San Juan 8:52 - El Nuevo Testamento

⁵² Ijkuakon on hebreos* okijlijkej: —Aman kuajli tikmatij ika tikpiya sen xkuajli espíritu. Abraham niman nochimej on tiotlajtojkej omikkej, niman tejua tikijtoua: “Yejuan kichiua on tlen nejua nikijtoua, xkaman mikis.”

In yencuic iyectlajtoltzin Dios itech ica toTeco Jesucristo

⁵² Ijcuacon on hebreos oquijlijquej: ―Aman cuajli ticmatij ica ticpia se xcuajli espíritu. Abraham niman nochimej on tiotlajtojquej omiquej, niman tejhua tiquijtohua: “Yejhuan quichihua on tlen nejhua niquijtohua, xqueman miquis.”

San Juan 8:52 Iomraidhean Croise

San Mateo 11:18

Pampa ijkuak Juan ouajlaj, nosauaya niman xitlaj* koniya, niman yejuamej okijtojkej ika yejua okipix sen xkuajli espíritu.

San Juan 1:19

On tlayekankej hebreos* chanejkej Jerusalén, okintitlankej tiopixkej niman levitas itech Juan para kitlajtoltiskej akin yejua.

San Juan 14:23

Jesús okijlij: —Yejuan nechtlajsojtla* kejeuas on tlen nikijtoua. Niman noTajtsin kitlajsojtlas, niman noTajtsin niman nejua tiuajlaskej para iuan tichantiskej.

San Juan 15:20

Xkelnamikikan on tlen onemechijlij: “Xakaj tlakeuajli más ueyixtikaj xken on iteko.” Tla nejua nechtlajyouiltiaj, nemejuamej no mechtlajyouiltiskej. Niman tla okitlakamatkej notemachtil, no kitlakamatiskej on yejuan nemejuamej nemotemachtil.

San Juan 17:6

On tlakamej yejuan tejua otinechinmakak intsajlan on tlaltikpaktlakamej onikinmachistij akin tejua. Moyaxkauan* katkaj, niman tejua otinechinmakak, niman yokitlakamatkej on tlen otikijtoj.

San Juan 7:20

On tlakamej okinankilijkej: —Mojtik nemi sen xkuajli espíritu. ¿Akinon kineki mitsmiktis?

San Juan 8:22

Kemaj on hebreos* okijtojkej: —¿Manin yej nomiktis sano yejua? Kas kemaj, niman yejua ika kijtoua xuelis tiaskej kampa yejua yas.

San Juan 8:48

Kemaj on hebreos* okijlijkej: —¿Xtikijtouaj tlen melauak ijkuak tikijtouaj ika tejua tisamaritano niman mojtik nemi on xkuajli espíritu?

San Juan 8:51

Ika tlen melauak nemechijlia ika yejuan kichiua on tlen nejua nikijtoua, xkaman mikis.

San Juan 8:55

Nemejuamej xnenkixmatij, pero nejua, kemaj nikixmati. Tla nikijtoskia xnikixmati, tla ijkon, nitlakajkayajki yeskia no ken nemejuamej. Pero nejua melauak nikixmati niman nikchiua nochi on tlen yejua kijtoua.

San Juan 9:24

Kemaj on hebreos* oksejpa okinotskej on tlakatl yejuan ciego katka, niman okijlijkej: —Xtechijli ixpan Dios tlen melauak. Tejuamej tikmatstokej ika on tlakatl tlajtlakolej.

Hebreos 11:13

Nochimej on tlakamej okipixkej imintlaneltok ijkuak omikkej maski xokiselijkej on tlen Dios okimprometerouilij. Pero sanoyej pakiyaj pampa ipan intlaneltok kimatstikatkaj ika on promesa nochiuas maski panos miyek tiempo para nochiuas. Ijkon okiteititikej ika xchanejkej ipan in tlaltikpaktli, yej chanejkej ipan iluikak.

Hebreos 2:9

Pero tikitaj ika Jesús, Dios okitlalij xmás ueyixtikaj ken on ángeles san para achijtsin tiempo. Ijkon okichiu ika iueyitetlajsojtlalis* para omik ipampa nochi tlakatl. Ijkon tej, tikitaj ika aman yejua kipiya ueyilistli niman tetlakaitalistli pampa otlajyouij niman omik ne ipan on kojnepanojli*.