San Juan 9:30 - El Nuevo Testamento

³⁰ Kemaj on tlakatl okinmijlij: —¡In yejua nechtlatlachaltia ika nemejuamej xnenkimatij kanon ualeua niman nejua onechimpajtilij nixtololojuan!

In yencuic iyectlajtoltzin Dios itech ica toTeco Jesucristo

³⁰ On tlacatl ijcuacon oquimijlij: ―¡Yejhua in nechtlatlachaltia ica nemejhuamej xnenquimatij canon hualehua niman nejhua onechimpajtilij nixtololojhuan!

San Juan 9:30 Iomraidhean Croise

San Mateo 11:5

Xtlajtlajtouilikan ika aman tlachaj on yejuan ciegos, niman ika on yejuan uilatsitsintin kistinemij, niman on yejuan kipiyayaj lepra* pajtij, niman on yejuan nakastsatsamej tlakakij, niman on yejuan mikatsitsimej yoliuij* niman noketsteuaj ipan intlalkon. Niman no xtlajtlajtouilikan ika on yejuan mayankej kakij on kuajli tlajtojli yejuan kiteijlia ken Dios temakixtia.

San Mateo 21:42

Kemaj Jesús okinmijlij: —¿Xkaman onenmomachtikej in Yektlajkuilojli yejuan ijkin kijtoua? On tetl yejuan on tepanchijkej xokiselijkej, aman yejua yonochiu ken esquinero. ToTEKO yejua ijkin okichiu, niman sanoyej techtlatlachaltij on tlen tikitaj.

San Marcos 6:6

Jesús sanoyej* okitlatlachaltij pampa yejuamej xkineltokayaj. Niman Jesús panotiaya nochiuiyan ipan on kalpanmej, niman temachtijtiaya.

San Lucas 7:22

Kemaj Jesús okinnankilij on inomachtijkauan* Juan: —Xuiyan niman xkijlikan Juan on tlen nemejuamej yonenkitakej niman yonenkakkej. Xtlajtlajtouilikan ika aman tlachaj on yejuan ciegos katkaj, niman on yejuan uilatsitsimej katkaj kistinemij, niman on yejuan palaniya innakayo pajtij, niman on yejuan tsatsamej katkaj tlakakij, niman on mikatsitsimej yoliuij* niman nokuiteuaj ipan intlalkon. Niman no xtlajtlajtouilikan ika on yejuan mayankej kakij on kuajli tlajtojli yejuan kiteijlia ken Dios temakixtia.

San Juan 12:37

Maski Jesús okichiu miyek milagros* imixpan, xkineltokayaj.

San Juan 3:10

Jesús okinankilij: —¿Tejua tiueyitemachtijketl ipan Israel niman xtikmati in tlajtlamach*?

San Juan 9:29

Tejuamej tikmatstokej ika Dios okinots Moisés, pero on tlakatl, nion achijtsin xtikmatij kanon ualeua.

San Juan 9:31

Kuajli tikmatstokej ika Dios xkinkaki on tlajtlakolejkej, yej san kinkaki on yejuan kitlakaitaj niman kichiuaj on tlen yejua kineki.

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.