San Juan 9:39 - El Nuevo Testamento

³⁹ Kemaj Jesús okijlij: —Nejua oniuajlaj ipan in tlaltikpaktli para niteyolkuitis, niman ijkin on yejuan ciegos uelis tlachaskej niman on yejuan tlachaj nochiuaskej ciegos.

In yencuic iyectlajtoltzin Dios itech ica toTeco Jesucristo

³⁹ Quemaj oquijtoj Jesús: ―Nejhua onihuajlaj ipan in tlalticpactli para niquintlaxtlahuilis on tlacamej quen nonequi quiselisquej. On yejhuan xhuelij cajsicamatij on tlajtlamach ica Dios, yejhuamej niquimpalehuis para huelis cajsicamatisquej. Niman on yejhuan notenehuaj cajsicamatij, masqui xnejli, xniquimpalehuis para ma cajsicamatican. Ijcon tej, yejhuamej quen ciegos impan intlamachilis pampa xcajsicamatij on tlajtlamach itech ica Dios.

San Juan 9:39 Iomraidhean Croise

San Mateo 11:5

Xtlajtlajtouilikan ika aman tlachaj on yejuan ciegos, niman ika on yejuan uilatsitsintin kistinemij, niman on yejuan kipiyayaj lepra* pajtij, niman on yejuan nakastsatsamej tlakakij, niman on yejuan mikatsitsimej yoliuij* niman noketsteuaj ipan intlalkon. Niman no xtlajtlajtouilikan ika on yejuan mayankej kakij on kuajli tlajtojli yejuan kiteijlia ken Dios temakixtia.

San Mateo 15:14

Maka xkinkakikan. Yejuamej ken on ciegos yejuan kinyekanaj oksekimej ciegos. Tla sen ciego kiyekanas okse ciego, nochimej on omemej onxiniskej ne kampa uejkatlan.

San Mateo 6:23

Pero tla nemotlamachilis xkajsikamati on tlen kuajli para nenkichiuaskej, nemoalma kipiya tlayouajyotl. Niman xonkaj okse tlayouajyotl yejuan más kapotstik* xken yejua on.

San Lucas 1:79

Niman on Temakixtijketl kinmakixtis yejuan tlajtlakouaj niman yejuan nemij ipan mikilistli. Yejuamej no kinmakas yolseuilistli.

San Lucas 13:30

Ijkuakon, on yejuan aman xuejueyixtokej, uejueyixtiaskej, niman on yejuan aman uejueyixtokej, xuejueyixtiaskej.

San Lucas 2:34

Kemaj Simeón okintiochiu, niman okijlij María: —Xkita, Dios okitlalij in konetsintli ipan itekiu. Miyek tlakatl yejuan chanej* ipan in país de Israel ixpoliuiskej pampa xkineltokaskej mokoneu, niman miyek tlakatl no kiseliskej on nemilistli yejuan para nochipa pampa kineltokaskej. Niman yejua kiteititis on ojtli para kalakiskej ne itech Dios, pero miyekej yej kixnamikiskej.

San Lucas 4:18

On iEspíritu toTEKO nopan nemi, pampa onechkalaktij ipan notekiu para nikinmachistis on mayankej tlakamej on kuajli tlajtojli yejuan kiteijlia ken Dios temakixtia. Onechajtitlan nikimpaktis on yejuan noyolajmanaj, para nikintitis ika Dios uelis kinmanauis on yejuan Satanás yokinnoyaxkatijka, para nikiminmakas intlachalis on ciegos, niman para nikiminmanauis on yejuan tlajyouiyaj.

San Lucas 7:21

Sano ipan on tonaltin chika inomachtijkauan* Juan ompa nemiyaj, Jesús okimpajtij miyekej tlakamej de miyek kualolistin niman okinkixtilij on tlajyouilistin, niman ika on xkuajkualtin espíritus, niman no okinmakak tlachalistli miyekej yejuan ciegos.

San Juan 12:31

Aman yoyejkok on tonajli ijkuak Dios kinyolkuitis niman kintlajtlakolmakas nochimej in tlaltikpaktlakamej. Niman aman yejua kixtilis ipoder on diablo* yejuan kimandaroua in tlaltikpaktli.

San Juan 12:46

Nejua oniuajlaj ipan in tlaltikpaktli ken sen tlauijli para on yejuan nechneltokas xnemis ipan tlayouajlotl.

San Juan 3:17

Dios xokuajtitlan iKonetsin intech on tlaltikpaktlakamej para kintlajtlakolmakas, yej para on kimakixtis on tlaltikpaktlakamej.

San Juan 3:19

Yejuamej kiseliaj tlajtlakolmakalistli pampa ouajlaj on tlajuijli, yejuan iKonetsin Dios, ipan in tlaltikpaktli niman okintitij on kuajli ojtli para ipan nouikaskej, pero xkinekij nouikaskej ipan on kuajli ojtli, pampa yejuamej kichiuaj on tlen xkuajli.

San Juan 8:12

Jesús oksejpa okinnots on tlakamej niman okinmijlij: —Nejua nitlauijli ipan in tlaltikpaktli. Yejuan yas nouan, xnejnemis kampa tlayouajtok, yej nejnemis ipan on tlauijli yejuan kimakas yenkuik nemilistli.

San Juan 8:15

Nemejuamej nentetlajtlakolmakaj ken on tlaltikpaktlakamej kichiuaj. Pero nejua xakaj niktlajtlakolmaka.

San Juan 9:25

Ijkuakon yejua okinmijlij: —Nejua xnikmati tla yejua tlajtlakolej noso ka. Yej tlinon nejua nikmatstikaj, niciego katka niman aman nitlacha.

Hechos 26:18

Nejua intech nimitstitlani para tikintitis on tlen melauak. Ijkon tej, tikintitis para xok yaskej ipan on ojtli yejuan kinuika para mikilistli, yej para uelis kajsiskej on ojtli yejuan kinuikas ipan temakixtilistli. No ijki tej, tikintitis para maka sa ma kinyekana ipoder on Satanás, yej ma kitokatiakan Dios. Ijkon tej, nochimej on yejuan nechneltokaj kiseliskej on tetlapojpoluilistli de on intlajtlakol niman sen chanyotl* intsajlan on yolchipajkej.”

2 Corintios 2:16

Para on yejuan xnomakixtiaj, on temachtijli ken itlaj askayotl* yejuan temiktia, pero para on yejuan nomakixtiaj, on temachtijli kinmaka nemilistli. ¿Akinon tej, uelis kuajli temachtis ika ipoder? ¡Xakaj uelis temachtis!

Efesios 5:14

Yejua ika ijkin nijtoua: Xtlacha tejua yejuan tikochi. Xmokuiteua niman xkisa ne intsajlan on mikatsitsimej yejuan kichiuaj on tlen xkuajli. Tla ijkon tikchiuas, Cristo mitstlauiluis.

2 Tesalonicenses 2:10

Kiteititis miyek tlajtlamach* yejuan xkuajli para ika kinkajkayauas on yejuan yauij ipan popolouilistli. Yejuamej popoliuiskej pampa xokiselijkej nion xokitlajsojtlakej on tlen melauak para nomakixtiskej.

1 Pedro 2:9

Pero nemejuamej Dios omechtlapejpenij, niman nentiopixkej para nenkipaleuiskej toRey. Niman nemejuamej no sen nación yektli, niman nemejuamej no nenteyaxkauan* itech Dios. Niman nochi in onochiu para nenkiteijliskej iueyilis Dios yejuan omechkixtij ipan on tlayauajlotl, niman omechuikak kampa sanoyej kuatsin tlauilpan.

1 Juan 2:11

Pero on yejuan kitlauelita ikniu nemi niman kistinemi ipan tlayouajlotl. Yejua xkimati kanon yau, pampa on tlayoualyotl kixpayatilia.