17 - El Nuevo Testamento

¹⁷ Juan yas iyakapan toTEKO ikan iyolchikaualis niman poder ken on yejuan okipix on tiotlajtojketl Elías. Yas iyakapan toTEKO, niman kichiuas para on tatajtin ma kintlajsojtlakan inkoneuan, niman no kichiuas para on yejuan xkitlakamatij Dios ma kitlakamatikan, ijkon ken on yejuan kuajkualtin tlakamej. Ijkon kinmelajkatlalis on tlakamej para ueliskej kiseliskej toTEKO.

In yencuic iyectlajtoltzin Dios itech ica toTeco Jesucristo

¹⁷ Yejhua in Juan yas iyecapan toTeco ican on iyolchicahualis niman on poder yejhuan oquipix on tiotlajtojquetl Elías. Yas iyecapan toTeco, niman quichihuas para on tatajtin ma quintlajsojtlacan inconehuan, niman no quichihuas para on yejhuan xquitlacamatij Dios ma quipiacan on tlamatquilistli, ijcon quen on yejhuan cuajcualtin tlacamej quipiaj. Ijcon quinmelajcatlalis on tlacamej para huelisquej quiselisquej on toTeco.

San Lucas 1:17 Iomraidhean Croise

San Mateo 11:14

Niman tla nemejuamej nenkinekij nenkineltokaskej intemachtil, Juan sa no yejua on tiotlajtojketl Elías yejuan okijtoka ika uajlas.

San Mateo 14:4

Juan kijliaya Herodes: —Itlanauatil Dios xmitskauilia tikpiyas isiuau mokniu ken mosiuau.

San Mateo 3:3

On tiotlajtojketl Isaías otlajkuiloj itechkopa Juan ijkuak ijkin okijkuiloj: Yakaj nemi ne kampa xalpatlajkan niman ijkin chikauak kijtoua: “Xyektlalikan nemoyojlo pampa ye uajlau toTEKO. Xmelauakan nemonemilis ijkon ken on tlakamej kuejkueltlaliaj, niman kimejmelauaj se ojtli ijkuak uajlau sen tlakatl yejuan ueyixtikaj.”

San Mateo 3:4

Juan notlakentiaya ikan tlakentli* yejuan tlachijchijtli ikan itsojmiyo camello, niman kitlaliaya ilpikatl tlachijchijtli ikan kuetlaxtli. Yejua kinkuaya on chapolimej, niman no koniya on kojnekutli.

San Lucas 1:16

Yejua kichiuas para miyekej tlakamej yejuan tekoneuan itech Israel ma nokuepakan niman ma kitlakamatikan toTEKO yejuan iminDios.

San Lucas 1:76

Niman tejua, nokonetsin Juan, mitstokayotiskej itiotlajtojkau on más ueyixtikaj Dios, pampa tejua tias iyakapan on toTEKO para tikuektlalijtias iojui.

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 1:34

Nejua yonikitak niman aman nitemachistia ika yejua iKoneu Dios.

San Juan 3:28

Nemejuamej kuajli onennechkakej ijkuak onemechijlij ika nejua xniCristo, yej se yejuan Dios okuajtitlan iyakapan.

Hechos 10:33

Ijkon tej, nimantsin onitlatitlan ma mitstejtemotij, niman otikchiu kuajli ika otiuajlaj. Aman tej, tinochimej tinemij nikan ixpan Dios para tikakiskej nochi tlen toTEKO omitsnauatij.

Romanos 9:23

Ijkin okichiu para okiteititij ken sanoyej ueyi on iueyilis yejuan otechmakak tejuamej yejuan otechiknelij. Ijkon otechmakak tejuamej yejuan otechachtojtlalij para tikseliskej on ueyilistli.

Colosenses 1:12

Nenkimakaskej tlaxtlauijli toTajtsin, pampa omechmelajkatlalij para nenkiseliskej on herencia inuan nochimej on yolchipajkej ne ipan iluikak kampa tlauilpan.

2 Timoteo 2:21

No ijki, tla sen tlakatl nochipauas, yejua petlanis ken on tlajtlamach* tlachijchijtli ikan oro yejuan iteko kixeloua niman kitekitiltia ipan se tekitl yejuan ueyixtikaj, pampa yejua uelis tekitis ipan nochi tlen kuajli.

1 Pedro 2:9

Pero nemejuamej Dios omechtlapejpenij, niman nentiopixkej para nenkipaleuiskej toRey. Niman nemejuamej no sen nación yektli, niman nemejuamej no nenteyaxkauan* itech Dios. Niman nochi in onochiu para nenkiteijliskej iueyilis Dios yejuan omechkixtij ipan on tlayauajlotl, niman omechuikak kampa sanoyej kuatsin tlauilpan.

1 Juan 2:28

Aman tej, notlajsojkakoneuan, nochipa xnemikan san sekan iuan Cristo, para xnempinauaskej niman xnenmojmotiskej ijkuak yejua uajlas.

El Apocalipsis 20:4

Kemaj, onikintak on tronos, niman on yejuan yokiselijkaj tekiuajyotl para teyolkuitiskej ompa yejyeuatikatkaj. No ijki onikintak inalma on yejuan okinkechtsontekaj pampa kiteijliayaj on temachtijli de Jesús, niman pampa okitemachtijkej itlajtol Dios. Yejuamej xokimauistilijkej on xkuajli yolki, nion on iixkopinajlo. Niman no xokinnokauilijkej ma kintlalilikan ineskayo on xkuajli yolki ipan inmixkuatipan nion ipan inma. Yejuamej oyolijkej*, niman onoketstejkej, niman se mil xipan iuan Cristo otlamandarojkej.